ក្រោយរួមភេទ ស្រីៗមានបញ្ហាធ្លាក់ឈាម មកពីមូលហេតុអ្វីខ្លះ?

ស្រីៗយើងប្រហែលជាបារម្ភពេលឃើញមានចេញឈាមខ្លះៗក្រោយរួមភេទហើយ។ ការហូរឈាមតាមទ្វារមាសក្រោយរួមភេទ មិនមានទាក់ទងនឹងការមករដូវ ឬមិនមែនជិតដល់ថ្ងៃមករដូវទេ តើឈាមនោះជាឈាមអ្វីដែរ?

បើទោះជាបញ្ហាហូរឈាមតាមទ្វារមាស ក្រោយពេលរួមភេទ អាចថាគួរឲ្យបារម្ភក្ដី តែក៏អាចជារឿងធម្មតាមួយ ដែលកើតលើមនុស្សស្រីយើងក្នុងវ័យមានរដូវដូចគ្នា ដែលរឿងនេះមិនមែនជារឿងគួរឲ្យបារម្ភពេកឡើយ។

១. មូលហេតុធ្វើឲ្យមានហូរឈាមក្រោយពេលរួមភេទ

មូលហេតុបង្កឲ្យមានបញ្ហាហូរឈាមក្រោយពេលរួមភេទញឹកញាប់ជាងគេនោះ គឺដោយសារតែមាត់ស្បូនចង្អៀតពេក និងបណ្ដាលមកពីការរលាកមាត់ស្បូន។

មូលហេតុកើតមានញឹកញាប់មួយដែរ បង្កឲ្យមានឈាមក្រោយរួមភេទ គឺដោយសារមានដុំពកដុះនៅមាត់ស្បូន។ ដុំនេះច្រើនមានទំហំតូចប្រហែល ១ ទៅ ២សង់ទីម៉ែត្រ។ ភាគច្រើនដុំនេះដុះនៅត្រង់កន្លែងភ្ជាប់គ្នា រវាងមាត់ស្បូនជាមួយនឹងទ្វារមាស ហើយគ្រូពេទ្យអាចយកវាចេញ ដោយមិនបង្កគ្រោះថ្នាក់អ្វីឡើយ។

ចង់ពិនិត្យជំងឺមហារីកមាត់ស្បូន ចុចទីនេះ !

ចង់ពិនិត្យជំងឺមហារីកក្រពេញអូវែ ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

មូលហេតុផ្សេងៗ ធ្វើឲ្យមានការហូរឈាមក្រោយពេលរួមភេទ មានដូចជា៖

ការកកិតនៅពេលរួមភេទ ឬដោយសារមិនមានទឹករំអិលគ្រប់គ្រាន់
អាចមានការហូរឈាមធម្មតា ប្រសិនបើស្រីៗយើងចាប់ផ្ដើមមករដូវ ឬរដូវទើបបញ្ចប់
មានការរលាកមាត់ស្បូន ឬរលាកទ្វារមាស
របួសនៅប្រដាប់ភេទ ដោយសារតែមេរោគស្វាយប្រមេះ ឬមេរោគអ្វីផ្សេង
មានចាប់ផ្ដើមចេញសញ្ញារបស់ជំងឺមហារីកមាត់ស្បូន
Cervical ectropion (កើតឡើងនៅពេលសាច់មាត់ស្បូនខាងក្នុង ដុះចាក់មកក្រៅតាមផ្លូវមាត់ស្បូន និងដុះមកដល់ក្នុងទ្វារមាស)
ស្រុតសរីរាង្គនៅក្នុងអាងត្រគៀក
មហារីកមាត់ស្បូន ទ្វារមាស និងមហារីកស្បូន

កត្តាស្ងួតប្រដាប់ភេទ ក៏អាចធ្វើឲ្យមានការហូរឈាមដែរ ដែលការស្ងូតនេះអាចបង្កមកពី៖

ការបំបៅដោះកូន
ក្រោយសម្រាលកូន
ប្រើថ្នាំផ្ដាសាយ អាលែកហ្ស៊ី ឬថ្នាំទប់អ័រម៉ូនអឺស្រ្តូសែន
ផលរំខានបណ្ដាលមកពីការព្យាបាលជំងឺមហារីកមាត់ស្បូន
ការបាញ់ទឹកលាងសម្អាតទ្វារមាស
អស់រដូវ។

មួយវិញទៀតអាការៈមានឈាមក្រោយរួមភេទ នេះអាចបាត់ទៅវិញដោយខ្លួនឯងដែរក្នុងករណីមិនបង្កដោយជំងឺផ្សេងៗ។ មានការសិក្សាថ្មីមួយបានរកឃើញថា ពាក់កណ្ដាលនៃមនុស្សស្រី មានបញ្ហាហូរឈាមក្រោយរួមភេទ នឹងបាត់ទៅវិញដោយខ្លួនឯងក្នុងរយៈពេល ២ឆ្នាំ។

ធ្លាក់ឈាម

ប្រសិនបើយូរៗម្ដង ទើបយើងមានបញ្ហាហូរឈាមក្រោយរួមភេទ នោះមិនមានអ្វីត្រូវព្រួយបារម្ភខ្លាំងពេកទេ។ ប៉ុន្តែដើម្បីដឹងឲ្យបានច្បាស់យើងគួរទៅពិគ្រោះជាមួយគ្រូពេទ្យជំនាញ ដើម្បីស្វែងយល់បន្ថែម។

រួមភេទ

២. វិធីការពារការហូរឈាមក្រោយពេលរួមភេទ

យើងអាចប្ដូររបៀបរស់នៅមួយចំនួន ដើម្បីកាត់បន្ថយហានីភ័យនៃការកើតបញ្ហាហូរឈាមក្រោយរួមភេទបាន៖

ប្រើទឹករម្អិលមុន និងអំឡុងពេលរួមភេទ
ត្រូវចាំឲ្យរដូវអស់ច្រើនថ្ងៃសិន ទើបចាប់ផ្ដើមរួមភេទ
ឲ្យគ្រូពេទ្យកាត់ដុំដុះនៅមាត់ស្បូនចេញ ឬព្យាបាលជំងឺនៅមាត់ស្បូនឲ្យអស់
ដាស់អារម្មណ៍ឲ្យពុះកញ្ជ្រោលជាមុនសិន មុនពេលចាប់ផ្ដើមរួមភេទដោយស៊ីជម្រៅ
កាត់បន្ថយការរួមភេទបែបប្រើសកម្មភាពខ្លាំងៗ

អត្ថបទគួរអាន៖

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ណៃ ទូច · កែ 21/05/2024

ក្រោយរួមភេទ ស្រីៗមាន​បញ្ហា​ធ្លាក់ឈាម មកពីមូលហេតុអ្វីខ្លះ?

១. មូលហេតុធ្វើឲ្យមានហូរឈាមក្រោយពេលរួមភេទ

២. វិធីការពារការហូរឈាមក្រោយពេលរួមភេទ

ក្រោយរួមភេទ ស្រីៗមានបញ្ហាធ្លាក់ឈាម មកពីមូលហេតុអ្វីខ្លះ?