ម៉ាក់ប៉ាមួយចំនួនគិតថា កូនតូចរាករូសជារឿងធម្មតា មិនចាំបាច់យកទៅពេទ្យនោះទេ យូរទៅគង់នឹងបាត់ទៅវិញទៅឯកឯង។ គិតដូច្នេះមិនត្រឹមត្រូវទេ លោកវេជ្ជបណ្ឌិតឯកទេសជំងឺទូទៅ ចាន់ ស៊ីណេត ថា កូនក្មេងរាកធ្វើឲ្យបាត់បង់ជាតិទឹក បើរាកយូរ នោះប្រឈមនឹងបញ្ហាជាច្រើនទៀត។
កុំបណ្តោយឲ្យកូនរាកយូរ មានផលប៉ះពាល់ច្រើនណាស់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- មូលហេតុនាំឲ្យក្មេងរាក
ក្មេងរាកបណ្តាលមកពីមូលហេតុច្រើនយ៉ាងដូចជា ខ្វះអនាម័យ ញ៉ាំទឹកមិនស្អាត ឆ្លងបាក់តេរី ឆ្លងវីរុស ប៉ារ៉ាស៊ីតតូចៗ ទាស់ចំណី ភេសជ្ជៈ ឬជាតិឡាក់តូសដែលមាននៅក្នុងទឹកដោះម្សៅជាដើម។
២- រោគសញ្ញាក្មេងរាកធ្ងន់ធ្ងរ
– ក្តៅខ្លួន
– លែងសូវលេងច្រើន
– គ្មានទឹកភ្នែកពេលយំ
– ឈឺពោះ
– ក្អួត
– លាមកលាយឈាម ឬសំបោរ
– មិនបត់ជើងតូច រយៈពេល ៦ ម៉ោង។
៣- ផលប៉ះពាល់ពេលក្មេងរាកយូរថ្ងៃ
– បាត់បង់ជាតិទឹក
– បាត់បង់បាក់តេរីល្អក្នុងពោះវៀន
– បាត់បង់សារធាតុចិញ្ចឹម
– ស្គម ស្លេកស្លាំង
– ខ្សោយកម្លាំង
– ភ្នែកស្ងួត
– ប៉ះពាល់ការលូតលាស់។
អត្ថបទពាក់ព័ន្ធ៖ វិធីងាយៗនេះអាចជួយអូនតូចៗបាន ពេលរាកតិចតួច
៤- បើកូនរាកធ្វើដូចម្តេច?
កូនតូចរាក បាត់បង់ជាតិទឹក ដូច្នេះម៉ាក់ៗត្រូវឲ្យកូនបំបៅដោះ ឬឲ្យកូនញ៉ាំទឹកឲ្យបានច្រើន និងកូនញ៉ាំទឹកអូរ៉ាលីត ពិសេសត្រូវតមចំណីអាហារ ភេសជ្ជៈដែលធ្វើឲ្យរាក និងបាត់បង់ជាតិទឹកកាន់តែច្រើន ដូចជា ភេសជ្ជៈត្រជាក់ផ្អែមៗ អាហារហឹរ អាហារខ្លាញ់ជាដើម។ ចំណែកអាហារដែលគួរឲ្យកូនញ៉ាំវិញមាន បបរខាប់ នំប៉័ង និងបាយ។
អត្ថបទពាក់ព័ន្ធ៖ អាហារណាខ្លះគួរឲ្យកូនញ៉ាំ និងមិនគួរឲ្យញ៉ាំ ពេលរាករូស?
បើកូនរាកមិនបាត់ លោកវេជ្ជបណ្ឌិត ចាន់ ស៊ីណេត ថា ត្រូវតែនាំកូនទៅពេទ្យបន្ទាន់ ចៀសវាងប្រើថ្នាំទប់រាកចំពោះក្មេងអាយុក្រោម ២ ឆ្នាំ ព្រោះអាចធ្វើឲ្យស្ទះ ឬហើមពោះវៀន ប៉ះពាល់ដល់ការរំលាយអាហារ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម