ម៉ាក់ប៉ាជាច្រើននិយមលាបម្សៅឲ្យទារកតូចៗ ហើយនៅពេលកូនថ្លោសតែងជួបបញ្ហារលាកតាមគន្លាក់ដៃជើង គូទ ក ក្លៀកជាដើមនោះក៏ប្រើម្សៅទៅលាបកន្លែងមានបញ្ហាដែរ។ តែបើតាមគ្រូពេទ្យមិនឲ្យធ្វើបែបនោះឡើយ ព្រោះបញ្ហាស្បែកកាន់តែរាលដាលខ្លាំងឡើង។
កូនថ្លោសៗឧស្សាហ៍រលាកស្បែកតាមគន្លាក់ គួរលាបម្សៅឲ្យអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វេជ្ជបណ្ឌិត ហ៊ាង រតនា បានឲ្យដឹងថា ការលាបម្សៅតាមកន្លែងកកិតទាំងនោះនាំឲ្យស្បែកកូនកាន់តែរលាកធ្ងន់ធ្ងរទៅវិញទេ។ នៅពេលដែលយើងយកម្សៅទៅលាបកន្លែងគន្លាក់អស់ទាំងនោះ ម្សៅមិនបានរលាយជ្រាបចូលទៅក្នុងស្បែក ហើយមានតែផ្ដល់ភាពកកិតឲ្យកាន់តែខ្លាំង ហើយរលាកក៏កាន់តែខ្លាំងដូចគ្នា។
ដូចនេះសម្រាប់ទារកដែលថ្លោសៗ ឬមិនថ្លោសក៏ដោយបើមានស្នាមរលាកគួរតែប្រើជាជេល ក្រមួនសម្រាប់លាបតាមគន្លាក់ អាចកាត់បន្ថយការកកិត ហើយមិនងាយបង្កឲ្យរលាកស្បែកកូនឡើយ។
វេជ្ជបណ្ឌិតឯកទេសជំងឺទូទៅរូបនោះបន្ថែមទៀតថា ចំណែកប្រភេទឡេវិញវាមិនចាំបាច់លាបក៏បានដែរ ប្រសិនបើកូនមានសុខភាពស្បែកល្អហើយនោះ។ តែសម្រាប់ក្មេងខ្លះវិញមានបញ្ហាស្បែកស្ងួត ឬងាយអាលែកហ្ស៊ីត្រូវប្រយ័ត្នមុនជ្រើសរើសផលិតផលណាមួយមកលាបលើស្បែកកូន ព្រោះទារកមានស្បែកនៅខ្ចីខ្លាំងណាស់ លាបរបស់មិនល្អណាមួយអាចបណ្ដាលឲ្យរលាក ក្រហម និងខូចស្បែកតែម្ដង។
លោកបន្ថែមទៀតថា មុនចង់ប្រើផលិតផលអ្វីលើស្បែកត្រូវពិគ្រោះជាមួយគ្រូពេទ្យជំនាញ និងស្វែងយល់ពីប្រភេទស្បែកកូនជាមុន ហើយទើបគ្រូពេទ្យចេញវេជ្ជបញ្ជាគួរទិញអ្វីមកប្រើ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម