កាលពីពេលពពោះម៉ាក់ៗគ្រប់រូបគឺត្រូវញ៉ាំអាហារដោយប្រុងប្រយ័ត្ន ដើម្បីឲ្យកូនលូតលាស់បានល្អ តែក្រោយពេលសម្រាលរួច ហើយបំបៅដោះកូន ម៉ាក់ៗក៏នៅតែត្រូវញ៉ាំអាហារឲ្យប្រយ័ត្នដែរ បើមិនដូចនេះអាចមានបញ្ហាដល់កូន។ អាហារមួយប្រភេទដែលគួរជៀសវាង ទាំងម៉ាក់ៗកំពុងពពោះ និងបំបៅដោះកូននោះគឺអាហារឆៅ។ នេះបើតាមការបញ្ជាក់ឲ្យដឹងពីលោកវេជ្ជបណ្ឌិត គាន់ អូន ។
បំបៅដោះកូន បើម៉ាក់ៗញ៉ាំអាហារឆៅអាចប៉ះពាល់អីខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រធានផ្នែករោគស្ត្រីនៃមន្ទីរពេទ្យកាល់ម៉ែតរូបនេះ បានឲ្យដឹងថា’អាហារឆៅវាអាចបណ្ដាលឲ្យកើតអៀន តេនញ៉ា ព្រូន ប៉ារ៉ាស៊ីត អ៊ីចឹងហើយបានជាគេមិនឲ្យញ៉ាំវាទេ’។ កាលណាដែលម្ដាយញ៉ាំអាហារឆៅ វាអាចបង្កឲ្យប៉ះពាល់ដល់សុខភាពដូចជា៖
– ឆ្លងបាក់តេរី
– ពុលចំណីអាហារ
– ក្អួតចង្អោរ
– ចុកពោះ រាក
– ប្រឈមនឹងការបាត់បង់ជាតិទឹក ឬសារធាតុអេឡិចត្រូលីត្រ។
ចំពោះការប៉ះពាល់ដល់កូនដែលបៅដោះនោះ គឺមិនមានបញ្ហាអីគួរឲ្យបារម្ភទេ ក្រៅពីប៉ះពាល់ដល់សុខភាពម្ដាយ វាអាចប៉ះពាល់ដល់កូនបាននៅក្នុងករណីកម្រប៉ុណ្ណោះ ទោះយ៉ាងណាក៏ត្រូវប្រយ័ត្នក្នុងការញ៉ាំអាហារឆៅនេះ ហើយបំបៅដោះកូនដែរ។
លោកវេជ្ជបណ្ឌិតថា ការគិតថាញ៉ាំអាហារឆៅច្រើន ប៉ូវកម្លាំង ប៉ូវថាមពល គឺអត់ទេ។ បើចង់ប៉ូវកម្លាំង ឬជួយឲ្យសុខភាពរឹងមាំល្អ គួរញ៉ាំអាហារឆ្អិនដូចជា បន្លែឆ្អិន សាច់ឆ្អិន ដែលសម្បូរវីតាមីន ប្រូតេអ៊ីន និងអាហារូបត្ថម្ភល្អៗវិញ ទើបមិនបារម្ភរឿងបញ្ហាសុខភាពទាំងម្ដាយ ទាំងកូន។
អត្ថបទពាក់ព័ន្ធ៖
- ម៉ាក់ៗកំពុងពពោះ គួរញ៉ាំអាហារជប៉ុន Sushi ទេ?
- ឃើញកាំប្រមាសមុទ្រស្រក់ទឹកមាត់ តើស្រ្តីពពោះអាចញ៉ាំបានអត់?
- ស្រីៗមានផ្ទៃពោះចូលចិត្តញ៉ាំប្រៃ ប្រយ័ត្នជួបបញ្ហាធំ
- ពេលពពោះគួរចៀសអាហារទាំងនេះ ទើបម្តាយ និងកូនមានសុខភាពល្អ
- ចូលចិត្តញ៉ាំអាហារសាច់ក្រហម ត្រូវដឹងពីគុណសម្បត្តិ និងគុណវិបត្តិទាំងនេះ
- ចូលចិត្តញ៉ាំអាហារសមុទ្រឆៅ ប្រយ័ត្នផង អាចកើតជំងឺច្រើនមុខណាស់
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម