ម៉ាក់ៗជាច្រើនតែងមានចម្ងល់ទាក់ទងនឹងកម្ដៅខ្លួនកូនតូច ហើយអ្នកខ្លះចេះតែនិយាយថា កូនក្ដៅក្បាល ឬក្ដៅខ្លួនស្ទីងៗ ទាំងមិនបានយកអ្វីទៅវ៉ាស ហើយគ្រាន់តែយកដៃស្ទាបប៉ុណ្ណោះ។
លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាព កម្ពុជា-ចិន បានឲ្យដឹងថា ក្ដៅខ្លួនគឺជាការឡើងសីតុណ្ហភាពពីក្នុងខ្លួនយើង ដោយការវាស់កម្ដៅចាប់ពី ៣៨ អង្សារសេឡើងទៅ មិនមែនស្ទាបនឹងបាតដៃ។ កម្ដៅដែលអាចឲ្យដឹងថាកូនក្ដៅខ្លួន ឬអត់ គឺយកប្រដាប់វាស់កម្ដៅគាបក្លៀក បាញ់តាមរន្ធត្រចៀក លើថ្ងាស និងតាមរន្ធគូទ។
មានមូលហេតុជាច្រើនដែលបណ្ដាលឲ្យកូនក្ដៅខ្លួន មានដូចជាការបាក់តេរី វីរុស ដូចជាផ្តាសាយ រលាកទងសួត រាករូស និងជំងឺរលាកផ្លូវដង្ហើមមួយចំនួន។ មានបញ្ហាបាក់តេរី ដូចជាគ្រុនពោះវៀន រលាកសួត។ លោកវេជ្ជបណ្ឌិតបានឲ្យដឹងទៀតថា ប្រសិនបើក្មេងដែលអាការៈក្ដៅខ្លួនលើសពី ៣៨ ត្រូវប្រញាប់នាំទៅជួបគ្រូពេទ្យ តែមុននឹងនាំទៅជួបពេទ្យត្រូវជូតខ្លួនកូនជាមួយទឹកត្រជាក់បណ្ដើរ ដើម្បីបញ្ចុះកម្ដៅ ចៀសវាងកូនឡើងកម្ដៅរហូតដល់ប្រកាច់។
មួយវិញទៀតក្មេងដែលមានអាការៈក្ដៅខ្លួន ធ្វើឲ្យក្មេងបាត់បង់ជាតិទឹក បេះដូងដើរញាប់ ដូច្នេះត្រូវព្យាយាមឲ្យក្មេង ផឹកទឹក ទឹកដោះគោ និងអាហារ ផ្លែឈើសម្បូរជាតិទឹកផ្សេងទៀតជាចាំបាច់។
ចំពោះការជូតខ្លួនកូនវិញត្រូវរកកំណាត់សើម ជូតក្រោមក្លៀក ក្រោមក គន្លាក់ដៃជើង ទើបអាចជួយកាត់បន្ថយកម្ដៅ ព្រោះទីនោះសម្បូរសរសៃឈាម តែមិនសូវមានប្រសិទ្ធភាព ដូចប្រើប្រាស់ថ្នាំនោះទេ។
អត្ថបទពាក់ព័ន្ធ៖
- ដំណាក់កាលនេះ បើកូនឈឺ ត្រូវនាំទៅពេទ្យ កុំសំងំព្យាបាលនៅផ្ទះ
- ម៉ាក់ប៉ាប្រយ័ត្នណា កូនតូចៗងាយនឹងកើតជំងឺ ៤ មុខនេះបំផុតនាខែក្តៅ
- ខែក្តៅ កុំឲ្យកូនតូចញ៉ាំអាហារប៉ុន្មានមុខនេះឲ្យសោះ
- មូលហេតុទាំងនេះ ធ្វើឲ្យកូនតូចរាករូសញឹកញាប់ ម៉ាក់ប៉ាមិនត្រូវមើលរំលង
- វិធីងាយៗនេះអាចជួយអូនតូចៗបាន ពេលរាកតិចតួច
- នេះមូលហេតុសំខាន់ៗ និងរោគសញ្ញាចាំបាច់ បើកូនរាក
- ជំងឺឧស្សាហ៍កើតលើក្មេងៗក្នុងខែក្តៅ និងតិចនិកថែសុខភាពកូន
- អាកាសធាតុក្តៅបែបនេះ ថែទាំកូនយ៉ាងម៉េច កុំឲ្យខ្វះជាតិទឹក កើតជំងឺរាក?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
