ទ្វារមាស និងមាត់ស្បូនផ្ទុកក្រពេញផលិតទឹករម្អិលទ្វារមាស ហើយទឹករម្អិលទាំងនេះអាចមានពណ៌ស ឬពណ៌លឿងនៅពេលដែលប៉ះពាល់ទៅនឹងខ្យល់។ ជាទូទៅ ស្រីៗតែងផលិតទឹករម្អិលខុសៗគ្នា អំឡុងពេលវដ្ដរដូវ ដែលបណ្ដាលឲ្យទឹករម្អិលទ្វារមាសមានកម្រិតខ្ពស់។ កត្តាដទៃទៀត ដែលបង្កើនបរិមាណនៃការធ្លាក់ទឹករម្អិលទ្វារមាស រួមមាន៖
- មានផ្ទៃពោះ
- ចំណង់ផ្លូវភេទ
- ការបញ្ចេញពងអូវុលក្នុងវដ្ដរដូវ
សញ្ញានៃការធ្លាក់ទឹករម្អិលទ្វារមាស
ទឹករម្អិលទ្វារមាស អាចមានពណ៌ខុសៗគ្នា ក្នុងករណីដែលយើងមានបញ្ហាសុខភាព។ ការបញ្ចេញទឹករម្អិលទ្វារមាសដែលបណ្ដាលមកពីបញ្ហាសុខភាព អាចមានសណ្ឋានដូចខាងក្រោម៖
- ខាប់
- ល្អក់
- មានឈាម
ទឹករម្អិលទ្វារមាស អាចមានពណ៌លឿង ប្រផេះ ឬបៃតង។ រោគសញ្ញាផ្សេងទៀត ដែលអមជាមួយនឹងការធ្លាក់ទឹករម្អិល រួមមាន៖
- រមាស់ទ្វារមាស
- ស្ងួតទ្វារមាស
- ក្រហាយ
- ឈឺចាប់នៅពេលរួមភេទ
- គ្រុនក្ដៅ
- ឈឺពោះ
មូលហេតុនៃការធ្លាក់ទឹករម្អិលទ្វារមាស
ជាក់ស្ដែង មានមូលហេតុជាច្រើនដែលធ្វើឲ្យស្រីៗយើងផលិតទឹករម្អិលទ្វារមាសកាន់តែច្រើន។ ការរំខានpHក្នុងទ្វារមាសក៏អាចបង្កជាអតុល្យភាពនៃបាក់តេរីក្នុងទ្វារមាសផងដែរ។ កត្តាផ្សេងទៀត មានដូចជា៖
- ការប្រើថ្នាំផ្សះ
- ស្រ្តេស
- ប្រើថ្នាំពន្យារកំណើត
- ជំងឺទឹកនោមផ្អែម
- មានផ្ទៃពោះ
មួយវិញទៀត ការធ្លាក់ទឹករម្អិលទ្វារមាសច្រើនជ្រុល ក៏អាចបណ្ដាលមកពីការបង្ករោគផ្សេងៗ ដូចជាការឆ្លងមេរោគផ្សិត ឬបាក់តេរីទ្វារមាសដែរ។
[embed-health-tool-ovulation]
