យើងតែងផឹកទឹកដើម្បីបំបាត់ភាពស្រេកទឹក ឬក្រោយពីញ៉ាំអាហារ ប៉ុន្តែទំនងជាមានគ្នាយើងតិចនាក់ណាស់ដែលផឹកទឹកមួយកែវពេលពោះទទេបន្ទាប់ពីភ្ញាក់ពីគេងនៅពេលព្រឹក។ ការផឹកទឹកមួយកែវពេលពោះទទេនេះពិតជាមានប្រយោជន៍ច្រើនដល់សុខភាព។
ភ្ញាក់ពីគេងពេលព្រឹកផឹកទឹកមួយកែវ ផ្ដល់ប្រយោជន៍ច្រើនយ៉ាងដល់រាងកាយ
ត្រួតពិនិត្យដោយ គឹម កាណែល
១. ពង្រឹងប្រព័ន្ធភាពស៊ាំ
ការផឹកទឹកគឺសំខាន់សម្រាប់ការរក្សាលំនឹងជាតិទឹកក្នុងរាងកាយ។ នៅពេលយើងផឹកទឹកពេលពោះទទេអាចជួយរក្សាប្រព័ន្ធ lymphatic ដែលជួយកម្ចាត់ជាតិពុលពីរាងកាយ។ នេះអាចពង្រឹងប្រព័ន្ធភាពស៊ាំបាន ហើយនៅពេលប្រព័ន្ធភាពស៊ាំខ្លាំងអាចប្រឆាំងនឹងជំងឺផ្សេងៗ។
២. សម្រួលដល់ការបន្ទោរបង់
ការទល់លាមកអាចប៉ះពាល់ដល់សុខភាព និងអាចរារាំងការបញ្ចេញជាតិពុលពីក្នុងរាងកាយ។ ទឹកគឺមានប្រយោជន៍ជួយដល់ការបន្ទោរបង់ឲ្យបានទៀងទាត់។ ដូចនេះការផឹកទឹកពេលពោះទទេជាប្រចាំអាចសម្រួលដល់ការបន្ទោរបង់ដែលជួយកម្ចាត់កាកសំណល់ចេញពីរាងកាយ។
៣. ពន្លឿនការធ្វើមេតាបូលីស
ការផឹកទឹកនៅពោះទទេអាចជួយឲ្យការធ្វើមេតាបូលីសប្រសើរឡើង។ នៅពេលការធ្វើមេតាបូលីសប្រសើរឡើង ប្រព័ន្ធរំលាយអាហារក៏មានភាពប្រសើរឡើងដែរ។ អាហារក៏ត្រូវបានរំលាយលឿនដែលយូរទៅអាចសម្រកទម្ងន់បាន។ ដូចនេះបើគ្នាយើងចង់សម្រកទម្ងន់អាចសាកល្បងវិធីនេះបាន។
៤. បង្កើនចំណង់អាហារពេលព្រឹក
គ្នាយើងភាគច្រើនអាចនឹងមានការលំបាកក្នុងការញ៉ាំអាហារពេលព្រឹកនៅពេលព្រឹកព្រលឹម។ ប៉ុន្តែការផឹកទឹកអាចជួយដល់ការបន្ទោរបង់ និងដុតកាឡូរីដែលអាចជួយឲ្យយើងឃ្លានអាហារនៅពេលព្រឹកបាន។
៥. បន្ថយហានិភ័យរោគលើផ្លូវទឹកនោម
ប្រសិនជាគ្នាយើងមានបញ្ហារោគលើផ្លូវទឹកនោម ការផឹកទឹកនៅពេលព្រឹកអាចមានអត្ថប្រយោជន៍ច្រើន។ នេះអាចជួយបានព្រោះយើងអាចនឹងទប់នោមពេញមួយយប់ ហើយមានបាក់តេរី និងជាតិពុលនៅនឹងប្លោកនោម។ ប៉ុន្តែការផឹកទឹកអាចជួយសម្អាតប្លោកនោមដោយការបញ្ចុះនោម។
៦. បញ្ចេញជាតិពុលពីក្នុងរាងកាយ
ការផឹកទឹកនៅពេលព្រឹកក្រោយពីក្រោកពីគេងអាចជួយក្នុងការបញ្ចេញជាតិពុលពីរាងកាយ។ នៅពេលយប់ រាងកាយយើងនឹងជួសជុលកោសិកាដែលខូចខាតដោយខ្លួនឯង ហើយបណ្ដេញជាតិពុលទាំងអស់ចេញពីរាងកាយ។ នៅពេលយើងផឹកទឹកពេលព្រឹក ជាតិពុលទាំងអស់នឹងត្រូវបញ្ចេញពីរាងកាយ ហើយយើងនឹងមានអារម្មណ៍ស្រស់ថ្លា។
៧. បង្កើនកម្រិតថាមពល
ផឹកទឹកមួយកែវនៅពោះទទេពេលព្រឹកអាចជំរុញការលូតលាស់នៃកោសិកាឈាមក្រហមដែលបណ្ដាលឲ្យមានអុកស៊ីសែនកាន់តែច្រើនក្នុងរាងកាយ។ នេះអាចធ្វើឲ្យយើងកាន់តែមានថាមពល។
៨. ជួយដល់ស្បែក
យើងតែងចង់បានស្បែកភ្លឺរលោង ហើយយើងទទួលបានស្បែកបែបនេះដោយការចាប់ផ្ដើមថ្ងៃរបស់យើងដោយផឹកទឹកមួយកែវ។ ការផឹកទឹកជាទូទៅអាចកម្ចាត់នូវជាតិពុល និងកាកសំណល់ចេញពីរាងកាយ។ ការផឹកទឹកនៅពោះទទេនៅពេលព្រឹកអាចបង្កើនចរន្តឈាមក្នុងរាងកាយដែលនេះអាចជួយឲ្យយើងមានស្បែកភ្លឺរលោង។
គួរបញ្ជាក់ផងដែរថា យកល្អកុំផឹកទឹកក្ដៅនៅពោះទទេ ព្រោះអាចបង្កការខូចខាតដល់ជាលិកាក្នុងមាត់ និងបំពង់អាហារ។ ប៉ុន្តែយើងអាចផឹកទឹកក្ដៅឧណ្ហៗបាន។
អត្ថបទពាក់ព័ន្ធ៖
- ញ៉ាំទឹកអត់ចេះតែញ៉ាំតាមស្រេកទេ មានពេលល្អ គ្នាយើងគួរដឹង
- ផឹកទឹកច្រើនល្អ តែកុំផឹកច្រើនហួសហេតុពេក អាចពុលដល់សន្លប់
- ផឹកទឹកគ្រប់គ្រាន់ រាងកាយទទួលបានអត្ថប្រយោជន៍យ៉ាងច្រើន
- នេះផលប៉ះពាល់សុខភាព ៤យ៉ាង ពីការផឹកទឹកកក យើងគួរចៀសវាង
- មិនសូវផឹកទឹក ប្រយ័ត្នកើតក្រួសក្នុងតម្រងនោម
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម