ម៉ាក់ប៉ាដឹងហើយថា ទឹកដោះគោសម្បូរទៅដោយជាតិកាល់ស្យូម ញ៉ាំទៅជួយឲ្យឆ្អឹងរឹងមាំ។ ក្រៅពីទឹកដោះគោ យើងក៏អាចឲ្យកូនញ៉ាំត្រីល្អិតបានដែរ បើតាមអ្នកជំនាញអាហារូបត្ថម្ភ ត្រីតូចៗសម្បូរកាល់ស្យូមមិនចាញ់ទឹកដោះគោប៉ុន្មាននោះទេ។
តើយើងអាចយកត្រីល្អិតទៅចម្អិនឲ្យញ៉ាំដោយរបៀបណា? បើគម្រោង NOURISH នៃទីភ្នាក់ងារជំនួយអាមេរិក (USAID) អនុវត្តដោយអង្គការ Save the Children ម៉ាក់ប៉ាអាចយកត្រីល្អិតទៅធ្វើជាម្សៅត្រីល្អិតឲ្យកូនញ៉ាំ ធ្វើបែបនេះមិនបារម្ភរឿងកូនស្លាក់ឆ្អឹងត្រី ម្យ៉ាងទៀតម្សៅត្រីល្អិតអាចរក្សាទុកបានយូរ ថែមទាំងអាចលាយជាមួយអាហារផ្សេងៗទៀតបាន។
ក្រៅពីសម្បូរជាតិកាល់ស្យូម ត្រីល្អិតជាប្រភពអាហារូបត្ថម្ភសម្រាប់កុមារ ដែលមានទាំងវីតាមីន និងប្រូតេអ៊ីន អាចជួយការពារកុមាអាយុពី ៦-២៣ ខែ ពីភាពក្រិន នៅពេលដែលយើងលាយក្បាល ឆ្អឹង និងសាច់ត្រីបញ្ចូលគ្នា។
ចំពោះប្រភេទត្រីល្អិត ដែលយើងអាចយកទៅធ្វើម្សៅត្រីល្អិតបាន មាន ត្រីបណ្តូលអំពៅ ត្រីចង្វាត្រីចង្វាភ្លៀង ត្រីកំភ្លាញ ត្រីក្រឹម ត្រីអាចម៍កុក ត្រីក្អិត ត្រីជន្ទាលភ្លុក ជាដើម។
អត្ថបទពាក់ព័ន្ធ៖
- អត្ថប្រយោជន៍ និងរបៀបធ្វើម្សៅត្រីល្អិត ឲ្យកូនតូចញ៉ាំ
- របបអាហារតាមអាយុកូន ម្ដាយគ្រប់រូបគួរដឹង
- កូនកើតមករាងកាយមិនមាំទាំ មកពីម៉ាក់ខ្វះសារជាតិមួយនេះពេលពពោះ
- Calcium (ជាតិកាល់ស្យូម)
- កាល់ស្យូមល្អយ៉ាងម៉េចខ្លះ ចំពោះម៉ាក់ៗ និងទារកនៅក្នុងផ្ទៃ?
- ប៉ាម៉ាក់ត្រូវដឹងវីធីដោះស្រាយទាំងនេះ ពេលជួបបញ្ហាកូនមិនចង់ញ៉ាំអាហារ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
