-ឲ្យកូនញ៉ាំអាហារបំប៉នដែលសំបូរជីវជាតិ និងប្រូតេអ៊ីនដូចជា ស៊ុត ត្រី ទឹកដោះគោ ក៏អាចជួយឲ្យការជាសះស្បើយកាន់តែលឿនដែរ។
-ឲ្យកូនញ៉ាំទឹកក្ដៅឧណ្ហៗឲ្យបានច្រើន ឬទឹកដែលមានជាតិអេឡិចត្រូលីត ឬក៏ ទឹកអូរ៉ាលីត ដើម្បីបំពេញកង្វះជាតិទឹក។
-ឲ្យកូនសម្រាកឲ្យបានច្រើន មិនត្រូវប្រើគេធ្វើការ ឬបណ្ដោយឲ្យរត់លេងផ្ដេសផ្ដាសឡើយ
-គ្រូពេទ្យអាចឲ្យអាអូនប្រើថ្នាំប៉ារ៉ាសេតាមុល ដើម្បីបន្ថយកម្ដៅក៏ប៉ុន្តែយកកំណាត់សើមដាក់លើថ្ងាស និងជូតខ្លួនឲ្យបានញឹកញាប់ក៏អាចជួយបន្ថយកម្ដៅបានដែរ។
ជាទូទៅ គ្រុនឈាមមានពេលប្រហែល ១០ ថ្ងៃប៉ុន្តែកូនយើងអាចក្ដៅខ្លួនរហូតលើសមួយខែ។ បើសិនជាអាអូនបាត់ក្តៅខ្លួន ១ ឬ ២ ថ្ងៃហើយ តែរោគសញ្ញានៅតែមិនថយចុះ ឬកាន់តែធ្ងន់ជាងមុន នោះបញ្ជាក់ថា កូនយើងអាចស្ថិតក្នុងជំងឺគ្រុនឈាមដំណាក់កាលធ្ងន់ធ្ងរ ឬយើងហៅថាដំណាក់កាលបែកគ្រាប់ឈាម (DHF)។ បើសិនដល់ដំណាក់កាលនេះ អាអូនកំពុងត្រូវការការសង្គ្រោះបន្ទាន់។