គ្នាយើងមួយចំនួនធំ ពេលឃើញមានរោគសញ្ញាចម្លែកដូចជាជាំ ឬឡើងកន្ទួលលើស្បែក២-៣កន្លែង មិនសូវជាខ្វល់ខ្វាយរកមូលហេតុបង្កប៉ុន្មាន ភាគច្រើនគិតថា វានឹងបាត់ទៅវិញដោយឯកឯង។ ផ្ទុយទៅវិញ ការប្រែប្រួលលើស្បែកយើងដោយខ្លួនឯងអាចជាសញ្ញារបស់បញ្ហាសុខភាពណាមួយដូចជា បញ្ហាគ្រាប់ឈាមជាដើម។

យោងតាមការផ្សាយរបស់មន្ទីរពេទ្យ កាល់ម៉ែត បានឲ្យដឹងថា ការស្រាវជ្រាវខាងវេជ្ជសាស្ត្រអះអាងថា អាការៈបែបនេះភាគច្រើនកើតឡើងដោយសារបញ្ហាគ្រាប់ឈាម ហើយជំងឺគ្រាប់ឈាមទាំងនេះ អាចបណ្ដាលមកពីវិបត្តិកំណកឈាម ឬគ្រាប់បា្លកែតថយចុះខ្លាំងខុសប្រក្រតី។

មូលហេតុបញ្ហាគ្រាប់ឈាម ២ ធំៗ បណ្ដាលឲ្យឡើងជាំ ឬអុជៗ

១. ការផលិតគ្រាប់ឈាមប្លាកែតថយចុះ

កង្វះជីវជាតិ B12
ផឹកស្រាលើសចំណុះ និងរយៈពេលយូរ
ជំងឺឆ្លងខ្លះបណ្ដាលមកពីវីរុស (ឧទាហរណ៍ ជំងឺផ្ដាសាយ ជំងឺគ្រុនឈាម ជាដើម។)
ជំងឺមហារីកឈាម

អត្ថបទគួរអាន៖

២. ការបំផ្លាញប្លាកែតក្នុងសរសៃឈាម

អ្នកជំងឺមានអង្គបដិបក្ខប្រឆាំងនឹងប្លាកែត
ប្រើប្រាស់ថ្នាំផ្សះច្រើន
ស្ត្រីមានផ្ទៃពោះខ្លះ
ជំងឺប្រព័ន្ធភាពស៊ាំធ្វើការខុសប្រក្រតី លក្ខណៈជាប្រព័ន្ធ

ក្រៅពីឡើងជាំ និងអុជក្រហមដូចមូសខាំដោយគ្មានមួលហេតុច្បាស់លាស់ រោគសញ្ញាប៉ុន្មានខាងក្រោមជារោគសញ្ញារួមផ្សំគ្នាយើងគួរយកចិត្តទុកដាក់ដូចជា៖

ស្នាមជាំពេលប៉ះពាល់តិចតួច ឬក្រោយពេលចាក់ថ្នាំ
អាចចេញឈាមតាមជើងធ្មេញដោយឯកឯង ឬពេលដុសធ្មេញ
ចំពោះស្ត្រី មានរដូវមកច្រើន និងក្នុងរយៈពេលវែងខុសធម្មតា
អាចមានលាមកពណ៌ខ្មៅ ឬទឹកនោមមានឈាម (សញ្ញាធ្ងន់ធ្ងរ)

ក្នុងករណីគ្នាយើងចេះតែឡើងអុជៗលើស្បែក ឬឡើងជាំដោយមិនមានមូលហេតុញឹកញាប់ គួរទៅជួបពិនិត្យជាមួយគ្រូពេទ្យរកមួលហេតុ និងព្យាបាលឲ្យបានត្រឹមត្រូវតាមក្បួនវេជ្ជសាស្ត្រ ដើម្បីការពារសុខភាពពីការកើតជំងឺធ្ងន់ធ្ងរ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

ឧស្សាហ៍ជាំ ឬអុជក្រហមលើស្បែក អាចជាសញ្ញានៃបញ្ហាគ្រាប់ឈាម

១. ការ​ផលិត​គ្រាប់​ឈាម​ប្លាកែត​ថយ​ចុះ

២. ការ​បំផ្លាញ​ប្លាកែត​ក្នុង​សរសៃ​ឈាម

១. ការផលិតគ្រាប់ឈាមប្លាកែតថយចុះ

២. ការបំផ្លាញប្លាកែតក្នុងសរសៃឈាម