វិធីហាត់ប្រាណល្អៗ សម្រាប់អ្នកមានជំងឺលើសឈាម

ទោះបីជាជំងឺលើសឈាមគឺជាកត្តាហានិភ័យនៃជំងឺសរសៃឈាមបេះដូង តែវាក៏អាចការពារបានដោយគ្រាន់តែផ្លាស់ប្តូររបៀបរស់នៅប៉ុណ្ណោះ។ លំហាត់ប្រាណជាទូទៅគឺជាការព្យាបាលដំបូងដែលត្រូវបានគេណែនាំដើម្បីការពារ ព្យាបាល និងការគ្រប់គ្រងសម្ពាធឈាមក្នុងខ្លួន។ វាអាចមានការពិបាកក្នុងការធ្វើ ប៉ុន្តែលំហាត់ប្រាណទៀងទាត់អាចធ្វើឱ្យសម្ពាធឈាមរបស់យើងមានភាពខុសគ្នាហើយជាលទ្ធផលវាអាចការពារជំងឺសរសៃឈាមបេះដូងបាន។

ការធ្វើលំហាត់ប្រាណអាចបង្កើនសម្ពាធឈាមរបស់យើងបណ្តោះអាសន្នបាន ហើយវានឹងកាត់បន្ថយវិញក្នុងរយៈពេលយូរ។ ចំពោះអ្នកមានជំងឺលើសឈាមតែមួយមុខ ការដឹងពីរបៀបហាត់ប្រាណដោយសុវត្ថិភាពគឺមានសារៈសំខាន់ណាស់ដើម្បីការពារផលវិបាកដែលមិនចាំបាច់។

យល់ដឹងពីវេជ្ជបញ្ជា FITT របស់យើង

វេជ្ជបញ្ជាសំរាប់ការធ្វើលំហាត់ប្រាណគឺជាការគ្រប់គ្រងជំងឺដោយផ្អែកលើ FITT ។ FITT គឺជាពាក្យកាត់ដែលមានន័យថា តើញឹកញាប់ប៉ុនណា (Frequency) កម្រិតពិបាក (Intensity) រយៈពេល (Time) និងប្រភេទ (Type) ចំពោះលំហាត់ប្រាណដែលយើងអាចធ្វើទៅបាន។

ជាទូទៅអ្នកជំងឺលើសឈាមគួរតែចូលរួមក្នុងការធ្វើលំហាត់ប្រាណកម្រិតមធ្យមនៃ ការហាត់ប្រាណបែប aerobic និង ការហាត់ប្រាណរបៀប dynamic resistance ។ អ្នកជំនាញច្រើនណែនាំឲ្យធ្វើការហាត់ប្រាណឲ្យបានច្រើនបំផុតជារៀងរាល់ថ្ងៃក្នុងមួយសប្តាហ៍យ៉ាងហោចណាស់ ៣០ នាទីក្នុងមួយថ្ងៃ។

ការធ្វើលំហាត់ប្រាណការហាត់ប្រាណបែប aerobic រួមមានការដើរ ការរត់យឺតៗ ការរត់ ការឡើងជណ្តើរ ការជិះកង់ និងការហែលទឹក។ ការហាត់ប្រាណរបៀប dynamic resistance គឺជាការធ្វើលំហាត់ប្រាណដែលពាក់ព័ន្ធនឹងចលនារបស់សន្លាក់ មានដូចជាការធ្វើលំហាត់ប្រាណដែលទាក់ទងនឹងទម្ងន់រាងកាយ ឬការប្រើឧបករណ៍លើកទម្ងន់ដូចជា machine weights free weights និង resistance bands។

អត្ថបទពាក់ព័ន្ធ៖

ចាប់ផ្ដើមយឺតៗ

មិនថាហាត់ប្រាណអ្វីក៏ដោយយើងត្រូវចាប់ផ្តើមដំបូងយឺតៗ និងបន្ថែមល្បឿននៅពេលដែលយើងបានបង្កើនកម្រិតលំហាត់ប្រាណ។ ប្រសិនបើយើងចង់ចូលរួមថ្នាក់ហាត់ប្រាណយើងត្រូវចាប់ផ្តើមពីថ្នាក់ដំបូង។ យើងត្រូវកំដៅសាច់ដុំមុនពេលអ្នកធ្វើការហាត់ប្រាណដើម្បីបង្ការការរបួស និងបន្ធូរពេលហាត់។ សូមបង្កើនកម្រិតនៃការហាត់ប្រាណរបស់យើងបន្តិចម្តងៗ។

វាស់សម្ពាធឈាម១

ត្រួតពិនិត្យពីការវិវត្តរបស់យើង

តាមដានពីដំណើរការ និងពិនិត្យពីសម្ពាធឈាមឲ្យបានទៀងទាត់ដោយប្រើឧបករណ៍វាស់សម្ពាធឈាមតាមផ្ទះ។ វាអាចជួយយើងកំណត់ថាតើការធ្វើលំហាត់ប្រាណរបស់យើងអាចជួយ និងកាត់បន្ថយការលើសឈាមរបស់យើងបាន។ យើងត្រូវត្រួតពិនិត្យសម្ពាធឈាមមុន និងយ៉ាងហោចណាស់មួយម៉ោងក្រោយពេលធ្វើលំហាត់ប្រាណ។

ស្តាប់រាងកាយរបស់យើង

បញ្ឈប់ការធ្វើលំហាត់ប្រាណប្រសិនបើយើងធ្លាប់មានការឈឺទ្រូង ឬតឹងទ្រូង វិលមុខ អស់កម្លាំងខ្លាំង ឬពិបាកដកដង្ហើមធ្ងន់ធ្ងរ។ ស្វែងរកជំនួយផ្នែកវេជ្ជសាស្រ្តភ្លាមៗប្រសិនបើចាំបាច់។ ត្រូវប្រាកដថាយើងបានពិគ្រោះជាមួយគ្រូពេទ្យមុនពេលចាប់ផ្តើមធ្វើលំហាត់ប្រាណ ជាពិសេសលើអ្នកដែលមិនមានកាយសម្បទារឹងមាំ និងអ្នកសកម្ម។

ប្រាប់អ្នកដទៃពីស្ថានភាពរបស់យើង

ការឡើងសម្ពាធឈាមគឺទំនងជាអាចពិបាកក្នុងការបានដឹងមុន សូម្បីតែការធ្វើលំហាត់ប្រាណតិចតួចទៅកំរិតមធ្យមក៏អាចធ្វើឲ្យសម្ពាធឈាមអ្នកកើនឡើងដែរ។ ត្រូវពាក់ខ្សែដៃសម្គាល់ផ្នែកវេជ្ជសាស្រ្ត ឬប្រាប់ដៃគូហាត់ប្រាណរបស់យើងពីស្ថានភាពរបស់យើងដើម្បីការពារយើងក្នុងករណីមានអ្វីមួយមិនល្អកើតឡើងចំពោះក្នុងអំឡុងពេលកំពុងហាត់ប្រាណ។

ជៀសវាងសកម្មភាពខ្លាំងក្លា

យើងគួរតែជៀសវាងការធ្វើលំហាត់ប្រាណណាដែលខ្លាំងក្នុងរយៈពេលខ្លីដូចជាការប្រណាំង ឬការលើកទម្ងន់។ សកម្មភាពទាំងនេះអាចបង្កើនសម្ពាធឈាមរបស់យើងឲ្យឡើងលឿន និងប្រទាញសាច់ដុំបេះដូងនិងសរសៃឈាមរបស់យើង។ សកម្មភាពដទៃទៀតដែលយើងគួរជៀសវាងមានដូចជាការជិះស្គី កីឡាលោតពីលើអាកាស និងការមុជទឹក ធ្វើបានលុះត្រាតែយើងជាអ្នកជំនាញដែលបានទទួលការបណ្តុះបណ្តាលលើការគ្រប់គ្រងជំងឺលើសសម្ពាធឈាមបានល្អ។

កុំពន្យារពេលហាត់ប្រាណរបស់យើង

ប្រសិនបើយើងមិនមានពេលគ្រប់គ្រាន់ក្នុងការធ្វើលំហាត់ប្រាណរយៈពេល ៣០ នាទីក្នុងមួយថ្ងៃនោះ យើងអាចធ្វើរយៈពេល ១០ នាទីតាមតែអាចធ្វើបាន។ វាប្រសើរជាងការធ្វើលំហាត់ប្រាណសរុបនៅចុងសប្តាហ៍ ព្រោះវាអាចធ្វើឲ្យយើងត្រូវរបួសភ្លាមៗនិងអាចបង្កគ្រោះថ្នាក់ដល់សុខភាពរបស់អ្នកបាន។ វាក៏អាចធ្វើឱ្យយើងប្រឈមនឹងការរងរបួសដល់សាច់ដុំនិងឆ្អឹងផងដែរ។

អត្ថបទពាក់ព័ន្ធ៖ រត់ហាត់ប្រាណ ងាយស្រួល មិនស៊ាំញ៉ាំ ហើយជួយឆ្អឹងរឹងមាំថែមទៀត

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ចាន់ សុខឡាង · កែ 20/09/2021

វិធីហាត់ប្រាណល្អៗ សម្រាប់​អ្នកមានជំងឺលើសឈាម

យល់​ដឹង​ពី​វេជ្ជបញ្ជា FITT របស់យើង​

ចាប់​ផ្ដើម​យឺត​ៗ

ត្រួត​ពិនិត្យ​ពី​ការ​វិវត្តរបស់​យើង

ស្តាប់​រាង​កាយ​របស់​យើង

ប្រាប់​អ្នក​ដទៃ​ពី​ស្ថាន​ភាព​របស់​យើង

ជៀស​វាង​សកម្មភាព​ខ្លាំង​ក្លា

កុំ​ពន្យារ​ពេល​ហាត់​ប្រាណ​របស់​យើង​