home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

មហារីកក្រពេញអូវែ! ស្រីៗ​គួរដឹង និងស្វែងយល់ពីជំងឺនេះ

មហារីកក្រពេញអូវែ! ស្រីៗ​គួរដឹង និងស្វែងយល់ពីជំងឺនេះ

១- តើជំងឺមហារីកក្រពេញអូវែជាអ្វី?

ជំងឺ​មហារីកក្រពេញអូវែ​​នេះ​កើត​ចេញ​​មក​ពី​ក្រពេញ​អូវែ​។ អ្នក​ជំងឺ​ភាគ​ច្រើន​មិន​ដឹង​ថា​ខ្លួន​កើត​មហារីកទេ​ លុះ​ត្រា​តែ​សាច់​មហារីក​​រាតត្បាត​ដល់​ក្នុង​អាង​ត្រគាក ​និង​ក្នុង​ពោះ​ហើយ​ទើប​រក​ឃើញ ដែល​ករណី​នេះ​គឺ​​ពិបាក​ក្នុង​ការ​ព្យាបាល និង​ងាយ​ប្រឈម​គ្រោះ​ថា្នក់​ដល់​អាយុ​ជីវិត។

២- តើយើងអាចដឹងថាកើតជំងឺមហារីកនេះបានដោយរបៀបណា?

ជំងឺ​មហារីក​ក្រពេញ​អូវែ​ក្នុង​ដំណាក់​កាល​ដំបូង ភាគ​ច្រើន​មិន​សូវ​ចេញ​​​រោគ​សញ្ញា​ទេ។ ប្រសិន​បើ​មាន​រោគ​សញ្ញា ភាគ​ច្រើន​អ្នក​ជំងឺ​ងាយ​ច្រឡំ​​ថា​ជា​សញ្ញា​ដែល​មិន​គួរ​ឲ្យ​បារម្ភ​ដូចជា​ទល់​លាមក​ជាដើម​។ សញ្ញា​ដែល​ឧស្សាហ៍​ជួប​ញឹក​ញាប់​​ជាង​គេ​គឺ៖

  • ឆ្អល់​ពោះ
  • ​ហើម​​សាច់​នៅ​ម្ដុំ​ពោះ
  • ឆាប់​ឆ្អែត
  • ស្រក​ទម្ងន់
  • ឈឺ​​ក្នុង​អាង​ត្រគៀក
  • ពោះ​វៀន​ដើរ​មិន​ស្រួល
  • នោម​ញឹក

ក្នុង​ករណី​មាន​សញ្ញា​ដែល​បារម្ភ​ថា​មាន​ជំងឺ​មហារីក​គួរ​ប្រញាប់​​ទៅ​ជួប​គ្រូពេទ្យ ​ជា​ពិសេស​ក្នុង​ករណី​ដែលយើង​ស្ថិត​​ក្នុង​ក្រុម​​គ្រួសារ​​ធ្លាប់​មាន​ប្រវត្តិ​មាន​ជំងឺ​មហារីក​ក្រពេញ​អូវែ ​និង​មហារីក​សុដន់។

អត្ថបទពាក់ព័ន្ធ:

៣- គ្រូពេទ្យ​ធ្វើរោគវិនិច្ឆ័យជំងឺនេះដូចម្ដេច?

យើង​​ចាំ​បាច់​ត្រូវ​​ឲ្យ​គ្រូ​ពេទ្យ​ពិនិត្យ​ដង​ខ្លួន និង​អាង​ត្រគាក។ គ្រូ​ពេទ្យ​​ក៏​​ត្រូវ​​ធ្វើ​តេស្ដ​បែប​រូប​ភាព​វេជ្ជសាស្ត្រ បូម​ឈាម​ពិនិត្យ និង​អាច​ច្រឹប​សាច់​ដើម្បី​ធ្វើ​រោគ​វិនិច្ឆ័យ​ឲ្យ​បាន​ត្រឹម​ត្រូវ។

៤- វិធីព្យាបាលជំងឺមហារីកក្រពេញអូវែមានអ្វីខ្លះ?

ការ​ព្យាបាល​គឺ​អាស្រ័យ​ទៅ​តាម​​ដំណាក់​កាល​នៃ​មហារីក​។ ដោយ​ការ​ព្យាបាល​អាច​មាន​ជម្រើស​តាម​កម្រិត​ដូច​ជា៖

  • ដំណាក់​កាលទី១៖ មហារីក​មាន​​​នៅ​តែ​ក្រពេញ​អូវែ​ទាំង​២​ប៉ុណ្ណោះ
  • ដំណាក់​កាលទី២៖ សាច់​​មហារីក​រាតត្បាត​ដល់​ក្នុង​អាង​ត្រគាក
  • ដំណាក់​កាលទី៣៖ សាច់​​មហារីក​ចូល​ទៅ​ដល់​ក្នុង​ពោះ
  • ដំណាក់​កាលទី៤៖ សាច់​​មហារីក​រាតត្បាត​ចេញ​​ហួស​ពី​តំបន់​ពោះ​ និង​អាង​ត្រគាក។

ជម្រើស​ក្នុង​ការ​ព្យាបាល​ មាន​ដូច​ជា​ការ​វះ​កាត់ និង​ការ​ចាក់​ថ្នាំ​គីមី៖

  • គ្រូពេទ្យ​​អាច​វះកាត់​យក​​​ក្រពេញ​អូវែ​ទាំង​២ចេញ​ ជាមួយ​នឹង​ដៃ​ស្បូន ស្បូន​ និង​សាច់​មហារីក​ក្បែរ​ៗ​នោះ។ បើ​យើង​​ធ្វើ​រោគ​វិនិច្ឆ័យ​រក​ជំងឺ​មហារីក​នេះ​បាន​លឿន គ្រូពេទ្យ​អាច​កាត់​តែ​ក្រពេញ​អូវែ ឬ​ដៃ​ស្បូន​របស់​ប៉ុណ្ណោះ។ ក្នុង​ករណី​នេះ យើង​​អាច​រៀប​ការ​បង្កើត​កូន​បាន​ធម្មតា។
  • ការ​ព្យាបាល​ចាក់​ថ្មាំ​គីមី គឺ​ចាំ​បាច់​ត្រូវ​ចាក់​បន្ទាប់​ពី​វះកាត់​រួច ​ដើម្បី​កម្ចាត់​ចោល​ឲ្យ​អស់​នូវ​កោសិកា​មហារីក​ដែល​នៅ​សេស​សល់។ ថ្នាំ​គីមី​អាច​ត្រូវ​ប្រើ​តាម​សរសៃ​ ឬ​ចូល​ទៅ​ក្នុង​ពោះ​ផ្ទាល់​ ឬ​ទាំង​២​ប្រភេទ​តែ​ម្ដង។ ស្ត្រី​ដែល​មាន​មហារីក​ដំណាក់​កាល​ចុង​ក្រោយ ​អាច​ត្រូវ​ប្រើ​ថ្នាំ​គីមី​នៅពេល​ព្យាបាល​ដំបូង​។

៥- របៀប​រស់នៅជាមួយជំងឺមហារីក

នៅ​ពេល​ដែល​យើង​ដឹង​ថា​ខ្លួន​​មាន​មហារីក​ក្រពេញ​អូវែ គឺ​ជា​​បទពិសោធន៍​ដ៏​អាក្រក់​បំផុត​ក្នុង​ឆាក​ជីវិត​របស់​មនុស្ស​ស្រី។ អ្នក​ជំងឺ​ចាំ​បាច់​ត្រូវ​ពិភាក្សា​រឿង​នេះ ជាមួយ​អ្នក​​ណា​ម្នាក់​ដែល​អាច​ទុក​ចិត្ដ​បាន។ ប្រសិន​បើ​យើង​ភ័យ​ខ្លាច​ មិន​ហ៊ាន​ប្រាប់​សមាជិក​គ្រួសារ ឬ​មិត្ដ​ភក្គិបាន យើង​​គួរ​ព្យាយាម​ស្វែង​រក​ក្រុម​មនុស្ស ឬ​អ្នក​មាន​ជំនាញ​ខាង​នេះ ដើម្បី​ពិគ្រោះ​បន្ថែម។ អ្នកជំងឺ​​គួរ​ស្ដាប់​យោបល់​ពី​អ្នក​ក្បែរ​ខ្លួន និង​ទទួល​យក​​ការ​ជួយ​ជ្រោម​ជ្រែង​ពី​ពួក​គាត់ ដោយ​សារ​ជំងឺ​មហារីក ជា​ជំងឺ​ដែល​យើង​ពិបាក​ក្នុង​ការ​ដោះ​ស្រាយ​។ មួយ​វិញ​ទៀត ត្រូវ​ធ្វើ​ខ្លួន​ឲ្យ​រឹង​មាំ និង​ហ៊ាន​ទទួល​យក​អ្វី​ដែលកើត​ឡើង​ក្នុង​ថ្ងៃ​ខាង​មុខ និង​កុំ​ឆាប់​ចុះ​ចាញ់។ អ្វី​ដែល​សំខាន់​ជាង​គេ គឺ​ត្រូវ​ទទួល​ទាន​អាហារ​ល្អ​ៗ​សម្រាប់​សុខ​ភាព និង​សម្រាក​ឲ្យ​បាន​គ្រប់​គ្រាន់ ដើម្បី​កុំ​ឲ្យ​កើត​ស្ត្រេស និង​មាន​កម្លាំង​គ្រប់​គ្រាន់​ទទួល​យក​ការព្យាបាល។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Ovarian cancer. http://www.mayoclinic.org/diseases-conditions/ovarian-cancer/basics/coping-support/con-20028096. Accessed April 18, 2017.

About Ovarian Cancer. https://www.cancer.org/cancer/ovarian-cancer/about.html.  Accessed April 18, 2017.

រូបថត​របស់​អ្នក​និពន្ធ
ត្រួតពិនិត្យ​ដោយ គឹម កាណែល
អត្ថបទ​ដោយ ណៃ ទូច
កែ 10/07/2020
x