ម៉ាក់ប៉ាដែលមានកូនតូចជួបអាការៈចង្អោរ ឬក្អួតខ្លាំង រហូតដល់ថ្នាក់ដាក់អ្វីចូលទៅក្នុងពោះបន្តិចក៏ក្អួតនោះ ច្បាស់ភ័យស្លន់ស្លោមិនខាន។ ចំពោះក្មេងតូចៗដែលជួបអាការៈក្អួតចង្អោរ លោកវេជ្ជបណ្ឌិត ចាន់ ស៊ីណេត ឯកទេសទូទៅ ថា អាចមកពីការពុលចំណីអាហារ ភេសជ្ជៈផ្សេងៗ ឬក៏ក្មេងមានមេរោគក្នុងក្រពះ-ពោះវៀន។
ក្មេងក្អួតមកពីមូលហេតុអីខ្លះ? ត្រូវធ្វើម៉េច?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះអាការៈក្អួតធ្ងន់ធ្ងរ ក្អួតច្រើនដង ញ៉ាំអ្វីទៅក៏ក្អួត ឬក្អួតដល់ថ្នាក់ចេញពណ៌បៃតង ដែលចាស់ៗចំណាំហៅថា ក្អួតបែកប្រមាត់នោះ ម៉ាក់ប៉ាគួរតែប្រញាប់នាំកូនទៅពេទ្យ។ ចំណែកវិធីជួយតូចពេលជួបអាការៈក្អួតមិនធ្ងន់ធ្ងរនោះ លោកវេជ្ជបណ្ឌិតណែនាំឲ្យធ្វើតាមគន្លឹះមួយចំនួនខាងក្រោមនេះ។
១. ឲ្យកូនញ៉ាំទឹកឲ្យបានច្រើន
កូនក្អួត បាត់បង់ជាតិទឹកដូចរាករូសដែរ ដូចនេះម៉ាក់ប៉ាត្រូវឲ្យកូនញ៉ាំទឹកស្អាត ឬទឹកអូរ៉ាលីតឲ្យបានច្រើន ញ៉ាំបន្តិចម្តងៗតែច្រើនដង ព្រោះកាលណារាងកាយក្មេងខ្សោះជាតិទឹកយូរ អាចបង្កទៅជាផលវិបាកធ្ងន់ធ្ងរផ្សេងទៀត។ បើកូនញ៉ាំទឹក ហើយនៅតែក្អួតមកវិញ ត្រូវនាំកូនទៅជួបគ្រូពេទ្យ គ្រូពេទ្យនឹងព្យាបាលទៅតាមបច្ចេកទេស ដើម្បីបង្ការការបាត់បង់ជាតិទឹកកាន់តែធ្ងន់ធ្ងរ។
២. ឲ្យកូនញ៉ាំអាហាររាវ
កូនក្អួតខ្លាំង ច្បាស់ជាទន់ខ្លួន គ្មានកម្លាំងកំហែងទេ បន្ទាប់ពីឲ្យកូនញ៉ាំទឹកហើយ យើងត្រូវចាប់ផ្តើមឲ្យកូនញ៉ាំចំណីអាហាររាវ ដែលអាចផ្តល់ថាមពលដល់រាងកាយ ដូចជាស៊ុប ទឹកផ្លែឈើផ្អែមៗ ព្រោះវាងាយរលាយ និងចៀសការញ៉ាំអាហាររឹងៗ និងភេសជ្ជៈកំប៉ុង ដូចជាទឹកក្រូច ឬភេសជ្ជៈប៉ូវកម្លាំង។
៣. ឲ្យកូនញ៉ាំថ្នាំ
ក្មេងក្អួតកម្រិតស្រាលមិនចាំបាច់ប្រើថ្នាំនោះទេ គ្រាន់តែតាមដានកូនឲ្យបានដិតដល់ តែបើយើងចង់ប្រើថ្នាំប្រភេទទប់ក្អួត គួរតែពិគ្រោះជាមួយគ្រូពេទ្យជាមុនសិន។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម