អ្នកមានបញ្ហាស្នាមមុនលើផ្ទៃមុខ គួរស្វែងយល់វិធីព្យាបាលទាំងនេះ

មានស្បែកមុខម៉ត់ និងរលោងអាចថាជាក្តីសុបិនរបស់មនុស្សគ្រប់គ្នា។ ស្បែកល្អឥតខ្ចោះ គ្មានស្នាមអ្វីទាំងអស់លើមុខគឺជាអ្វីដែលមនុស្សរាល់គ្នាចង់បានពិសេសលើមនុស្សពេញវ័យ និងយុវវ័យ។ ការមានមុនលើមុខគឺជាផ្នែកមួយនៃដំណើរការបែបធម្មជាតិដែលយើងទាំងអស់គ្នាត្រូវបានជួបយ៉ាងហោចណាស់ម្តងក្នុងមួយជីវិត។ កត្តាដែលបង្កើតឲ្យមានមុនគឺការកើនឡើងនៃការផលិតរបស់ក្រពេញសេបូម (sebaceous gland) ការកកើតនៃកោសិការរបស់ក្រពេញ sebaceous keratosis follicular ការជំរុញឲ្យមានរលាក និងភាពមិនធម្មតានៃការបញ្ចេញអរម៉ូនក្នុងខ្លួន។ ការបន្សល់ទុកនូវស្នាម និងសន្លាក់បន្ទាប់ពីមានការកើតមុនគឺបណ្តាលមកពីការកកើតនៃសរសៃ collagen ដែលស្ថិតនៅក្នុងស្រទាប់ជ្រៅខាងក្នុងរបស់ស្បែក។

អត្ថបទពាក់ព័ន្ធ៖

កើតមុន តិចរពឹសដៃកេះញេច ប្រយ័ត្នមុខកែលែងឡើង
វិធីសាស្រ្តផ្សេងៗក្នុងការព្យាបាលអាចម៍រុយ និងស្នាមមុនលើស្បែកមុខ

ទម្រង់របស់មុនមាន ដុំពក macules ការប្រែពណ៌លើស្បែក (skin discolouration) មានស្នាមជាលិកា (tissur scar) និងការបាត់បង់នូវជាលិកា (Loss of tissue) ។ Macules មានរាងសំប៉ែតមានចំណុចពណ៌ក្រហមតូចៗ កើតលើតំបន់ដែលធ្លាប់មានមុនពីមុន។ ការប្រែពណ៌លើស្បែកកើតឡើងនៅពេលដែលមុនបានជាសះស្បើយហើយ វាត្រូវបានគេហៅផងការឡើងពណ៍លើស្បែកក្រោយមានការរលាក (post-inflammatory hyperpigmentation)។ ស្នាមជាលិកាគឺជាស្នាមដែលមើលទៅដូចជាលិកាដែលបានរីកធំ។ ស្នាមនេះក៏ត្រូវបានគេហៅថាផ្លែ (keloids) ឬស្នាម hypertrophic ដែលជាលទ្ធផលនៃការដុះជាលិកា collagen ច្រើនខ្លាំងពេក។ ឯ បាត់បង់ជាលិកា វិញគឺកើតមានច្រើនជាង ស្នាមជាលិកា។ ស្នាមប្រភេទនេះមើលសភាពក្រាស និងមើលទៅដូចជាមានរន្ធតូចៗនៅលើស្បែក។ ឈ្មោះផ្សេងទៀតនៃស្នាមលើមុខមានដូចជា ice-pick scars, depressed fibrotic scars, soft scars, follicule macular atrophy និង atrophic macules។

យើងត្រូវពិគ្រោះយោបល់ជាមួយគ្រូពេទ្យជំនាញខាងសើស្បែកដើម្បីទទួលបានការព្យាបាលដែលល្អ និងសមរម្យក្នុងការបំបាត់ស្នាមមុនដែលជ្រៅលើមុខផ្ទៃមុខ។ ជាទូទៅមានវិធីព្យាបាលច្រើនប្រភេទក្នុងការបំបាត់ស្នាមមុន។ Dermabrasion ត្រូវចាត់ទុកថាមានប្រសិទ្ធភាពបំផុតក្នុងការបំបាត់ស្នាមជ្រៅ ដែលត្រូវបានខាត់ដោយល្បឿនដែលលឿន ឬឧបករណ៍ផ្សេងទៀតក្នុងការកាត់បន្ថយជម្រៅរបស់ស្នាមមុន។ វិធីនេះនឹងចំណាយពេលពីរបីថ្ងៃដើម្បីជាសះស្បើយវិញបន្ទាប់ពីបានព្យាបាល ហើយស្បែកយើងនឹងឡើងក្រហម និងហើមក្រោយពេលព្យាបាលផងដែរ។ ឯ microdermabrasion វិញគឺជាការព្យាបាលមួយផ្សេងទៀតដែលគេប្រើលើស្នាមដែលមានជំរៅស្តើងខុសពី dermabrasion ។ ដើម្បីជំរុញស្បែកផ្ទៃខាងលើចេញ គ្រូពេទ្យជំនាញខាងសើស្បែកនឹងប្រើថ្នាំបាញ់គ្រីស្តាល់តិចតួចជាជាងការខាត់ដោយល្បឿនលឿន ហើយវាត្រូវការការព្យាបាលច្រើនដងដើម្បីលុបស្នាមទាំងនោះចេញ។

អត្ថបទពាក់ព័ន្ធ៖

ថ្នាំខាត់គីមីត្រូវបានប្រើដើម្បីលុបបំបាត់ស្នាមមុន និងឡើងក្រហមក្រោយកើតមុន។ វិធីនេះអាចធ្វើបានដោយអ្នកគ្រូពេទ្យ គិលានុបដ្ឋាយិកា ឬការស្ប៉ា។ ការព្យាបាលមានការប្រើអាស៊ីតជាក់លាក់មួយចំនួនដើម្បីជំរុះចេញនូវស្រទាប់ខាងក្រៅរបស់ស្បែក ហើយស្បែកនឹងរបកក្នុងរយៈពេលពីរបីថ្ងៃ។ ការស្រាវជ្រាវបានបង្ហាញថាការខាត់ដោយសារជាតិគីមីដែលមានកំរិតមធ្យមអាចធ្វើឲ្យបាត់ស្នាមមុនបានពី ៥១ ទៅ ៧៥ ភាគរយ។ ចំពោះស្នាមជាលិកាមួយចំនួនមិនអាចបាត់ទេលើការព្យាបាលបែបនេះ។ ករណីផ្លែ (keloid) ត្រូវព្យាបាលដោយប្រើក្រែមអាស៊ីតរេទីណូអ៊ីក (retinoic acid cream)។ យើងអាចស្វែងរកផលិតផលដែលមានសារជាតិ Retinol ក្នុងផលិតផលណាមួយដែលមាននៅតាមឱសថស្ថានបាន។

ការចាក់ fillers ក៏ជាការព្យាបាលដែលមានធ្វើច្រើនផងដែរ។វិធីនេះមានលក្ខណៈដូចសារធាតុ collagen hyaluronic acid ឬខ្លាញ់ដែលត្រូវបានប្រើសំរាប់ចាក់បំពេញស្លាកស្នាមជាពិសេសលើស្បែកដែលមានរូបរាងខូង។ ការចាក់ filler ត្រូវធ្វើច្រើនដងក្នុងរយៈពេលពីរបីខែអាស្រ័យលើប្រភេទនៃថ្នាំ។ ការចាក់យកមុនចេញគឺជាវិធីព្យាបាលមួយផ្សេងទៀតដែលធ្វើពិសេសលើមុខដែលមានស្នាមដោយសារមុនកប់។ ការវះកាត់ស្បែកចេញធ្វើឡើងដោយកាត់ស្លាកស្នាមចេញ និងជួសជុលកន្លែងដែលកាត់ដោយការដេរ ឬការរបះស្បែក។ ស្លាកស្នាម នៃស្នាមដេរនឹងត្រូវបាត់ទៅវិញយ៉ាងងាយស្រួលដោយការព្យាបាលដោយ light resurfacing ឬ microdermabrasion។

ការព្យាបាលដែលល្អមួយទៀតគឺការបាញ់ឡាស៊ែរសម្រាប់ជម្រុះស្រទាប់ខាងក្រៅនៃស្បែក ដែលជាស្រទាប់នៃស្នាមមុន និងកាត់បន្ថយការឡើងក្រហមនៅជុំវិញស្នាមមុនដែលបានជា។ ការព្យាបាលឡាស៊ែរគឺការប្រើពន្លឺ monochromatic ជាមួយកម្ដៅដើម្បីកុំឲ្យមានការកើនឡើងនៃកោសិកា fibroblasts ដែលបង្កើតភាពយឺត (elastin) និងកោសិកាសរសៃ (collagen) លើស្បែក។ វិធីនេះនឹងជម្រុះស្បែកដែលខូចចោលដោយបង្កើតស្បែកថ្មីឡើងវិញ។ ការព្យាបាលដោយឡាស៊ែរត្រូវធ្វើច្រើនដង និងត្រូវការពេលពីរបីថ្ងៃដើម្បីជាសះស្បើយ។

យើងត្រូវមានការណាត់ជួប និងពិគ្រោះយោបល់ពីអ្នកជំនាញ ឬគ្រូពេទ្យជំនាញខាងសើស្បែកដើម្បីទទួលបានពត័មានត្រឹមត្រូវ និងសមស្របសម្រាប់ស្បែកមុខរបស់យើង។

អត្ថបទពាក់ព័ន្ធ៖

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ចាន់ សុខឡាង · កែ 09/11/2021