មានមតិជាច្រើនបានលើកឡើងមកកាន់ Helloគ្រូពេទ្យថា ហេតុអ្វីបានជាយើងចាំបាច់ចាក់វ៉ាក់សាំងការពារជំងឺផ្ដាសាយធំ ខណៈដែលចាក់ហើយនៅកើតដដែល? ដើម្បីបកស្រាយបញ្ហានេះលោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹងថា ហេតុផល គឺដើម្បីការពារខ្លួនពីជំងឺផ្ដាសាយធំនេះតែម្ដង។
ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកបានបញ្ជាក់ទៀតថា ត្បិតហេតុផលនេះស្ដាប់ទៅដូចសាមញ្ញ តែវាពិតជាចាំបាច់ខ្លាំង ព្រោះថាមេរោគនេះ (influenza) បង្កផលប៉ះពាល់ដល់ការរស់នៅប្រចាំថ្ងៃរបស់យើង។ មនុស្សគ្រប់គ្នាអាចកើតមានជំងឺនេះ តែសម្រាប់ទារក កុមារតូចៗ ស្ត្រីមានផ្ទៃពោះ និងមនុស្សចាស់អាយុ ៦០ ឆ្នាំឡើងទៅងាយឆ្លងបំផុត និងអ្នកមានប្រព័ន្ធការពាររាងកាយខ្សោយងាយកើតជំងឺនេះខ្លាំងណាស់។ វីរុស influenza មិនត្រឹមតែបង្កឲ្យកើតជំងឺផ្ដាសាយធំប៉ុណ្ណោះទេ វាក៏អាចបណ្ដាលឲ្យមានជំងឺរលាកទងសួត ហើយបើអ្នកមានជំងឺប្រចាំកាយកាន់តែធ្ងន់ធ្ងរឡើង។
វេជ្ជបណ្ឌិតរូបនេះ ក៏បញ្ជាក់ទៀតថា វ៉ាក់សាំងការពារជំងឺផ្ដាសាយអាចការពារជំងឺនេះបាន ហើយក៏អាចជួយជំងឺនេះមិនឲ្យឆ្លងពីមនុស្សម្នាក់ទៅមនុស្សម្នាក់ទៀតបានដែរ។ ជាធម្មតាជំងឺផ្ដាសាយធំងាយឆ្លងខ្លាំងណាស់ តាមរយៈ ក្អក កណ្ដាស់ និងប៉ះពាល់ជាមួយអ្នកជំងឺ ហើយរោគសញ្ញាវិញមានដូចជា គ្រុន ក្ដៅខ្លួន ហៀរសំបោរ ល្ហិតល្ហៃ ឈឺបំពង់ក ឈឺសាច់ដុំ។
ដូចនេះហើយវេជ្ជបណ្ឌិត ហ៊ាង រតនា បានណែនាំឲ្យយើងចាក់វ៉ាក់សាំងការពារជំងឺផ្ដាសាយមួយឆ្នាំម្ដង និងមួយវិញទៀតវ៉ាក់សាំងនេះការពារបានតែផ្ដាសាយធំមួយមុខប៉ុណ្ណោះ ហើយកុំឆ្ងល់ថា ហេតុអ្វីបានជាចាក់រួច តែនៅមានឈឺជំងឺនេះដដែល ព្រោះមេរោគផ្ដាសាយមានច្រើនប្រភេទខ្លាំងណាស់ តែផ្ដាសាយធំជាប្រភេទធ្ងន់ធ្ងរជាងគេ ទើបយើងចាំបាច់ត្រូវចាក់ឲ្យបានទៀងទាត់។
អត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម