គ្រោះថ្នាក់សរសៃឈាម

ស្រ្តូកបណ្តាលមកពីជំងឺទឹកនោមផ្អែម អាចបង្ការបែបណា?

ជំងឺទឹកនោមផ្អែម ជាជំងឺរ៉ាំរ៉ៃដែលពាក់ព័ន្ធនឹងកម្រិតជាតិស្ករក្នុងឈាម ព្រមទាំងកើតឡើងដោយសារតែកង្វះអាំងស៊ុយលីនក្នុងរាងកាយ។ ប្រសិនបើយើងមិនអាចគ្រប់គ្រងស្ថានភាពជំងឺនេះឲ្យបានល្អទេនោះ ជំងឺទឹកនោមផ្អែម អាចនាំឲ្យមានផលវិបាកធ្ងន់ធ្ងរផ្សេងៗ ដូចជាខ្សោយតម្រងនោម ឬគ្រោះថ្នាក់សរសៃឈាមខួរក្បាលដែលបង្កដោយជំងឺទឹកនោមផ្អែម។ ទំនាក់ទំនងរវាងជំងឺទឹកនោមផ្អែម និងគ្រោះថ្នាក់សរសៃឈាមខួរក្បាល យោងតាមសមាគមគ្រោះថ្នាក់សរសៃឈាមខួរក្បាលអាមេរិក គ្រោះថ្នាក់សរសៃឈាមខួរក្បាលដែលបង្កដោយជំងឺទឹកនោមផ្អែមកើតឡើងនៅពេលដែលសរសៃឈាមផ្ទុកជាតិស្ករក្នុងឈាមច្រើនពេក ហើយលំពែងមិនអាចបង្កើតអ័រម៉ូនអាំងស៊ុយលីនបាន ក្នុងការជួយផ្ទេរជាតិស្ករទៅកាន់កោសិកាដើម្បីបង្កើតជាថាមពលដល់រាងកាយ។ [embed-health-tool-bmr] បរិមាណច្រើននៃជាតិស្ករក្នុងឈាមនេះហើយ អាចបណ្ដាលឲ្យខូចចរន្តឈាម ក៏ដូចជាបង្កឲ្យមានកំណកឈាមដែលរាំងស្ទះដល់លំហូរឈាម ព្រមទាំងអាចបំផ្លាញដល់ជាលិកាខួរក្បាលផងដែរ។ ជាទូទៅ គ្រោះថ្នាក់សរសៃឈាមខួរក្បាល កើតលើអ្នកជំងឺទឹកនោមផ្អែមច្រើនជាងអ្នកដែលមិនមានជំងឺនេះ។ យ៉ាងណាមិញ សមាគមគ្រោះថ្នាក់សរសៃឈាមខួរក្បាលបានសម្គាល់ពីកត្តាហានិភ័យផ្សេងទៀត ដែលនាំឲ្យអ្នកជំងឺទឹកនោមផ្អែមប្រឈមនឹងគ្រោះថ្នាក់សរសៃឈាមខួរក្បាល៖ មានអាយុលើសពី៥៥ឆ្នាំ ធ្លាប់ជួបបញ្ហាគ្រោះថ្នាក់សរសៃឈាមខួរក្បាល មានប្រវត្តិគ្រួសារកើតជំងឺនេះ មានជំងឺប្រចាំកាយ ដូចជាជំងឺបេះដូង សម្ពាធឈាមខ្ពស់ ធាត់ជ្រុល ជក់បារី ឬអសកម្ម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! រោគសញ្ញានៃគ្រោះថ្នាក់សរសៃឈាមខួរក្បាល មិនអាចកម្រើកមុខ មិនអាចធ្វើចលនា ឬលើកដៃ ពិបាកនិយាយ សញ្ញាព្រមានដទៃទៀត រួមមាន៖ ព្រឹលភ្នែក ឬមើលមិនឃើញ ភ្លេចភ្លាំង ឬវង្វេងវង្វាន់ ព្រមទាំងវិលមុខ ឬដួលភ្លាមៗ ឈឺក្បាលធ្ងន់ធ្ងរភ្លាមៗ។ អត្ថបទគួរអាន៖ ឈឺក្បាល មិនមែនចេះតែលេបថ្នាំគ្រប់ពេលទេ អាចប៉ះពាល់សុខភាព ប្រយ័ត្ន! ឈឺក្បាលខ្ទោកៗ អាចជាសញ្ញានៃជំងឺគួរឲ្យបារម្ភមួយនេះ ទម្លាប់៥យ៉ាង […]

គ្រោះថ្នាក់សរសៃឈាម

Femoral Artery Aneurysm (ជំងឺប៉ោងសរសៃឈាមក្រលៀន)

និយមន័យតើជំងឺប៉ោងសរសៃឈាមក្រលៀនជាអ្វី? សរសៃឈាមភ្លៅគឺស្ថិតនៅម្ដុំក្រលៀនអាចបង្កជាការប៉ោងបាន ដែលបង្កឡើងដោយសារភាពខ្សោយនៃស្រទាប់ជញ្ជាំងសរសៃឈាមនេះ។ ការប៉ោងនេះអាចធ្លាយហើយយាយីដល់ជីវិតអ្នកជំងឺប្រសិនបើមានការហូរឈាមខ្លាំង។ការប៉ោងនេះអាចបង្កើតជាកំណកឈាមដែលអាចទៅជាកាត់ជើងចោលក៏មាន។ តើជំងឺប៉ោងសរសៃឈាមក្រលៀនឧស្សាហ៍ជួបប្រទះដែរឬទេ? ជំងឺប៉ោងសសៃឈាមក្រលៀនជាប្រភេទជំងឺកើតញឹកញាប់មួយរបស់ជំងឺប៉ោងសរសៃឈាម។ ជំងឺប៉ោងសសៃឈាមក្រលៀនភាគច្រើនកើតលើស្ត្រីនិងបុរសវ័យចំណាស់ (បុរសភាគច្រើន)។ រោគសញ្ញារោគសញ្ញា អ្នកជំងឺប៉ោងសសៃឈាមក្រលៀនកម្រមានរោគសញ្ញាមកពីប្រភេទជំងឺបែបនេះណាស់ ភាគច្រើនគេរកឃើញពេលពិនិត្យកាយសម្បទាទូទៅពេលឆែកសុខភាពប៉ុណ្ណោះ។ ដូចនេះយើងនឹងមិនអាចដឹងថាមានជំងឺប៉ោងសសៃឈាមក្រលៀនមុនបាននោះទេទោះវាមានទំហំធំក៏ដោយ។ ជំងឺប៉ោងសរសៃឈាមក្រលៀននេះកើតនៅលើជិតស្រទាប់ស្បែកគឺអាចឲ្យទៅជាហើមនិងការឈឺចាប់ហើយការប៉ោងធំនឹងលេចឡើង។ សញ្ញានេះមានដូជជា៖ ហូរឈាម កើនចង្វាក់បេះដូង ការឈឺចាប់ វិលមុខនិងស្រាលក្បាល ផលវិបាកធ្ងន់ធ្ងរពីជំងឺប៉ោងសរសៃឈាមក្រលៀននេះអាចបណ្ដាលឲ្យស្លាប់ប្រសិនបើជួយសង្រ្គោះមិនទាន់ពេលទេនោះ។ តើត្រូវជួបគ្រូពេទ្យនៅពេលណា? ប្រសិនបើគ្នាយើងមានសញ្ញាដូចបានរៀបរាប់ខាងលើសូមរួសរាន់ទៅជួបគ្រូពេទ្យ ព្រោះរាងកាយមនុស្សម្នាក់ៗអាចនឹងឆ្លើយតបជាមួយមេរោគផ្សេងៗពីគ្នាដូចនេះបើមានអ្វីមិនច្បាស់សូមពិគ្រោះជាមួយគ្រូពេទ្យ។ អត្ថបទពាក់ព័ន្ធ៖ តែជាង ១០នាទី Appថ្មីពីGoogle អាចវិភាគដឹង អ្នកមានជំងឺក្រលៀន មូលហេតុតើជំងឺប៉ោងសរសៃឈាមក្រលៀនកើតបានដូចម្ដេច? មិនទាន់មានអំណះអំណាងប្រាកដណាមួយនៅឡើយ។ កត្តាហានិភ័យតើកត្តាប្រឈមអ្វីខ្លះដែលបង្កឲ្យមានជំងឺនេះ? កត្តាដែលចូលរួមនោះមានដូចជា៖ ជំងឺកកស្ទះសរសៃឈាម លើសសម្ពាធឈាម ការបង្ករោគដោយបាក់តេរី ការជក់បារី មានការវះកាត់កែលម្អសរសៃឈាម រោគសញ្ញានិងការព្យាបាល រោគវិនិច្ឆ័យ ការថតស្កេននិងថតអេកូគឺជាវិធីដែលគេប្រើដើម្បីកំណត់រោគវិនិច្ឆ័យនិងរកមើលភាពមិនធម្មតារបស់សរសៃឈាម។ ស៊ីធីស្កេនប្រើកាំរស្មីដើម្បីថតមើលសរីរាង្គផ្នែកខាងក្នុងដើម្បីឲ្យគ្រូពេទ្យមើលឃើញពីទម្រង់ រូបរាងរបស់សរសៃឈាមតួយ៉ាងរកមើលការកកស្ទះ ប៉ោងនិងភាពខ្សោយដែលអាចកើតឡើងលើសរសៃឈាម។ ការព្យាបាល បន្ទាប់ពីកំណត់រោគវិនិច្ឆ័យបានហើយការសម្រេចថាត្រូវកែលម្អត្រូវធ្វើឡើងក្នុងពេលភ្លាមៗ។ ករណីមួយៗគឺមានភាពខុសៗគ្នាហើយការសម្រេចថាត្រូវធ្វើរបៀបណាគឺពឹងផ្អែកលើគ្រូពេទ្យជំនាញថាត្រូវវះកាត់ភ្លាមៗឬរង់ចាំមើលការវិវឌ្ឍសិនដែលតាមដានយ៉ាងយកចិត្តទុកដាក់បំផុត។ មានកត្តាជាច្រើនដែលចូលរួមក្នុងការសម្រេចចិត្តដូចជា៖ ទំហំ ទីតាំងនៃសរសៃឈាមវានៅលើឬក្រោមថង់ដក់នោះ វត្តមាននៃកំណកឈាម និងលក្ខខណ្ឌសុខភាពរបស់អ្នកជំងឺផ្ទាល់។ ការព្យាបាលផ្សេងទៀតមានដូចជាថ្នាំបញ្ចុះឈាមនិងបន្ថយជាតិខ្លាញ់ជាដើម។ ថ្នាំប្រភេទ Belta-Blocker អាចត្រូវបានប្រើដើម្បីបន្ថយសំពាធដែលជួយកុំឲ្យមានការធ្លាយ។ ចំណេះដឹងបន្ថែមតើត្រូវធ្វើយ៉ាងណាដើម្បីជៀសវាងប៉ោងនៅសរសៃឈាមក្រលៀននេះ? ខាងក្រោមនេះជាវិធីងាយៗដែលអាចយកទៅអនុវត្តបានដូចជា៖ បរិភោគអាហារមានជីវជាតិគ្រប់គ្រាន់ដូចជាផ្លែឈើឲ្យបានច្រើន គ្រាប់ធញ្ញជាតិ បន្លែបៃតងដែលអាចជួយការពារការកកើតជាជំងឺដក់ថង់នេះ។ សាច់ក្រហមនិងសាច់បក្សីដែលមានខ្លាញ់ឆ្អែតកម្រិតទាបគឺជាជម្រើសល្អសម្រាប់ប្រភពនៃប្រូតេអ៊ីន។ ផលិតផលទឹកដោះគោដែលមានខ្លាញ់ទាបក៏បង្ហាញថាល្អសម្រាប់សុខភាពយើងដែរ។ ការហាត់ប្រាណឲ្យបានទៀតទាត់ ទៅលើបេះដូង អាចធ្វើឲ្យមានចលនាឈាមរត់បានស្រួលទៅបេះដូង តាមសរសៃឈាមផ្សេងៗទៀត។ បញ្ឈប់ការជក់បារីដោយសារតែគេបង្ហាញថាអាចកាត់បន្ថយកត្តាហានិភ័យបានច្រើន ត្រូវត្រួតពិនិត្យសុខភាពឲ្យបានរៀងរាល់ឆ្នាំ។