គ្រោះថ្នាក់សរសៃឈាមខួរក្បាល ជាបញ្ហាសុខភាពធ្ងន់ធ្ងរមួយ ដែលអាចធ្វើឲ្យអ្នកជំងឺធ្លាក់ខ្លួនពិការ ឬបាត់បង់អាយុជីវិត។ ចំណែកឯដំណាក់កាលព្យាបាលឲ្យជាសះស្បើយ ក៏មិនមែនជារឿងងាយស្រួលដូចគ្នា គឺអាស្រ័យលើកត្តាសុខភាព ជំងឺប្រចាំកាយ និងភាពធ្ងន់ធ្ងរនៃជំងឺតែម្ដង។
ការជាសះស្បើយក្រោយគ្រោះថ្នាក់សរសៃឈាមខួរក្បាលឲ្យបានឆាប់រហ័ស គឺមិនមែនជារឿងងាយស្រួលឡើយ ពីព្រោះវាទាមទារការព្យាយាម កំណត់អត់ធ្មត់ឲ្យបានច្រើន ហើយអ្វីដែលសំខាន់បំផុត គឺយើងចាំបាច់ត្រូវផ្ដោតទៅលើការគិតវិជ្ជមាន និងត្រូវប្រកាន់ខ្ជាប់នឹងការផ្លាស់ប្ដូរល្អៗទាំងនោះ។
