បើនិយាយពីអាហារក្មេងញ៉ាំ ម៉ាក់ប៉ាត្រូវចេះរៀបចំឲ្យបានល្អិតល្អន់ ព្រោះគ្រប់ផ្នែកទាំងអស់នៃរាងកាយអូនតូច ត្រូវការសារធាតុចិញ្ចឹមត្រឹមត្រូវសម្រាប់លូតលាស់ឲ្យបានពេញលេញ។ ផ្ទុយទៅវិញ មានក្មេងខ្លះអាហារល្អៗមិនញ៉ាំ បែរជាកូនចូលចិត្តញ៉ាំក្រៀមក្រោះៗព្រោះរសជាតិត្រូវមាត់ជាងអាហារមានជីវជាតិទូទៅ។ បើមួយថ្ងៃៗញ៉ាំតែអាហារក្រៀម ប៉ះពាល់ដល់ការលូតលាស់ក្មេង ឬអត់ចុះ?
ដឹងអត្ថន័យពណ៌ និងរូបរាងលាមកទារក
តាមការចែករំលែករបស់លោកវេជ្ជបណ្ឌិត ចាន់ ស៊ីណែត បានឲ្យដឹងថា ការដែលកូនចូលចិត្តញ៉ាំក្រៀមក្រោះ មិនសូវជាល្អទេ ព្រោះមិនសូវមានសារធាតុប្រូតេអ៊ីនគ្រប់គ្រាន់សម្រាប់ក្មេង និងសម្បូរជាតិប្រៃទៀត។ ម៉្យាងវិញទៀត អាអូននិយមអាហារស្ងួត ក្រៀមក្រោះៗនឹងក៏អាចប្រឈមការខ្សោះជាតិទឹក ហើយអាហារបែបនេះក៏មានកាឡូរីខ្ពស់ដែរ។
វេជ្ច. ចាន់ ស៊ីណេត
ប៉ុន្តែ អាហារក្រៀមក្រោះដូចជា ផ្លែឈើក្រៀមជាដើម ក៏មានប្រយោជន៍ដល់កូនពេលញ៉ាំដែរ ព្រោះក្នុងផ្លែឈើក្រៀមភាគច្រើន ផ្ទុកសារធាតុកាកសរសៃ វីតាមីន និងរ៉ែផ្សេងៗ។ ជាតិកាកសរសៃជួយសម្រួលដល់ក្រពះពោះវៀនកូនដំណើរការបានរលូន មិនងាយរាករូស មិនងាយទល់លាមក ហើមពោះ ឬឈឺពោះឡើយ។ យ៉ាងណាមិញ វាក៏មានគុណវិបត្តិរបស់វាដែរ ព្រោះផ្លែឈើក្រៀមក៏មានជាតិស្ករខ្ពស់ បើញ៉ាំច្រើនក៏មិនល្អសល់សុខភាពកូនដូចគ្នា និងជួនកាល ក៏អាចបង្កឲ្យកូនស្លាក់ផ្លែឈើក៏មានដែរ អញ្ចឹងម៉ាក់ប៉ាត្រូវប្រយ័ត្ន។
ក្នុងរបបអាហារប្រចាំថ្ងៃរបស់កូន គឺត្រូវមានបន្លែ សាច់ ត្រី ស៊ុត ផ្លែឈើចម្រុះមុខ ដើម្បីធានាបានថាកូនទទួលបានការលូតលាស់ពេញលេញ។ ម៉ាក់ប៉ាក៏មិនត្រូវបណ្ដោយកូនឲ្យញ៉ាំតែអាហារក្រៀមក្រោះតាមតែចិត្តកូនចង់នោះដែរ ព្រោះបើតាមការលើកឡើងរបស់វេជ្ជបណ្ឌិតខាងលើ វាអាចប៉ះពាល់សុខភាពកូន។ ជាពិសេស ម៉ាក់ប៉ាគួរតែផ្ដោតសំខាន់លើសុខភាពក្រពះពោះវៀនកូន ដោយផ្ដល់ជា អាហារសម្បូរ Probiotics និង Prebioticsដល់កូន។
SYNBIOTICS ក៏ជាជម្រើសមួយល្អសម្រាប់ផ្ដល់ឲ្យកូនដែរ ម៉ាក់ប៉ាអាចរកទឹកដោះគោ ឬអាហារដែលផ្ទុកវា ដើម្បីជួយដល់ប្រព័ន្ធរំលាយអាហារកូន ព្រោះបើក្រពះពោះកូនល្អ ការលូតលាស់ក៏ល្អ ។
គួរអាន៖
- នេះជាពពួកបាក់តេរីល្អ ជួយប្រព័ន្ធរំលាយអាហារ និងប្រព័ន្ធការពារក្មេងៗកាន់តែរឹងមាំ
- តិចនិកជួយបង្កើនបាក់តេរីល្អក្នុងពោះវៀនកូនតូចៗ ម៉ាក់ប៉ាកត់ចំណាំទុក
- ការពិតអំពី ព្រីបាយអូទិក (Prebiotics) ម៉ាក់ប៉ាមានកូនតូចៗត្រូវដឹង
- ហេតុផលសំខាន់ៗ ក្មេងតូចចាំបាច់ត្រូវការSYNBIOTICS ក្នុងរបបអាហារ
- កូនម៉ឹមទឹកដោះគោ ត្រូវធ្វើតាមចំណុចប៉ុន្មាននេះ ទើបមិនហើមពោះ
[embed-health-tool-bmi]
