ប៉ារ៉ាស៊ីតម្យ៉ាងឈ្មោះថា Trichomonas Vaginalis ដែលបង្កឲ្យកើតជំងឺកាមរោគ អាចបំផ្លាញជាលិកាមាត់ស្បូន បង្កើតជាដំបៅ និងជំរុញឲ្យស្រីៗយើងងាយឆ្លងពពួកវីរុស HPV ។

តាមការសិក្សាលើស្ត្រីច្រើនជាងកន្លះលាននាក់ បានឲ្យដឹងថា អ្នកដែលធ្លាប់ឆ្លងប៉ារ៉ាស៊ីត Trichomonas Vaginalis មានហានិភ័យខ្ពស់ដល់ទៅ៧៩%នៃការឆ្លងវីរុស HPV ដែលនាំឲ្យកើតជំងឺមហារីកមាត់ស្បូន។ ពិតណាស់ វីរុសនេះតែឯង មិនមានសមត្ថភាពគ្រប់គ្រាន់បង្កទៅជាជំងឺមហារីកឡើយ ប៉ុន្តែកត្តាជំរុញមួយចំនួនទៀត ដូចជាការជក់បារី ការប្រើថ្នាំពន្យារកំណើតលើសពី៥ឆ្នាំឡើងទៅ និងការឆ្លងជំងឺកាមរោគប្រភេទផ្សេងទៀត សុទ្ធតែអាចបង្កើនហានិភ័យនៃការកើតជំងឺមហារីកមាត់ស្បូនបាន។

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ជាក់ស្តែង ជំងឺកាមរោគអាចនាំឲ្យគ្នាយើងមានការធ្លាក់ទឹករម្អិលដែលមានក្លិនមិនល្អ រមាស់ និងក្រហាយទ្វារមាស។ យ៉ាងណាមិញ ប្រហែល៨៥%នៃជំងឺនេះ ក៏អាចគ្មានរោគសញ្ញាផងដែរ ដែលនេះធ្វើឲ្យយើងពិបាកក្នុងការធ្វើរោគវិនិច្ឆ័យ។

ហានិភ័យនៃជំងឺមហារីកកើនឡើងទៅតាមវ័យ

ជាទូទៅ ស្រីៗយើងច្រើនមានហានិភ័យខ្ពស់ក្នុងឆ្លងវីរុស HPV នៅវ័យ២០ឆ្នាំ ប៉ុន្តែការបង្ករោគនេះ អាចនឹងបាត់ទៅវិញដោយខ្លួនឯង។ ទោះជាយ៉ាងនេះក្តី ស្ត្រីអាយុចាប់ពី៣០ឆ្នាំឡើងទៅ ហើយមានផ្ទុកវីរុស HPV គឺអាចវិវត្តន៍ទៅជាជំងឺមហារីកក្នុងរយៈពេលប្រហែលពី៥ឆ្នាំ ទៅ១០ឆ្នាំ។ យ៉ាងណាមិញ ប្រហែលជា៩០%នៃអ្នកដែលមានផ្ទុកវីរុសនេះ អាចជាសះស្បើយដោយខ្លួនឯងនៅចន្លោះពេលពី១ឆ្នាំទៅ២ឆ្នាំ។

ជំងឺកាមរោគ

ជំងឺកាមរោគអាចសម្ងំនៅក្នុងខ្លួនស្ត្រីរាប់ឆ្នាំ

លោកវេជ្ជបណ្ឌិត John White អ្នកប្រឹក្សាសុខភាពផ្លូវភេទនៅការិយាល័យ NHS និងជានាយកផ្នែកវេជ្ជសាស្ត្រនៅ Preventx បានឲ្យដឹងថា ស្ត្រីអាចផ្ទុកប៉ារ៉ាស៊ីត Trichomonas Vaginalis ជាច្រើនឆ្នាំ។ ក្នុងករណីដែលយើងមិនធ្វើការព្យាបាលទេនោះ ប៉ារ៉ាស៊ីតប្រភេទនេះ អាចបង្កើនឱកាសនៃការកើតវីរុស HIV ក៏ដូចជាបង្កឲ្យមានផលវិបាកផ្សេងៗអំឡុងពេលពពោះ។ ដើម្បីជៀសវាងផលវិបាកនៃប៉ារ៉ាស៊ីត Trichomonas Vaginalis និងកាត់បន្ថយការចម្លងរោគ គ្នាយើងគួរតែធ្វើតេស្ដរកការប៉ារ៉ាស៊ីតនេះ និងព្យាបាលដោយការប្រើថ្នាំផ្សះឲ្យបានទាន់ពេលវេលា។

អត្ថបទគួរអាន៖

ការសិក្សា៖ ស្រីៗមានជំងឺកាមរោគមានហានិភ័យខ្ពស់នៃការកើតមហារីកមាត់ស្បូន

ហានិភ័យ​នៃ​ជំងឺ​មហារីក​កើន​ឡើង​ទៅ​តាម​វ័យ

ជំងឺ​កាមរោគ​អាច​សម្ងំ​នៅ​ក្នុង​ខ្លួន​ស្ត្រី​រាប់​ឆ្នាំ​

ហានិភ័យនៃជំងឺមហារីកកើនឡើងទៅតាមវ័យ

ជំងឺកាមរោគអាចសម្ងំនៅក្នុងខ្លួនស្ត្រីរាប់ឆ្នាំ