ពិតណាស់ បញ្ហាលើសទម្ងន់ ឬធាត់ជ្រុល អាចបង្កើនហានិភ័យក្នុងការកើតជំងឺទឹកនោមផ្អែមប្រភេទទី២។ ជំងឺរ៉ាំរ៉ៃមួយនេះ ត្រូវរំពឹងថានឹងអាចកើតលើមនុស្សចំនួន៦៣០លាននាក់ នៅត្រឹមឆ្នាំ២០៤៥ ហើយដើម្បីកាត់បន្ថយបញ្ហាធាត់ជ្រុល និងជំងឺទឹកនោមផ្អែមប្រភេទទី២ ស្ត្រីយើងមានតួនាទីយ៉ាងសំខាន់។
ជាក់ស្ដែង ការហាត់ប្រាណផ្ដល់អត្ថប្រយោជន៍ដល់ទាំងម្ដាយ និងទារក។ បើយោងតាមការសិក្សាថ្មីមួយរបស់ទស្សនាវដ្ដីJournal Diabetes លំហាត់ប្រាណអំឡុងពេលពពោះ អាចជួយជំរុញសុកឲ្យបញ្ចេញប្រូតេអ៊ីនសំខាន់ៗ SOD3 ដែលធ្វើឲ្យការធ្វើមេតាបូលីសរបស់កូនប្រសើរឡើង ក៏ដូចជាកាត់បន្ថយហានិភ័យនៃការកើតជំងឺទឹកនោមផ្អែម។
