តាមគោលការណ៍ថ្នាក់ជាតិ ផ្តល់ការចាក់វ៉ាក់សាំងចំនួន ១១ មុខ ឲ្យក្មេងទើបកើត រហូតដល់អាយុ ២ ឆ្នាំ ដោយឥតគិតថ្លៃ នៅតាមមណ្ឌលសុខភាព និងមន្ទីរពេទ្យរដ្ឋនានា។

ក្រៅពីវ៉ាក់សាំងទាំង ១១ មុខនោះ ក៏មានវ៉ាក់សាំងការពារជំងឺផ្សេងៗផងដែរ ម៉ាក់ប៉ាដែលមានលទ្ធភាពអាចនាំកូនទៅចាក់នៅវិទ្យាស្ថានប៉ាស្ទ័រកម្ពុជា ឬគ្លីនិកឯកជនធំៗមួយចំនួន។

១- វ៉ាក់សាំងរាក

វ៉ាក់សាំងរាកអាចបន្តក់នៅមុនពេលទារកអាយុបាន ៦ ខែ ។ ប្រសិទ្ធភាពនៃការបន្តក់វ៉ាក់សាំងនេះ អាចការពារមិនឲ្យក្មេងអាយុក្រោម ៥ ឆ្នាំ រាករូសខ្លាំង រហូតដល់ ៧០%។

២- វ៉ាក់សាំងផ្តាសាយធំ

កូនក្មេងត្រូវចាក់វ៉ាក់សាំងផ្តាសាយធំចំនួន ២ដូស្ត នៅពេលអាយុចាប់ពី ៦ ខែ រហូតដល់ ៨ ឆ្នាំ។

៣- វ៉ាក់សាំងគ្រុនពោះវៀន

អង្គការសុខភាពពិភពលោក (WHO) បានណែនាំឲ្យចាក់វ៉ាក់សាំងគ្រុនពោះវៀន ចាប់អាយុ ៦ ខែឡើងទៅ។

៤- វ៉ាក់សាំងស្រឡទែន

ចាក់ឲ្យទារកចាប់ពីអាយុ ៩ ខែឡើងទៅ។

៥- វ៉ាក់សាំងអុតស្វាយ

ចាក់ចំនួន ២ ដូស្ត ដោយដូស្តទី១ ចាក់នៅពេលក្មេងអាយុបាន ១២-១៥ខែ និងដូស្តទី២ នៅពេលក្មេងអាយុ ៤-៦ ឆ្នាំ។

៦- វ៉ាក់សាំងថ្លើមប្រភេទ អា

ចាក់ចំនួន ២ ដូស្ត ដូស្តទី១ ចាក់នៅពេលក្មេងអាយុបាន ១២-២៣ ខែ និងដូស្តទី២ ចាក់ ៦-១៨ ខែក្រោយ។

៧- វ៉ាក់សាំងរលាកស្រោមខួរ

វ៉ាក់សាំងរលាកស្រោមខួរ តម្រូវឲ្យក្មេងចាក់ចាប់ពីអាយុ ២ ឆ្នាំឡើងទៅ។

អត្ថបទពាក់ព័ន្ធ៖ នេះជាវ៉ាក់សាំងបង្ការជំងឺទាំង១១មុខ សម្រាប់ចាក់ឲ្យកូនក្មេងពីពេលកើត ដល់អាយុ២ឆ្នាំ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

បន្ថែមពីលើគោលការណ៍ថ្នាក់ជាតិ ម៉ាក់ប៉ាអាចនាំកូនទៅចាក់វ៉ាក់សាំងទាំងនេះ