ស្បែកទារកទើបកើតងាយនឹងប្រតិកម្ម ចាំបាច់ត្រូវការពារពីផលប៉ះពាល់ពីកម្ដៅព្រះអាទិត្យ ប៉ុន្តែពន្លឺថ្ងៃតិចៗ ពិសេសពេលព្រឹក ផ្ដល់ប្រយោជន៍ច្រើនយ៉ាងដល់កូន ប្រសិនបើម៉ាក់ៗឧស្សាហ៍ដាក់ទារកទើបកើតហាលពន្លឺថ្ងៃ។ ការដាក់ទារកទើបកើតហាលពន្លឺថ្ងៃ ភាគច្រើនធ្វើចំពោះក្មេងកើតជំងឺខាន់លឿង ប៉ុន្តែទោះអាអូនកើត ឬមិនកើតក្ដី យើងសុទ្ធតែអាចដាក់កូនហាលថ្ងៃព្រោះល្អចំពោះកូន។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។