ពោះវៀនធំជាផ្នែកដ៏សំខាន់មួយនៃប្រព័ន្ធរំលាយអាហារ ដែលទាញយកវីតាមីន សារធាតុចិញ្ចឹម ទឹក និងអំបិលពីអាហារដែលពិបាករំលាយ ដើម្បីជួយកម្ចាត់រាល់កាកសំណល់រឹងចេញពីរាងកាយ។ ពិតណាស់ យើងចាំបាច់ត្រូវសម្អាតពោះវៀនធំ ប្រសិនបើមុខងារពោះវៀនធំមានបញ្ហា ដូចជានៅពេលដែលពោះវៀនធំស្រូបយកជាតិពុល ដើម្បីបញ្ចេញចោលពីរាងកាយ ដែលជាលទ្ធផល យើងអាចប្រឈមនឹងរោគសញ្ញាមួយចំនួនដូចជា ឡើងទម្ងន់ អស់កម្លាំង ទល់លាមក ហើមពោះជាដើម។ យ៉ាងណាមិញ យើងក៏អាចធ្វើការសម្អាតពោះវៀនធំតាមបែបធម្មជាតិ ដោយអនុវត្តតិចនិកងាយៗទាំងប្រាំនេះ។

១. ញ៉ាំទឹកឲ្យបានគ្រប់គ្រាន់

វិធីសាស្ត្រដ៏ងាយស្រួល និងល្អបំផុត គឺការញ៉ាំទឹកឲ្យបានគ្រប់គ្រាន់ ដើម្បីរក្សាជាតិទឹកនៅក្នុងរាងកាយ ព្រមទាំងជួយឲ្យសរីរាង្គទាំងមូលមានដំណើរការប្រក្រតី។ មួយវិញទៀត ការញ៉ាំទឹកឲ្យបានគ្រប់គ្រាន់ក៏អាចជួយកម្ចាត់សារធាតុពុលផ្សេងៗពីក្នុងរាងកាយថែមទៀតផង។

កម្មវិធីពិនិត្យជំងឺមហារីកពោះវៀនធំអនឡាញ

កម្មវិធីពិនិត្យសុខភាពក្រពះពោះវៀនអនឡាញ

កម្មវិធីពិនិត្យជំងឺរលាកពោះវៀនរ៉ាំរ៉ៃអនឡាញ

២. ញ៉ាំទឹកផ្លែប៉ោម

ទន្ទឹមនឹងនេះដែរ ទឹកផ្លែប៉ោមក៏មានប្រសិទ្ធភាពខ្ពស់ក្នុងការសម្អាតពោះវៀនធំដូចគ្នា។ ភេសជ្ជៈមួយប្រភេទនេះ អាចជួយឲ្យពោះវៀនធំមានដំណើរការប្រក្រតី និងជួយឲ្យថ្លើមមានសុខភាពល្អ។ ដើម្បីទទួលបានលទ្ធផលល្អបំផុតក្នុងការសម្អាតពោះវៀនធំ យើងគួរញ៉ាំទឹកផ្លែប៉ោមមួយកែវ និងញ៉ាំទឹកធម្មតាមួយកែវទៀតនៅកន្លះម៉ោងក្រោយ។

៣. ទឹកក្រូចឆ្មារ

ទឹកក្រូចឆ្មារ សម្បូរទៅដោយវីតាមីនC ខ្ពស់ ដែលល្អឥតខ្ចោះសម្រាប់ប្រព័ន្ធរំលាយអាហារ។ យើងអាចលាយទឹកក្រូចឆ្មារ ជាមួយនឹងទឹកក្ដៅឧណ្ហៗ និងទឹកឃ្មុំ ដើម្បីជួយឲ្យថ្លើម ពោះវៀនធំ និងប្រព័ន្ធរំលាយអាហារទាំងមូលមានសុខភាពល្អ និងដំណើរការរលូន។

សម្អាតពោះវៀនធំ២

៤. ជៀសវាងញ៉ាំអាហារចៀន និងអាហារកែច្នៃ

ជាមួយគ្នានេះ យើងគួរជៀសវាងញ៉ាំអាហារចៀន និងអាហារកែច្នៃរយៈពេលពីរបីថ្ងៃ និងញ៉ាំទឹកបន្លែស្រស់ឲ្យបានច្រើនដងក្នុងមួយថ្ងៃ ពីព្រោះថាបន្លែបៃតង និងបន្លែស្លឹកបៃតងអាចជួយកម្ចាត់ជាតិពុលចេញពីរាងកាយ។ មួយវិញទៀត ពពួកបន្លែទាំងនេះសម្បូរទៅដោយសារធាតុរ៉ែ និងអង់ស៊ីមខ្ពស់ ដែលអាចផ្ដល់ថាមពលដល់រាងកាយបានយ៉ាងល្អប្រសើរ។

អានបន្ថែម៖

៥. ទឹកដោះគោជូរ

ក្នុងការសម្អាតពោះវៀនធំ ទឹកដោះគោជូរជាជម្រើសអាហារដែលមិនអាចខ្វះបានឡើយ ពីព្រោះវាផ្ទុកទៅដោយបាក់តេរីល្អសម្រាប់រាងកាយ និងជួយពន្លឿនដល់ដំណើរការរំលាយអាហារ។ បន្ថែមពីនេះ ទឹកដោះគោជូរក៏អាចដោះស្រាយបញ្ហាទាក់ទងនឹងក្រពះ និងប្រព័ន្ធរំលាយអាហារបានយ៉ាងស័ក្ដិសិទ្ធិផងដែរ។

ចំណុចសំខាន់

យើងក៏អាចធ្វើការសម្អាតពោះវៀនធំតាមបែបធម្មជាតិ ដោយអនុវត្តតិចនិកងាយៗទាំង៥នេះ៖

ញ៉ាំទឹកឲ្យបានគ្រប់គ្រាន់
កុំរំលងទឹកផ្លែប៉ោម
ទឹកក្រូចឆ្មារជាជម្រើសមិនអាចខ្វះបាន
ជៀសវាងញ៉ាំអាហារចៀន និងអាហារកែច្នៃ
ទឹកដោះគោជូរល្អបំផុតសម្រាប់ពោះវៀនធំ

រូបមន្តធម្មជាតិទាំង៥ ជួយសម្អាតពោះវៀនធំបានយ៉ាងស័ក្តិសិទ្ធិ

១. ញ៉ាំ​ទឹក​ឲ្យ​បាន​គ្រប់គ្រាន់​

២. ញ៉ាំ​ទឹក​ផ្លែ​ប៉ោម​

៣. ទឹក​ក្រូច​ឆ្មារ​

៤. ជៀសវាង​ញ៉ាំ​អាហារ​ចៀន​ និង​អាហារ​កែ​ច្នៃ​​

៥. ទឹក​ដោះ​គោ​ជូរ​