ដូចដឹងស្រាប់ហើយ ក្មេងតូចៗ ងាយនឹងឈឺណាស់ ប៉ាម៉ាក់ភាគច្រើនគ្រាន់តែគិតថា ដោយសារក្មេងមានសុខភាពខ្សោយជាងមនុស្សពេញវ័យ ទើបងាយនឹងឈឺបែបនេះ ហើយមិនមែនមានតែកូនយើងទេដែរឈឺនោះ។ គិតបែបនេះ គឺត្រឹមត្រូវ ប៉ុន្តែករណីក្មេងៗ គឺគួរតែស្ថិតក្នុងកម្រិតសមស្របមួយអាស្រ័យលើអាយុក្មេង បើឈឺញឹកញាប់ ក៏មិនមែនជារឿងធម្មតាដែរ។ ត្រូវស្វែងយល់ឲ្យច្បាស់ ម៉េចបានជាកូនយើងចេះតែឈឺ “Hello គ្រូពេទ្យ” នឹងពន្យល់ក្នុងអត្ថបទនេះ។
១- ក្មេងឈឺញឹកញាប់ត្រឹមកម្រិតណាទើបមិនគួរឲ្យបារម្ភ?
ករណីក្មេងឈឺ គឺអាស្រ័យលើកត្តាអាយុដូចគ្នា ខណៈក្មេងអាយុបាន ៦ ខែឡើង ទំនងអាចនឹងមានជំងឺលើកទីមួយ ដោយសារតែហេតុថានៅដំណាក់កាលនេះ ប្រព័ន្ធភាពស៊ាំបានទទួលពីម៉ាក់ៗ នឹងចាប់ផ្តើមចុះថយ ហើយរាងកាយចាប់ផ្តើមបង្កើតប្រព័ន្ធភាពស៊ាំសម្រាប់ខ្លួនឯង។ ចាប់ពីដំណាក់កាលនេះ រហូតដល់កូនយើងអាយុបាន ២ឆ្នាំ នឹងជួបប្រទះជំងឺផ្តាសាយ ដែលជាធម្មតាអាចកើតឡើងពី ៨-១០ ដង ក្នុងមួយឆ្នាំ ខណៈចំនួននេះបន្តិចម្តងៗ នឹងថយចុះដោយសារប្រព័ន្ធភាពស៊ាំក្មេង គេចាប់ផ្តើមពេញលេញជាស្ថាពរ (ពេលរាងកាយទទួលវីរុស នឹងប្រែជាស៊ាំនឹងប្រភេទវីរុស)។ សម្រាប់ក្មេងជំទង់ ឬមនុស្សពេញវ័យ ចំនួនញឹកញាប់កើតមានជំងឺ ជាទូទៅប្រហាក់ប្រហែលនឹង ៤ ដង/ឆ្នាំ។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
២- ប្រព័ន្ធភាពស៊ាំក្មេងមានបញ្ហាអត់បើកូនកើតផ្តាសាយច្រើនជាងក្មេងដទៃដែលស្របាលគ្នា?
ក្មេងធ្លាក់ខ្លួនឈឺច្រើន មានន័យថា គ្រាន់តែបានរងប៉ះពាល់ជាមួយវីរុស ច្រើនជាងក្មេងដទៃទៀតប៉ុណ្ណោះ។ មិនមានន័យថា កូនយើងមានប្រព័ន្ធភាពស៊ាំខ្សោយនោះទេ។ ប្រព័ន្ធភាពស៊ាំមិនគ្រប់គ្រាន់ ឬខ្សោយចំពោះក្មេងម្នាក់ៗ ជាទូទៅត្រូវបានចាត់ទុកមានទំនាក់ទំនង ជាមួយស្ថានភាពធ្ងន់ធ្ងរខ្លាំងរបស់ជំងឺ រួមមានការបង្ករោគ ដែលអាចបណ្តាលឲ្យក្មេងស្លាប់បាន ដូចជា ការបង្ករោគនៅចរន្តឈាម ជំងឺរលាកស្រោមខួរ ជំងឺរលាកសួតដោយបាក់តេរី ដំបៅស៊ីរូងស្បែក ជាដើម និងករណីឡើងទម្ងន់ ឬការលូតលាស់មិនប្រក្រតី។
៣- សញ្ញាបញ្ជាក់ថាទារកឈឺ
– សីតុណ្ហភាពក្នុងរាងកាយមិនប្រក្រតី៖ អ្នកជំនាញ បានឲ្យដំបូន្មានគ្រប់គ្រួសារទាំងអស់ ត្រូវមានប្រដាប់វាស់កម្តៅក្នុងផ្ទះ ដើម្បីវាស់ និងតាមដានសីតុណ្ហភាពទារក ឲ្យបានត្រឹមត្រូវ ព្រោះការប៉ាន់ស្មានលើសីតុណ្ហភាពរាងកាយទារក គឺមិនអាចជឿជាក់ ឬទុកជាការបានទេ។ យោងតាមវេជ្ជបណ្ឌិត Mansberg ទារកអាចនឹងប៉ះទៅមានអារម្មណ៍ ដូចជាខ្លួនកំពុងតែឆេះ តែតាមពិតសីតុណ្ហភាពរាងកាយ មានត្រឹមតែ ៣៧ អង្សារសេតែប៉ុណ្ណោះ ខណៈសីតុណ្ហភាពរាងកាយ បើខ្ពស់ជាង ៣៧.៥ អង្សារសេ ទើបត្រូវចាត់ទុកថា ទារកកើតគ្រុនក្តៅ។ ទោះយ៉ាងនេះក្តី ប្រសិនទារកអាយុលើសពី ៣ខែ ស៊ីតណ្ហភាពខ្ពស់ជាង ៣៧ អង្សារសេក៏ពិតមែន ប៉ុន្តែមិនបង្ហាញនូវសញ្ញាណាមួយមានជំងឺទេនោះ ដូចជា យំ និងនៅមិនសុខ ប៉ាម៉ាក់អាចអង្កេត និងរង់ចាំ ដើម្បីមើលថា តើកូនអាចបានគ្រាន់បើវិញ នៅថ្ងៃបន្ទាប់ដែរឬអត់។
[embed-health-tool-due-date]
– ស្បែករោលកន្ទួល៖ ស្បែករោលកន្ទួល ជារោគសញ្ញាមួយក្នុងចំណោម រោគសញ្ញាឧស្សាហ៍ឃើញមានជាញឹកញាប់បំផុតដោយបង្ករោគពីវីរុស ដូចជា ជំងឺស្អូច និងកញ្ជ្រិល ។ ទោះយ៉ាងនេះក្តី ជំងឺទាំងនេះ ក៏អាចផ្សារភ្ជាប់ទៅនឹងជំងឺផ្សេងទៀត ដែលបណ្តាលអាចឲ្យទារកស្លាប់ផងដែរ ដូចជា ជំងឺបង្កដោយមេរោគ Meningococcus និងជំងឺរលាកស្រោមខួរ។ ស្បែករោលកន្ទួល អមមកជាមួយអាការៈគ្រុនក្តៅ ជាស្ថានភាពធ្ងន់ធ្ងរ ត្រូវយកចិត្តទុកដាក់ខ្ពស់ពីគ្រូពេទ្យ ឲ្យបានឆាប់តាមដែលអាចធ្វើទៅបាន។
– បន្ទោបង់លាមកមិនប្រក្រតី៖ នៅពេលរាងកាយក្មេង មិនអាចធន់នឹងជាតិស្ករឡាក់តូស អាចនាំឲ្យទារករាករូសជាបន្តបន្ទាប់ ដែលស្ថានភាពនេះ គ្រោះថ្នាក់ខ្លាំងចំពោះទារកតូចៗ អាចបណ្តាលឲ្យខ្សោះជាតិទឹកក្នុងខ្លួនខ្លះ។ សញ្ញាខ្សោះជាតិទឹក រួមមាន ស្ងួតមាត់ អត់ទឹកភ្នែកពេលយំ ទឹកនោមមានក្លិនខ្លាំង និងអស់កម្លាំង។ បើទារក មានរាករូសរយៈពេលមួយខែ ខណៈករណីឃើញមានសត្វល្អិតនៅក្នុងពោះវៀន ម៉ាក់ៗគួរតែឈប់ឲ្យកូនញ៉ាំផលិតផលមានផ្ទុកជាតិស្ករឡាក់តូសមួយរយៈសិន។
អត្ថបទគួរអាន៖
- ចង់ឲ្យកូនក្បាលមូលស្អាត ម៉ាក់ៗអាចសាកប៉ុន្មានវិធីនេះ
- ទារកមានជំងឺពីកំណើតប៉ុន្មាននេះ អាចប៉ះពាល់ដល់ប្រាជ្ញាស្មារតី
- ទារកទើបកើត មើលមិនឃើញផង ម៉េចអាចចំណាំម៉ាក់ៗច្បាស់ម៉្លេះ?
- ទារកចាប់ពីកើតភ្លាមរហូតដល់ ២ ឆ្នាំ គួរឲ្យគេងប៉ុន្មានម៉ោង?
- ទារក ៦ខែ មានវ៉ាក់សាំងបន្ថែម ដើម្បីការពារជំងឺនេះ
- ពេលកើតភ្លាម រហូតបាន១ខែកន្លះ ទារកត្រូវចាក់វ៉ាក់សាំងអីខ្លះ?
– ពិបាកដកដង្ហើម៖ អាការៈក្អក សំឡេងដង្ហើមដូចហួច ឬសំឡេងដង្ហើម ដូចសំឡេងព្រុសខ្សាវៗ បញ្ជាក់ថា ផ្លូវដង្ហើមទារក រងភាពក្រហាយ រារាំងមិនឲ្យដកដង្ហើមបានស្រួលដូចធម្មតា។ មូលហេតុឧស្សាហ៍ឃើញញឹកញាប់បំផុតសម្រាប់អាការៈនេះ គឺដោយសារទារកកើនកម្រិតអន្ធិលសម្បោរច្រមុះក្នុងផ្លូវដង្ហើមច្រើន។ ប៉ាម៉ាក់ ក៏គួរតែពិនិត្យពណ៌អន្ធិលសម្បោរកូន បើពណ៌បៃតង មានន័យថាទារក ត្រូវនាំទារកឲ្យបានឆាប់បំផុតតាមអាចធ្វើបាន។
