ភេសជ្ជៈពេញនិយមនាពេលបច្ចុប្បន្ន គឺកាហ្វេ តែម៉ាក់ប៉ាខ្លះមិនមែនផឹកកាហ្វេនេះតែម្នាក់ឯងទេ ដោយអ្នកមានកូនតូចៗប្រាកដជាចែករំលែកទៅកូន បើពួកគេទារផឹកដែរនោះ ហោចណាស់ត្រឹម១ក្អឹក ឬ២ក្អឹកដែរ។
លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា ទម្លាប់បែបនេះមិនមែនជារឿងល្អឡើយ ហើយប៉ះពាល់ចំពោះសុខភាពក្មេងថែមទៀតផង។ ក្នុងកាហ្វេមានជាតិកាហ្វេអ៊ីន ដែលកាហ្វេអ៊ីននោះហើយ ជាមូលហេតុនាំឲ្យសុខភាពបញ្ហាស្មារតីក្មេងចុះខ្សោយ មានដូចជា៖
– កាហ្វេនាំឲ្យក្មេងពិបាកគេង
– ក្មេងមិនចង់ញ៉ាំអាហារ
– បេះដូងដើរញាប់
– ឈឺក្បាល
– អស់កម្លាំង ល្ហិតល្ហៃ
- នោមញឹក
– សម្ពាធឈាមខ្ពស់។
តើជាតិកាហ្វេអ៊ីនជាអ្វី? លោកបានបន្តទៀតថា ជាតិកាហ្វេអ៊ីន គឺជាភ្នាក់ងាររំញោចអារម្មណ៍ដែលមាននៅក្នុងកាហ្វេ តែ សូកូឡា អាហារ និងភេសជ្ជៈដទៃទៀត។ លោកបានបន្ថែមទៀតថា បើចង់ឲ្យក្មេងផឹកភេសជ្ជៈកាហ្វេ ឬកាហ្វេអ៊ីន ចាំពេលពួកគេមានអាយុដល់ ១៥ ឆ្នាំសិន ទើបប្រព័ន្ធការពារក្នុងរាងកាយរឹងមាំអាចទប់ទល់ និងបញ្ចេញជាតិកាហ្វេអ៊ីននោះបានមកវិញ។
វេជ្ជបណ្ឌិតឯកទេសទូទៅរូបនោះ បន្តទៀតថាជារឿយៗក្មេងដែលផឹកភេសជ្ជៈមានជាតិកាហ្វេអ៊ីន ឬជាតិផ្អែមច្រើនត្រូវប្រឈមនឹងជំងឺធាត់។ ភេសជ្ជៈមានជាតិកាហ្វេអ៊ីនផ្ទុកតែកូលស្តេរ៉ូល ហើយគ្មានវីតាមីន និងសារធាតុដែលសុខភាពត្រូវការនោះទេ ចំណែកភេសជ្ជៈដែលក្មេងត្រូវការ គឺជាតិកាល់ស្យូមពីទឹកដោះគោ ដើម្បីធ្វើឲ្យឆ្អឹង និងធ្មេញរឹងមាំ។
ភេសជ្ជៈដែលមានជាតិកាហ្វេអ៊ីន ឬមានផ្ទុកជាតិផ្អែមច្រើនពេកអាចបណ្ដាលឲ្យមានបញ្ហាធ្មេញ ដោយភាគច្រើនសឹកធ្មេញ ឬឈឺចាប់អញ្ចាញធ្មេញ។ ជាតិកាហ្វេអ៊ីន គឺជាថ្នាំបញ្ចុះទឹកនោមដែលបណ្ដាលឲ្យរាងកាយខ្សោះជាតិទឹក។
អត្ថបទពាក់ព័ន្ធ៖
- ពិតអត់ កាលពីមុន ក្មេងៗញ៉ាំសាច់ នាំឲ្យកើតពិសអាចម៍កុក?
- កូនឈឺល្មមៗ បើម៉ាក់ប៉ាទម្លាប់ធ្វើបែបនេះ ជំងឺកាន់តែធ្ងន់ធ្ងរ
- គ្រាន់តែងូតទឹកឲ្យកូនពេលក្ដៅខ្លួន ទឹកចូលសួតមែនអត់?
- រវាងទឹកដោះគោក្រដាស និងយ៉ាអួ គួរឲ្យកូនញ៉ាំមួយណា?
- មិនចង់ឲ្យកូនកើតជំងឺធាត់ ត្រូវឲ្យកូនផឹកទឹកឲ្យច្រើន
- ក្មេងតូចៗលើសទម្ងន់ អាចប្រឈមជំងឺកាចៗទាំងនេះ
- កូនធាត់ ឬអត់ អាចមើលដឹងនៅពេលគេអាយុប៉ុណ្ណេះ
- ក្មេងៗចូលចិត្តញ៉ាំការ៉េម នាំឲ្យផ្ដាសាយមែនអត់?
- ឲ្យកូនញ៉ាំថ្នាំបញ្ចុះកម្តៅ ត្រូវប្រយ័ត្នរឿងមួយនេះ!
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
