តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អ្នកកើតជំងឺ​ស្វាយ ទទួលការព្យាបាលមិនត្រឹម​ត្រូវ អាចមាន​គ្រោះថ្នាក់​រហូត​ដល់​ពិការ​ភ្នែក

អ្នកកើតជំងឺ​ស្វាយ ទទួលការព្យាបាលមិនត្រឹម​ត្រូវ អាចមាន​គ្រោះថ្នាក់​រហូត​ដល់​ពិការ​ភ្នែក

តើជំងឺស្វាយគឺជាអ្វី?

ជំងឺស្វាយ(syphillis)គឺជាជំងឺឆ្លងតាមការរួមភេទ។ ជំងឺនេះបង្កដោយបាក់តេរីឈ្មោះ bacteriumTreponemapallidum។ ការដែលមិនបានព្យាបាលបានត្រឹមត្រូវ ជំងឺស្វាយអាចបណ្ដាលឲ្យមានផលវិបាកដូចជារលាកសន្លាក់ ខូចខួរក្បាល និងពិការភ្នែក។

ជំហានដំបូងក្នុងការចម្លងរោគ

មនុស្សភាគច្រើនឆ្លងជំងឺស្វាយតាមរយៈការប៉ះពាល់ផ្ទាល់ទៅនឹងដំបៅដែលមានលើរាងកាយអ្នកជំងឺ។ ដំបៅទាំងនោះអាចរកឃើញនៅផ្នែកខាងក្រៅនៃប្រដាប់ភេទ រន្ធគូទ ឬចុងពោះវៀនធំ។ នៅក្នុងករណីខ្លះដំបៅអាចដុះចេញនៅលើមាត់ក៏មាន។ ការចម្លងច្រើនកើតឡើងអំឡុងពេលរួមភេទតាមទ្វារមាស រន្ធគូថ តាមមាត់ និងសកម្មភាពរួមភេទផ្សេងទៀត។

អត្ថបទពាក់ព័ន្ធ៖

  • ពេញវ័យមិនទាន់ស្រួលបួល ប្រឡូករួមភេទ អាចប្រឈមបញ្ហាទាំងនេះ
  • “រួម​ភេទតាមមាត់” មាន​គុណ​វិបត្តិ ក៏មានគុណសម្បត្តិដែរ
  • តើជំងឺស្វាយអាចឆ្លងតាមការប្រាស្រ័យទាក់ទងគ្នាក្នុងសង្គមដែរឬទេ?

    ដោយសារតែបាក់តេរីដែលបង្កជំងឺស្វាយមិនអាចវាយប្រហារក្រៅពីម្ចាស់ជំងឺបាន ហេតុនេះជំងឺស្វាយមិនអាចចម្លងទៅអ្នក​ផ្សេង​តាមទ្រនាប់បង្គន់ អាងទឹក អាងហែលទឹក ឬដៃទ្វារ នោះទេ។ យើងក៏មិនអាចឆ្លងជំងឺស្វាយតាមការប្រើប្រាស់កន្សែងឬឧបករណ៍ផ្ទះបាយរួមនោះដែរ។

    តើអ្នកអាចចម្លងជំងឺស្វាយទៅកាន់កូនក្នុងផ្ទៃដែរឬទេ?

    ស្ត្រីមានគភ៌អាចចម្លងជំងឺស្វាយទៅកាន់កូនក្នុងផ្ទៃ ដូចនេះហើយការពិនិត្យរកជំងឺស្វាយត្រូវចាំបាច់អំឡុងពេលមកពិនិត្យផ្ទៃពោះលើកដំបូង។ ការធ្វើតេស្តនឹងធ្វើឡើងម្ដងទៀតអំឡុងពេលត្រីមាសទី៣ និងពេលសម្រាល។ ទារកដែលមានម្ដាយមានជំងឺស្វាយគឺមានហានិភ័យស្លាប់ក្នុងផ្ទៃ និងស្លាប់ក្រោយសម្រាល។ ទោះបីជាទារកដែលឆ្លងជំងឺមានជីវិតក៏ដោយ ក៏ទារក​ទាំង​នោះ​នៅតែត្រូវការ ការព្យាបាលដើម្បីបង្ការផលវិបាកផ្សេងទៀតដែលអាចលេចឡើងនៅសប្ដាហ៍បន្ទាប់។

    អត្ថបទពាក់ព័ន្ធ៖

    តើគួរបង្ការជំងឺស្វាយដោយរបៀបណា?

    គ្រប់​គ្នា​អាចកាត់បន្ថយហានិភ័យនៃការឆ្លងជំងឺស្វាយដោយជៀសវាងការរួមភេទជាមួយអ្នកដែលមានជំងឺ។ ប្រសិនបើយើង​មិនប្រាកដអំពីស្ថានភាពរបស់ដៃគូទេ ជម្រើសដ៏ល្អបំផុតនោះគឺការប្រើស្រោមអនាម័យរាល់ពេលរួមភេទ។ ទោះយ៉ាងណាប្រសិន​បើដំបៅជំងឺស្វាយកើតមាននៅកន្លែងដែលមិនបានបិទបាំងដោយស្រោមអនាម័យ នោះការចម្លងនៅតែកើតមានដដែល។ ហេតុនេះយើង​គួរតែប្រុងប្រយ័ត្នទោះបីនៅពេលប្រើស្រោមអានាម័យ​ក៏ដោយ។

    វិធីដែលមានប្រសិទ្ធភាពបំផុតក្នុងការបង្ការជំងឺស្វាយស្របទៅនឹងជំងឺឆ្លងតាមការរួមភេទផ្សេងទៀតគឺតមរួមភេទ ឬត្រូវ​ស្មោះ​មួយ​នឹង​មួយ​ជាមួយ​ដៃគូតែមួយដែលគ្មានជំងឺស្វាយ។

    ការព្យាបាលជំងឺស្វាយ

    ជំងឺស្វាយអាចព្យាបាលសះស្បើយប្រសិនបើអ្នកមានជំងឺ​បានធ្វើរោគវិនិច្ឆ័យ និងព្យាបាលបានលឿន។ អ្នកជំងឺដែលបានឆ្លងជំងឺស្វាយតិចជាងមួយឆ្នាំគឺត្រូវការតែថ្នាំប៉េនីស៊ីលីនកម្រិត១ដូសតែប៉ុណ្ណោះ។ ប្រសិនបើអ្នកជំងឺ​ប្រតិកម្មជាមួយថ្នាំប៉េនីស៊ីលីនគ្រូពេទ្យនឹងចេញថ្នាំតេត្រាស៊ីគ្លីនដុកស៊ីស៊ីគ្លីន ឬថ្នាំផ្សះប្រភេទផ្សេងទៀតជំនួសវិញ។ ការពន្យារពេលព្យាបាលកាន់តែយូរការប្រើកម្រិតដូសថ្នាំខ្ពស់ក៏កើនតាមនោះដែរ។ អំឡុងពេល​ព្យាបាល​​គឺហាមមិនឲ្យធ្វើការរួមភេទនោះទេ។ ប្រសិនបើអ្នកណា​ម្នាក់​ធ្វើតេស្តរកឃើញ​ជំងឺស្វាយ ដៃគូរបស់អ្នកនោះ​ក៏គួរតែធ្វើតេស្ត និងព្យាបាលផងដែរប្រសិនបើចាំបាច់។ ទោះបីជំងឺស្វាយមិនកើតឡើងវិញក្រោយការព្យាបាលបានត្រឹមត្រូវ ប៉ុន្តែយើង​ក៏អាចឆ្លងជំងឺនេះម្ដងទៀតបានដែរប្រសិនបើទៅប៉ះពាល់ជាមួយអ្នកជំងឺស្វាយ និងត្រូវការ​ការព្យាបាលម្ដងទៀតដូចគ្នា។

    អត្ថបទពាក់ព័ន្ធ៖

    ក្នុងករណីមានសំណួរ មន្ទិលសង្ស័យជុំវិញសុខភាពអ្នកជម្រើសល្អបំផុតសូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញវេជ្ជបញ្ជាមិនធ្វើរោគវិនិច្ឆ័យឬព្យាបាលជូនទេ៕

    គណនាថ្ងៃមេជីវិតញីទុំធ្លាក់

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    រយៈពេល​វដ្ដរដូវ

    (ថ្ងៃ)

    28

    វដ្ដរដូវ

    (ថ្ងៃ)

    7

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Syphilis – CDC Fact Sheet (Detailed). https://www.cdc.gov/std/syphilis/stdfact-syphilis-detailed.htm. Accessed May 4, 2017.

    Syphilis. http://www.webmd.com/sexual-conditions/guide/syphilis. Accessed May 4, 2017.

    Syphilis Transmission. http://syphilis.emedtv.com/syphilis/syphilis-transmission.html. Accessed May 4, 2017.

    រូបថត​របស់​អ្នក​និពន្ធbadge
    ដោយ យ៉ានណែត​ នីគែល កែសម្រួល​ចុងក្រោយ 03/06/2020
    ត្រួតពិនិត្យដោយ វេជ្ជ. ចាន់ ស៊ីណេត