តាមទម្លាប់ ឲ្យតែកើតមុន គ្នាយើងនៅមិនសុខទេ ម្នាក់ៗរពឹសដៃស្ទាបអង្អែល កេះ ញេច បន្ទាប់មកយកម្សៅ ឬថ្នាំមកបន្តក់ពីលើស្នាមមុននោះ ដែលវិធីនេះជាការព្យាបាលមុនដោយខ្លួនឯង។

អ្នកឯកទេសជំងឺស្បែក នៃមន្ទីរពេទ្យព្រះកុសមៈ លោកវេជ្ជបណ្ឌិត ហេង យូសេង ពន្យល់ថា មុនជាជំងឺសើស្បែកដែលបង្កឡើងដោយអ័រម៉ូនប្រមាណជា ៨០% ក្រៅពីនោះមានការប្រើគ្រឿងសម្អាង ការរស់នៅ ចំណីអាហារជាដើម។

មុនច្រើនកើតលើមនុស្សពេញវ័យទាំងស្រីទាំងប្រុស។ កាលណាយើងកើតមុន ត្រូវប្រញាប់ទៅរកគ្រូពេទ្យព្យាបាលមុន មិនត្រូវកេះ ឬញេចដោយក្រចកនោះទេ។ “បើកើតមុនតិចៗ ត្រូវប្រញាប់រត់ទៅរកពេទ្យព្យាបាល កុំកេះញេចដោយក្រចក នាំឲ្យក្លាយ បង្កទៅជាមានស្នាមមុខ ឬមេរោគឆ្លងតាមក្រចកទៅមុខយើងក៏មានដែរ”។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

គ្រូពេទ្យសើស្បែកបានបែងចែកមុនជា ២ប្រភេទ គឺមុនមិនរលាក ដែលមុនប្រភេទនេះមានគ្រាប់តូចៗ ដូចគ្រាប់អង្ករ និងមុនរលាក ដែលបង្កឲ្យមានមុនក្រហម និងខ្ទុះ។

មុនប្រភេទណាក៏ដោយ មិនអាចព្យាបាលដោយខ្លួនឯងបានទេ ឯការទិញម្សៅលក់តាមផ្សារ ឬអនឡាញមកលាបបំបាត់មុននោះ លោកវេជ្ជបណ្ឌិត ហេង យូសេង បញ្ជាក់ថា មានប្រសិទ្ធភាពតែដំបូងទេ លាបលើកក្រោយៗលែងត្រូវហើយ។ ដូច្នេះការព្យាបាលមុនបានទាន់ពេលជាមួយគ្រូពេទ្យជំនាញ ចំណេញពេល មុខយើងក៏ស្រស់ស្អាតគ្មានស្នាម។

អត្ថបទគួរអាន៖

កើត​មុន តិច​រពឹសដៃកេះ​ញេច ប្រយ័ត្ន​មុខ​កែ​លែង​ឡើង

កើតមុន តិចរពឹសដៃកេះញេច ប្រយ័ត្នមុខកែលែងឡើង