ស្រីៗយើងមួយចំនួនអាចនឹងជួបប្រទះបញ្ហាបាត់រដូវ។ នេះជារឿងធម្មតាទេអំឡុងពេលមានផ្ទៃពោះ ឬក្រោយពីដល់វ័យអស់រដូវ ប៉ុន្តែប្រសិនជាបាត់រដូវនៅក្នុងករណីផ្សេងពីនេះ វាអាចជារោគសញ្ញានៃបញ្ហាសុខភាព។

ការបាត់រដូវមាន ២ ប្រភេទ។ ប្រភេទទី១គឺសម្រាប់ស្រីៗដែលមានអាយុ ១៦ ឆ្នាំ និងមិនទាន់មានរដូវដំបូង។ នេះអាចមកពីភាពមិនប្រក្រតីនៃប្រព័ន្ធបន្តពូជដែលបង្កមិនឲ្យមានរដូវដែលគេហៅថាការបាត់រដូវដំបូង (Primary Amenorrhea)។ ប្រភេទទី២គឺនៅពេលដែលបាត់រដូវប្រចាំខែរយៈពេលបីខែជាប់គ្នាក្រោយពីមានរដូវធម្មតា ៩ ខែមុនដែលគេហៅថាSecondary Amenorrhea។ ប្រភេទទី២គឺកើតមានទូទៅជាងប្រភេទទី ១។

មូលហេតុបង្កឲ្យមានការបាត់រដូវ

ការបាត់រដូវអាចបង្កដោយមូលហេតុមួយចំនួន។ ការបាត់រដូវដំបូងអាចមកពីបញ្ហាសរីរាង្គភេទដែលអាចជាសញ្ញានៃការលូតលាស់មិនល្អ ឬភាពមិនប្រក្រតីរបស់អូវែ។ រីឯការបាត់រដូវប្រភេទទី២វិញអាចមកពីបញ្ហាក្រពេញទីរ៉ូអ៊ីត ឬក្រពេញ pituitary ។ នៅពេលដំណើរការប្រក្រតី ក្រពេញទាំងពីរផលិតអ័រម៉ូនសម្រាប់ការមករដូវ។

ស្វែងយល់បន្ថែមតាមរយៈវីដេអូខាងក្រោម៖

ក្រៅពីបញ្ហាខាងលើ ការបាត់រដូវប្រភេទទី ២ គឺអាចបង្កដោយមូលហេតុផ្សេងមានដូចជា៖

ជំងឺធាត់
កង្វះអាហារូបត្ថម្ភ
ជំងឺអត់ឃ្លានអាហារ (anorexia nervosa)
ស្រកទម្ងន់ខ្លាំង
ហាត់ប្រាណខ្លាំងពេក
ជំងឺ Polycystic Ovary Syndrome (កើតឡើងដោយសារតែនៅក្នុងរាងកាយមានវិសមភាពនៃអ័រម៉ូនភេទ)
មហារីកក្រពេញអូវែ
ជំងឺដុំគីសដៃស្បូន (noncancerous ovarian cysts)
ស្លាកស្នាមនៅស្បូនដោយការបូម ឬកោសសម្អាតស្បូន
ការកាត់ស្បូនចេញ
បញ្ហាក្រពេញទីរ៉ូអ៊ីត
អតុល្យភាពអ័រម៉ូន
ស្ត្រេស ឬ មានជំងឺបាក់ទឹកចិត្ត
ការប្រើប្រាស់ថ្នាំ។

អត្ថបទគួរអាន៖

ដោយឡែក ការបាត់រដូវប្រភេទទី២ក៏អាចបង្កដោយកត្តាធម្មជាតិរួមមានការមានផ្ទៃពោះ ការបំបៅដោះកូន និងពេលអស់រដូវ។ ការចាប់ផ្តើម បញ្ឈប់ ឬផ្លាស់ប្ដូរថ្នាំពន្យារកំណើតក៏អាចប៉ះពាល់ដល់វដ្ដរដូវដែរ។

សម្រាប់ការព្យាបាលការបាត់រដូវនេះដែរគឺអាស្រ័យលើមូលហេតុបង្ក។ ឧទាហរណ៍ ប្រសិនជាការបាត់រដូវបង្កដោយជំងឺធាត់ នោះគ្រូពេទ្យនឹងណែនាំឲ្យយើងធ្វើការសម្រកទម្ងន់។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

បញ្ហាមករដូវ