តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ជំងឺខ្លាច​កន្លែង​​ចង្អៀត

ជំងឺខ្លាច​កន្លែង​​ចង្អៀត

ជំងឺ​ខ្លាច​កន្លែង​ចង្អៀត (Claustrophobia) ជា​អាការៈ​ភ័យ​ពេល​នៅ​កន្លែង​បិទ​ជិត ឬ​តូច​ចង្អៀត​មិន​មាន​ច្រក​ចេញ។ គេ​ឲ្យឈ្មោះ​ថា “ជំងឺ​ថប់​បារម្ភ” ហើយ​បង្ក​ឡើង​ដោយ​កន្លែង​តូច​ចង្អៀត មាន​ដូច​ជា ជណ្តើរ​យន្ត បន្ទប់​គ្មាន​បង្អួច ឬ​សូម្បី​តែសម្លៀក​បំពាក់​តឹង​ពេក​ក៏​ដោយ។ គេ​ចាត់​ទុក​ថា​ជា​ការ​ភ័យ​ខ្លាច​មិន​សម​ហេតុ​ផល នាំ​ឱ្យ​មាន​ការ​ស្លន់ស្លោ​ទៀត។

មាន​មនុស្ស​ត្រឹម ៥% ទៅ ៧% ប៉ុណ្ណោះ​លើ​ពិភព​លោក​ដែល​កើត​ជំងឺ​នេះ ហើយ​ក្នុង​នោះ​មាន​ចំនួន​តិច​ណាស់​ដែល​បាន​ព្យាបាល ឬ​ធ្វើ​រោគ​វិនិច្ឆ័យ​ត្រឹម​ត្រូវ។

១- រោគសញ្ញាជំងឺខ្លាចកន្លែងចង្អៀត

កើត​ដោយសារ​មាន​ការ​ដាក់​កម្រិត សម្ពាធ និង​ការ​ថប់​អារម្មណ៍​ច្រើន។ អ្នក​កើត​ជំងឺ​នេះ មក​ពី​ការ​ទទួល​បទពិសោធ​ប៉ះ​ទង្គិច​រន្ធត់ៗ​កាល​ពី​នៅ​តូច ដូចជា ត្រូវ​គេ​ធ្វើ​បាប ឬ​ចាប់​ដាក់​កន្លែង​តូច​ចង្អៀត ហើយ​ធ្វើ​ឲ្យ​អារម្មណ៍​ភ័យ​ខ្លាច​ខ្លាំង​មិន​បាត់​ ទោះ​មិន​បង្ក​គ្រោះថ្នាក់​ក៏​ដោយ។

នេះ​ជា​សញ្ញា​ជំងឺ​ខ្លាច​កន្លែង​តូច​ចង្អៀត ពេល​មាន​អារម្មណ៍​តាន​តឹង​ណា​មួយ ចាប់​ផ្តើម​បង្ហាញ​ឡើង៖
– វិលមុខ
– បើកញើស
– ឈឺក្បាលតិចតួច
– ឈឺដើមទ្រូង
– មាត់ឡើងស្ងួត
– សម្ពាធឈាមកើនឡើង
– អាការៈញ័រខ្លួន
– អាការញ័រជង្គង់
– ដួលសន្លប់
– ចង់ក្អួត
– ចង្វាក់បេះដូងលោតលឿន
– វង្វេងវង្វាន់។

ទោះ​មិនមែន​ជា​កន្លែង​ដែល​មនុស្ស​ត្រូវ​ភ័យ​ខ្លាច ប៉ុន្តែ​វា​ធ្វើ​ឱ្យ​មាន​អារម្មណ៍​ថា​ស្ទះៗ និង​ខ្វះ​អុកស៊ីហ្សែន ធ្វើ​ឲ្យ​ភ័យ​ញាប់ញ័រ​ឡើង។

២- ដំណាក់កាលកើតជំងឺខ្លាចកន្លែងតូចចង្អៀត

ការ​សិក្សា​ភាគច្រើន​បង្ហាញ​ថា ការ​កើត​ជំងឺ​ខ្លាច​កន្លែង​តូច​ចង្អៀត កើត​ឡើង​ដោយសារ​បទពិសោធ​កាល​ពី​នៅ​ក្មេង មាន៖
– ធ្លាប់លង់ទឹក
– ត្រូវ​គេ​ឃុំ​ទុក​នៅ​ក្នុង​ទូ ឬ​កន្លែង​តូច​ចង្អៀត
– ត្រូវ​គេ​ទុក​ចោល​តែ​ម្នាក់​ឯង​នៅ​ក្នុង​ឡាន ឬ​បន្ទប់​ក្រោម​ដី
– ធ្លាប់​វង្វេង​ឪពុកម្តាយ​នៅ​កន្លែង​​មាន​មនុស្ស​អ៊ូអរ
– ត្រូវ​គេ​ចាក់​សោ​ឲ្យ​នៅ​ក្នុង​បន្ទប់​ងងឹត​ចេញ​មិន​បាន។

៣- ការព្យាបាល

យើង​ត្រូវ​ចំណាយ​ពេល​យូរ ដើម្បី​គេច​ឲ្យ​ផុត​ពី​ស្ថានភាព​ទាំង​នោះ។ នេះ​ជា​គោលការណ៍​ណែនាំ​របស់​អូស្រ្តាលី ពី​របៀប​ឲ្យ​ចៀស​ផុត​ពី​អារម្មណ៍​ភ័យ​ខ្លាច​ទាំង​នេះ៖
– ចៀសវាងការស្កេន MRI
– ចៀសវាងធ្វើដំណើរបែបប្រញាប់ៗ
– ត្រូវដើរជណ្តើរជើង ជំនួសជណ្តើរយន្ត ប្រអប់
– ពិនិត្យមើលច្រកចេញ និងបើកទ្វារភ្លាមៗ ពេលចូលបន្ទប់
– ចៀសវាងបើកបរច្រើនម៉ោង និងបញ្ហា​កក​ស្ទះ​ចរាចរណ៍
– នៅ​ជិត​ច្រកចេញ ដើម្បី​ស្រួល​ចេញ​ពី​កន្លែង​មាន​មនុស្ស​ច្រើន។

ពេល​ចាប់​ផ្តើម​ព្យាបាល​ជំងឺ​នេះ ពេទ្យ​ជំនាញ​ចិត្តសាស្រ្ត​តែង​ឲ្យ​អ្នក​ជំងឺ​រៀបរាប់​ពី​រោគសញ្ញា ដើម្បី​ដឹង​ពី​ស្ថានភាព​ថា​កើត​ញឹក​ញាប់​ប៉ុនណា ហើយ​ឧស្សាហ៍​កើត​ម៉េច​ដែរ។

បន្ទាប់ពី​ធ្វើ​រោគ​វិនិច្ឆ័យ​ច្បាស់​ហើយ អ្នក​ជំងឺ​ខ្លាច​កន្លែង​តូច​ចង្អៀត​នេះ ត្រូវ​ការ​ព្យាបាល​ដោយ​ចិត្តសាស្ត្រ ព្យាបាល​ដោយ​ថ្នាំ និង​តម្រូវ​ឲ្យ​ហាត់​ប្រាណ ឬ​ប្រើ​ថ្នាំ​ធម្មជាតិ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Claustrophobia: Causes, Symptoms and Treatments. http://www.medicalnewstoday.com/articles/37062.php?page=2 accessed 23 April, 2017

Claustrophobia. https://en.m.wikipedia.org/wiki/Claustrophobia accessed 23 April, 2017

Everything You Should Know About Claustrophobia. http://www.healthline.com/health/claustrophobia#overview1 accessed 23 April, 2017

រូបថត​របស់​អ្នក​និពន្ធbadge
ដោយ Khlaut Rithy កែសម្រួល​ចុងក្រោយ 04/02/2019
ត្រួតពិនិត្យដោយ វេជ្ជ. ចាន់ ស៊ីណេត