និយាយរឿងអាហារ គ្នាយើងមានរសនិយមផ្សេងៗគ្នា មានសាប ប្រៃ ផ្អែម។ រូបមន្តធម្មជាតិ និងវេជ្ជសាស្ត្រ គឺអ្វីៗក៏ដោយ ត្រូវមានតុល្យភាព មានន័យថា បើញ៉ាំប្រៃពេក ឬផ្អែមពេក សុទ្ធតែបង្កទុក្ខទោសដល់ខ្លួនឯង។
មាតិកា
ចូលចិត្តញ៉ាំប្រៃ អាចមានគ្រោះថ្នាក់ធំពីរចំពោះសុខភាព
ថ្ងៃនេះ “Hello គ្រូពេទ្យ” សូមបង្ហាញគ្រោះថ្នាក់ធំៗ ២ យ៉ាង អាចកើតលើគ្នាយើងចូលចិត្តញ៉ាំប្រៃ។ ញ៉ាំប្រៃកាន់ខ្លាំង សម្ពាធឈាមក្នុងខ្លួនយើង កាន់តែឡើង ហើយបន្តញ៉ាំបែបហ្នឹងជាប្រចាំ អនាគតច្បាស់ខាងមុខ គឺជំងឺលើសឈាមរត់មករកឯងតែម្ដង។
១- បញ្ហាតម្រងនោម
និយាយស្រួលស្ដាប់ ក្រលៀន (តម្រងនោម) ជាសរីរាង្គប្រៀបដូចជាម៉ាស៊ីនចម្រោះអ៊ីចឹង។ កាលណាតម្រងនោមមានបញ្ហា ជាតិពុលក៏មិនអាចច្រោះចេញពីរាងកាយយើងដែរ ជាហេតុបង្កើតជាបញ្ហាសុខភាពដ៏ធ្ងន់ធ្ងរ។ ញ៉ាំប្រៃលើសកម្រិត ឬប្រៃពេក ក្រលៀនយើងនឹងចុះខ្សោយ។
ជាតិអេឡិចត្រូលីត ដូចជា សូដ្យូម និងប៉ូតាស្យូម ដើរតួសំខាន់ក្នុងការច្រោះទឹកនោម និងជាតិពុលក្នុងរាងកាយ។ ពេលយើងញ៉ាំប្រៃ (សូដ្យូម) ច្រើនពេក វាធ្វើឲ្យចាល់ជាតិទឹកក្នុងខ្លួន ដោយសារអតុល្យភាពរវាងសូដ្យូម និងប៉ូតាស្យូម ជាហេតុធ្វើឲ្យសម្ពាធឈាមឡើង។
កាលណាតែក្រលៀនឈឺ មុខងារក្រលៀនក៏ខ្សោយតាមហ្នឹងដែរ។ អ៊ីចឹង គួរប្រុងប្រយ័ត្ន ព្រោះគ្រប់សរីរាង្គក្នុងរាងកាយយើង មានទំនាក់ទំនងគ្នា។ ពេលមានអីមួយឈឺហើយ អាផ្សេងទៀត ក៏ប៉ះពាល់មិនអាចចៀសឡើយ។
អានបន្ថែម៖
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- កំពុងព្យាបាលជំងឺមហារីកដឹងថាពិបាក នេះជាតិចនិកគួរដឹង
- អ្នកជាពីជំងឺមហារីកសុដន់៖ សុខភាពផ្លូវចិត្តជារឿងសំខាន់ពេលកំពុងព្យាបាល
២- បញ្ហាសរសៃឈាម
និយាយដល់សរសៃឈាមវិញ កាន់តែធ្ងន់ធ្ងរ ដោយសារគ្រប់សរីរាង្គ ចិញ្ចឹមដោយសារមានសរសៃឈាមទៅដល់។ ពេលសម្ពាធឈាមកើន សរសៃឈាមរីកក្រាស់ ធ្វើឲ្យប្រហោងសរសៃកាន់តែរួមតូច ដោយខំប្រឹងទប់នឹងសម្ពាធដែលកើនឡើង។ យូរៗទៅ អាចធ្លាយ ឬកកឈាមក្នុងសរសៃ ហើយបើប៉ះលើសរសៃនាំឈាមទៅចិញ្ចឹមបេះដូងវិញ កាន់តែគ្រោះថ្នាក់ធំ ព្រោះកង្វះអុកស៊ីហ្សែនធ្វើឲ្យកោសិកាបេះដូងងាប់ ហើយបើនៅតែបន្តញ៉ាំប្រៃទៀត ជាតិទឹកចាល់ក្នុងសរសៃឈាម ដែលវិវត្តជាការគាំងបេះដូង។ ទោះទម្លាប់ច្រើនឆ្នាំក៏ដោយ គួរដល់ពេលកាត់បន្ថយញ៉ាំប្រៃ បើស្រលាញ់ជីវិត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Salt’s effects on your body. http://www.bloodpressureuk.org/microsites/salt/Home/Whysaltisbad/Saltseffects Assessed October 9, 2016.
How to eat less salt. http://www.bloodpressureuk.org/microsites/salt/Home/Howtoeatlesssalt Assessed October 9, 2016.
កំណែប្រែបច្ចុប្បន្ន
14/06/2022
អត្ថបទដោយ យ៉ានណែត ដាញែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម