home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រួមភេទមិនការពារ ខាងស្រីងាយ​ឆ្លងវីរុសថ្លើមប្រភេទB ជាងខាងប្រុស

រួមភេទមិនការពារ ខាងស្រីងាយ​ឆ្លងវីរុសថ្លើមប្រភេទB ជាងខាងប្រុស

ការ​រួម​ភេទ​មិន​បាន​ការ​ពារ​ មិន​ត្រឹម​តែ​ធ្វើ​ឲ្យ​ដៃគូ​រួម​ភេទ​​ប្រឈម​នឹង​ការ​ឆ្លង​ជំងឺ​កាម​រោគ ឬ​មាន​ផ្ទៃ​ពោះ​ដោយ​ចៃដន្យ​នោះ​ទេ តែ​ក៏​អាច​មាន​ហានិភ័យ​ឆ្លង​វីរុស​ថ្លើម​ប្រភេទ​B ដូច​គ្នា បើ​ដៃ​គូ​ម្ខាង​ណា​មាន​ផ្ទុក​វីរុស​នេះ។ ប៉ុន្តែ អត្រា​ហានិភ័យ​ឆ្លង​វីរុស​ថ្លើម​ប្រភេទ​B លើ​បុរស​តាម​រយៈ​ការ​រួម​ភេទ​ជាមួយ​ដៃ​គូ​ជា​ស្រ្តី គេ​រក​ឃើញ​ថា​មាន​ទាប​ជាង​ភាគី​ខាង​ស្រី​។ ហេតុ​អ្វី?

​​ជំងឺ​ថ្លើម​អាច​ឆ្លង​តាម​ឈាម ទឹក​កាម និង​សារធាតុ​រាវ​របស់​រាង​កាយ​មួយ​ចំនួន​ទៀត និង​អាច​ចម្លង​ពី​ម្នាក់​ទៅ​ម្នាក់​ទៀត​ពេល​រួម​ភេទ​មិន​បាន​ការពារ បើ​សិន​ជា​ដៃ​គួ​ម្ខាង​មាន​ផ្ទុក​វីរុស​នេះ។

១. សារធាតុ​រាវ​របស់​រាង​កាយ​

ទឹក​កាម ទឹក​រម្អិល​ចេញ​ពី​ទ្វារ​មាស​ស្រ្តី សុទ្ធ​តែ​អាច​ផ្ទុក​វីរុស​ថ្លើម​ប្រភេទ​B។ វីរុស​ថ្លើម​មាន​កម្រិត​ខ្ពស់ កម្រិត​ឆ្លង​ក៏​ខ្ពស់​ដែរ តាមរយៈ​សារធាតុ​រាវ​ទាំង​នេះ​។ ប៉ុន្តែ ទោះ​បី​ជា​ដៃគូ​មាន​ផ្ទុក​វីរុស​មាន​កម្រិត ទាប ក៏​នៅ​តែ​មាន​លទ្ធភាព​ចម្លង​ទៅ​ដៃគូ​ម្ខាង​ទៀត​ដែរ នៅ​ពេល​រួម​ភេទ​តាម​ទ្វារ​មាស​។ នេះ​មាន​ន័យ​ថា​បុរស​​មាន​ផ្ទុក​វីរុស​ថ្លើម​ប្រភេទ​B ទោះ​មិន​​អាច​រក​ឃើញ​​វត្ដមាន​ របស់​វីរុស​នៅ​ក្នុង​ខ្លួន ក៏​នៅ​តែ​អាច​ចម្លង​ទៅ​កាន់​ដៃគូ​ជា​ស្រ្តី​បាន ព្រោះ​ថា​ទឹក​កាម​មាន​ផ្ទុក​វីរុស​នេះ​ជា​ស្រេច​ទៅ​ហើយ​។

ក្នុង​ការ​រួម​ភេទ​រវាង​បុរស និង​ស្រ្តី ភាគី​ខាង​ស្រ្តី​ហាក់​មាន​ហានិភ័យ​ខ្ពស់​ជាង​ដៃគូ​ខាង​ប្រុស​ពេល​រួម​ភេទ​មិន​បាន​ការពារ​។ ការណ៍​នេះ កើត​ឡើង​បាន​ក៏​ដោយ​សារ​តែ​ខាង​ស្រី​ជា​អ្នក​ទទួល​ទឹក​កាម​​របស់​បុរស​ដែល​មាន​ផ្ទុក​វីរុស​ថ្លើម​ប្រភេទ​B​នៅ​ក្នុង​សរីរាង្គ​ភេទ​របស់​ខ្លួន​។ ផ្ទុយ​មក​វិញ បើ​ខាង​ស្រី​មាន​ផ្ទុក​វីរុស​ថ្លើម​ប្រភេទ​Bមែន​ ​ពេល​រួម​ភេទ​មិន​បាន​ការពារ ខាង​ប្រុស​អាច​ឆ្លង​វីរុស​ថ្លើម​​តាម​រយៈ​ទឹក​រម្អិល តែ​មាន​ហានិភ័យ​ទាប​ជាង​។

រួមភេទបុរសៗ

២. សកម្មភាព​ផ្លូវ​ភេទ​​

សកម្ម​ភាព​ផ្លូវ​ភេទ​​មួយ​ចំនួន​អាច​បង្ក​ជា​ហានិភ័យ​ខ្ពស់​ក្នុង​ការ​ឆ្លង​វីរុស​ថ្លើម​ប្រភេទ​B។ ឧទាហរណ៍ ដូច​ជា​ការ​រួមភេទ​តាម​រន្ធ​គូទ មាន​ហានិភ័យ​ឆ្លង​ខ្ពស់​ ដោយ​ហេតុ​ថា​អាច​មាន​ដាច់​រហែក​ស្បែក​អំឡុង​ពេល​រួម​ភេទ​។ មួយ​វិញ​ទៀត ការ​រួ​ម​ភេទ​តាម​មាត់ ក៏​ត្រូវ​បាន​គេ​សន្និដ្ឋាន​ថា​មាន​ហានិភ័យ​ឆ្លង​វីរុស​ថ្លើម​ប្រភេទ​B ទាប​ជាង​ការ​រួ​ម​ភេទ​តាម​ទ្វារ​មាស​ផង​ដែរ​។

វីរុស​ថ្លើម​ប្រភេទ​B ត្រូវ​គេ​ដឹង​ថា​អាច​ឆ្លង​ ហើយ​មិន​មាន​ចេញ​រោគ​សញ្ញា ធ្វើ​ឲ្យ​អ្នក​ឆ្លង​មិន​ដឹង​ថា​ខ្លួន​មាន​ផ្ទុក​វីរុស​។ ក្រៅពី​ការ​រួម​ភេទ វីរុស​ថ្លើម​ប្រភេទ​B ក៏​អាច​ឆ្លង​តាម​ការ​ប្រើ​ប្រាស់​ម្ជុល សឺរ៉ាំង ឬ​របស់​មុត​ស្រួច​រួម​គ្នា​ផង​ដែរ​។

៣. វិធី​បង្ការ​

ការ​ចាក់​វ៉ាក់សាំង​បង្ការ​ជំងឺ​ថ្លើម​ប្រភេទ​B ជា​រឿង​ល្អ​បំផុត​មួយ​សម្រាប់​មនុស្ស​គ្រប់​គ្នា​។ ក្រៅពី​ទារក ដែល​តម្រូវ​ឲ្យ​មានការ​ចាក់​វ៉ាក់សាំង​បង្ការ​ជំងឺ​ថ្លើម​ប្រភេទ​Bតាំងពី​កើត​ភ្លាម មនុស្ស​ធំ​ក៏​អាច​ចាក់​វ៉ាក់សាំង​ប្រភេទ​នេះ​បាន​ដែរ​។ ពិសេស​អ្នក​ស្ថិត​ក្នុង​វ័យ​រួម​ភេទ បុរស​ស្រឡាញ់​បុរស ​និង​អ្នកមាន​សមាជិក​គ្រួសារ​កើត​ជំងឺ​ថ្លើម​ប្រភេទ​B ជា​ដើម ក៏​គួរ​ស្វែង​រក​ការ​ចាក់​វ៉ាក់សាំង​បង្ការ​វីរុស​នេះ​ផ​ង​ដែរ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Hepatitis B Vaccination for Adults — Who Needs It and When? https://www.immunize.org/technically-speaking/20161027.asp

Hepatitis B and sexual activity https://www.hepatitisfoundation.org.nz/hepatitis-b-and-sexual-activity

Sexual Transmission and Viral Hepatitis https://www.cdc.gov/hepatitis/populations/stds.htm

If Hepatitis B Is Sexually Transmitted, How Come My Partner Isn’t Infected? https://www.hepb.org/blog/hepatitis-b-sexually-transmitted-come-partner-isnt-infected/

Sexual Activity and Hepatitis B and C Virus Infection https://www.ncbi.nlm.nih.gov/pmc/articles/PMC3924123/

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ a week ago
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x