ថ្វីត្បិតជាជំងឺសើស្បែក តែមុនពិតជារំខាន និងធ្វើឲ្យបាក់សម្រស់អស់មួយចំណែកធំ។ ចំពោះបញ្ហាមុននេះដែរ គ្នាយើងតែងចំណាំនិយាយតៗគ្នាថា ការញ៉ាំគ្រឿងផ្អាប់ មានប្រហុក ផ្អក និងពពួកស៊ុតសត្វ ដូចជាពងទាកូន ពងទា ពងមាន់ ធ្វើឲ្យមុនកើតមុន ឬមុនរឹតតែឡើង។
ចម្ងល់នេះ អ្នកឯកទេសជំងឺស្បែក នៃមន្ទីរពេទ្យព្រះកុសមៈ លោកវេជ្ជបណ្ឌិត ហេង យូសេង ពន្យល់ថា តាមឯកសារជាច្រើន រឿងចំណីអាហារមិនបានរាប់បញ្ចូលក្នុងមូលហេតុបណ្តាលឲ្យកើតមុននោះទេ តែទោះយ៉ាងណាគ្រូពេទ្យភាគច្រើនតែឲ្យអ្នកកើតមុនចំណាំដោយខ្លួនឯង តើការញ៉ាំចំណីអាហារណាមួយធ្វើឲ្យកើត ឬឡើងមុន។
“មូលហេតុអីបានគេមិនរាប់បញ្ចូលប្រភេទចំណីអាហារណាមួយធ្វើឲ្យកើតមុន? ដោយសារអ្នកខ្លះគាត់ញ៉ាំពងទាកូនដែរ ប៉ុន្តែអត់ចេញមុន អ្នកខ្លះក៏ចេញអ៊ីចឹងទៅ អ៊ីចឹងអត់មានគោលរួមអីមួយទេ ចំពោះចំណីអាហារគេឲ្យអ្នកជំងឺចំណាំដោយខ្លួនឯង’។
អត្ថបទពាក់ព័ន្ធ៖ កើតមុន តិចរពឹសដៃកេះញេច ប្រយ័ត្នមុខកែលែងឡើង
[embed-health-tool-due-date]
