តាមទម្លាប់ឲ្យតែកូនក្តៅខ្លួន ម៉ាក់ប៉ាតែងតែឲ្យញ៉ាំថ្នាំបញ្ចុះកម្តៅ ដែលពេលខ្លះលើសពីកម្រិតក្មេងត្រូវការ។ ការដែលឲ្យកូនញ៉ាំថ្នាំបញ្ចុះកម្តៅដោយគ្មានក្បួនខ្នាតត្រឹមត្រូវ ឬលើសកម្រិតនោះ អាចបង្កឲ្យខួចថ្លើមក្មេង នេះបើតាមការលើកឡើងរបស់ប្រធានមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គារបុស្ស។

នាយកមន្ទីរពេទ្យកុមារជាតិ បញ្ជាក់ថា ប្រភេទថ្នាំបញ្ចុះកម្តៅក្មេងៗបើយើងប្រើបានត្រឹមត្រូវតាមការកំណត់ឲ្យប្រើដែលមានលើប្រអប់ថ្នាំ ឬកំណត់សម្គាល់ និងកាលបរិច្ឆេទ ដែលភ្ជាប់ក្នុងប្រអប់ថ្នាំ ទៅតាមអាយុ និងគីឡូ នោះមិនប៉ះពាល់សុខភាពក្មេងទេ តែភាគច្រើនប្រើខុស។

ហេតុផលដែលលោកវេជ្ជបណ្ឌិតវាយតម្លៃថា ឪពុកម្តាយភាគច្រើនឲ្យកូនញ៉ាំថ្នាំបញ្ចុះកម្តៅខុសនោះ ដោយសារតែថ្នាំបញ្ចុះកម្តៅពេញនិយម អាចទិញប្រើបានដោយគ្មានវេជ្ជបញ្ជា ហើយម្នាក់ៗទិញទុកសឹងតែគ្រប់ផ្ទះ។

“ឲ្យកូនក្តៅខ្លួនឪពុកម្តាយដឹងតែឲ្យកូនញ៉ាំ តែពួកគាត់អត់ដឹងពីផលប៉ះពាល់ ឬអត់ដឹងពីកម្រិតគេប្រើ ជួនកាលកូនតូចគេតម្រូវឲ្យញ៉ាំតែពាក់កណ្តាលគ្រាប់ គាត់ឲ្យញ៉ាំ១គ្រាប់ ឯពេលខ្លះគេកំណត់ឲ្យញ៉ាំ ៤-៦ ម៉ោង/ម្តង គាត់ដាក់ ២ម៉ោង/ម្តង អ៊ីចឹងទៅជាខូចថ្លើម”។

អត្ថបទពាក់ព័ន្ធ៖

ហេតុអីញ៉ាំថ្នាំបញ្ចុះកម្តៅលើសកម្រិតធ្វើឲ្យខូចថ្លើម?

ថ្លើមជាសរីរាង្គធ្វើមេតាបូលីស នៅពេលយើងលេបថ្នាំចូលទៅ ថ្លើមនឹងព្យាយាមបំបែក ដែលធ្វើឲ្យកោសិកាថ្លើមរងការខូចខាត ប៉ុន្តែរាងកាយយើងអាចជួសជុលការខូចខាតនេះបាន ប្រសិនបើកម្រិតដែលចូលមកក្នុងបរិមាណត្រឹមត្រូវ។ ក្នុងករណីបរិមាណដែលយើងញ៉ាំចូលមកក្នុងច្រើនហួសហេតុ សរីរាង្គថ្លើមនឹងព្យាយាមធ្វើមេតាបូលីសបំបែកទ្វេដង ជាហេតុនាំឲ្យរាងកាយមិនអាចជួសជុលឲ្យមកសភាពធម្មតាវិញបានទេ ដូច្នេះកោសិកាថ្លើមក្រិនឈានទៅខូចថ្លើម។

ទោះជាថ្នាំបញ្ចុះកម្តៅអាចប្រើបានដោយគ្មានវេជ្ជបញ្ជាក្តី លោកនាយកមន្ទីរពេទ្យកុមារជាតិ សំណូមពរឲ្យម្តាយឪពុកត្រូវដឹង ឬសាកសួរគ្រូពេទ្យពីកម្រិតថ្នាំដែលត្រូវប្រើ និងចន្លោះពេលប្រើ មុនឲ្យកូនញ៉ាំ នោះទើបមិនមានបញ្ហាសុខភាពទៅថ្ងៃមុខ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ឲ្យកូនញ៉ាំថ្នាំបញ្ចុះកម្តៅ ត្រូវប្រយ័ត្នរឿងមួយនេះ!

ហេតុអី​​ញ៉ាំ​​ថ្នាំ​​បញ្ចុះ​​កម្តៅ​​លើស​​កម្រិត​ធ្វើ​​ឲ្យ​​ខូច​​ថ្លើម?

ហេតុអីញ៉ាំថ្នាំបញ្ចុះកម្តៅលើសកម្រិតធ្វើឲ្យខូចថ្លើម?