ធម្មតា ជំងឺគ្រុនឈាមបង្កឡើងដោយសារមូសខ្លាខាំ ពិសេសសម្បូរណាស់ខែធ្លាក់ភ្លៀង ហើយក្ដៅខ្លួន ឡើងកន្ទួល ឬឈឺសន្លាក់ សុទ្ធតែជារោគសញ្ញាគួរឲ្យកត់សម្គាល់។ ក្នុងករណីកូនក្ដៅខ្លួនព្រោះគ្រុនឈាម ម៉ាក់ប៉ាមួយចំនួនចេះតែថែមថ្នាំបញ្ចុះកម្ដៅឲ្យកូនដោយសារចង់ឲ្យឆាប់ជា តែមានដឹងអត់ថា ការថែមថ្នាំញឹកអាចធ្វើឲ្យពុលថ្លើមបាន។
ដឹងអត្ថន័យពណ៌ និងរូបរាងលាមកទារក
លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងកុមារ បានជួបករណីក្មេងកើតគ្រុនឈាម តែមានកម្រិតជាតិពុលក្នុងថ្លើមខ្ពស់។ ដំបូង មានក្មេងអាយុ ១ខួប មានអាការៈក្ដៅខ្លួនខ្លាំងយូរថ្ងៃ និងមានសភាពខ្សោយទៅៗសន្លឹមខ្លាំង ដោយសារអាអូនគ្រុនឈាម ក្រោយពេលពិនិត្យ និងតេស្ដឈាមរួចមក។
ស្របគ្នានេះ លោកបន្តថា អ្វីដែលសំខាន់ក្រោយពិនិត្យឈាមក្មេងនោះ គឺជាតិពុលថ្លើមឡើងខ្លាំង ដែលជាតិពុលថ្លើមឡើងខ្លាំងអាចបណ្ដាលមកពីមូលហេតុ ២ យ៉ាង៖ ទី១. មេរោគគ្រុនឈាមវាទៅធ្វើឲ្យរលាកថ្លើម ឬអាចទី២. ប្រើថ្នាំបញ្ចុះកម្ដៅលើសកម្រិត។ ប៉ុន្តែ ភាគរយខ្ពស់នោះគឺមូលហេតុទី២ កូនក្ដៅខ្លួនព្រោះគ្រុនឈាមរហូតពុលថ្លើម ដោយសារប្រើថ្នាំបញ្ចុះកម្ដៅលើសកម្រិត។
វេជ្ជបណ្ឌិតរូបនេះ បានបន្តថា ម៉ាក់ប៉ាតែងតែព្រួយបារម្ភខ្លាំងនៅពេលកូនក្ដៅខ្លួនយូរអត់បាត់ ជាហេតុបណ្ដាលឲ្យប្រើថ្នាំបញ្ចុះកម្ដៅញឹកពេលកម្ដៅឡើងម្ដងៗ។ លោកបន្ថែមថា បើកូនក្ដៅខ្លួនព្រោះគ្រុនឈាម យ៉ាងហោចណាស់ក៏ ៣ – ៥ថ្ងៃដែរទើបធូរស្រាល មិនអាចព្យាបាលមួយថ្ងៃជាបានទេ។
យ៉ាងណាមិញ ម៉ាក់ប៉ាក៏មិនត្រូវទុកកូនឲ្យក្ដៅខ្លួនព្រោះគ្រុនឈាម ឬគួរការពារកូនកុំឲ្យកើតជំងឺគ្រុនឈាមតែម្ដងដោយលាបឡេការពារមូសខាំ ស្លៀកខោអាវវែងៗឲ្យកូន និងកុំឲ្យកូនទៅលេងកន្លែងងងឹតៗ ឬកន្លែងដែលសម្បូរសត្វមូស។
អានបន្ថែម៖
- គ្រុនឈាមកើនយ៉ាងគំហុក ក្រសួងស្នើឲ្យធ្វើប៉ុន្មានចំណុចនេះ បើកូនក្តៅខ្លួនខ្លាំង
- កុំច្រឡំ! គ្រុនឈាម ១ជីវិតមិនមែនអាចកើតតែ១ដងទេ
- សញ្ញាងាយកត់ចំណាំបំផុត បើកូនកើតជំងឺគ្រុនឈាម
- មានវ៉ាក់សាំងគ្រុនឈាមហើយ! តែការអនុញ្ញាតមានកំណត់ ព្រោះ…
- ធ្លាប់តែដឹងថាឆ្លងតាមមូសខ្លាខាំ តែឡូវរកឃើញករណីជំងឺគ្រុនឈាមដំបូង ឆ្លងតាមការរួមភេទ
[embed-health-tool-bmi]
