ជំងឺទឹកនោមផ្អែម បានក្លាយជាកង្វល់ដ៏ធំធេងនៅទូទាំងពិភពលោក ដោយសារតែកំណើនយ៉ាងឆាប់រហ័សនៃការកើតជំងឺរ៉ាំរ៉ៃមួយនេះ។ ពិតណាស់ អ្នកកើតជំងឺទឹកនោមផ្អែម ចាំបាច់ត្រូវប្រុងប្រយ័ត្នឲ្យបានដិតដល់ចំពោះសុខភាព ដើម្បីបញ្ចៀសផលវិបាកផ្សេងៗដែលកើតឡើងដោយសារតែជំងឺនេះ។ ការគ្រប់គ្រងទម្ងន់ កម្រិតជាតិស្ករក្នុងឈាម និងការត្រួតពិនិត្យអវយវៈជាប្រចាំ មានសារសំខាន់ណាស់ចំពោះអ្នកជំងឺទឹកនោមផ្អែម ជាពិសេស ដើម្បីការពារខ្លួនពីផលវិបាកធ្ងន់ធ្ងរមួយ គឺការបាត់បង់ស្មារតីដោយសារជំងឺទឹកនោមផ្អែម ឬ Diabetic coma តែម្ដង។
មូលហេតុបង្កនៃបាត់បង់ស្មារតីដោយសារជំងឺទឹកនោមផ្អែម
ជាក់ស្ដែង ការបាត់បង់ស្មារតីដោយសារតែជំងឺទឹកនោមផ្អែម ជាផលវិបាកមួយដែលគំរាមកំហែងដល់អាយុជីវិត។ ប្រសិនបើអ្នកជំងឺទឹកនោមផ្អែមមានជាតិស្ករក្នុងឈាមខ្ពស់ពេក ឬទាបពេក នោះនឹងអាចបាត់បង់ស្មារតី ដែលមិនដឹងខ្លួនយូរ ឬមិនមានរំញ៉ោចទៅនឹងធាយុបង្ករំញ៉ោចជាដើម ហើយបើទុកមិនព្យាបាល អ្នកជំងឺអាចនឹងបាត់បង់ជីវិត។
ចង់គណនារង្វាស់ចង្វាក់បេះដូង ចុចទីនេះ!
កម្មវិធីពិនិត្យជំងឺបម្រុងទឹកនោមផ្អែមអនឡាញ
រោគសញ្ញានៃការបាត់បង់ស្មារតីដោយសារតែជំងឺទឹកនោមផ្អែម
មុនពេលកើតមានអាការៈមួយនេះ អ្នកជំងឺអាចមានជាតិស្ករក្នុងឈាមខ្ពស់ ឬទាបជ្រុល ហើយអ្នកដែលមានជាតិស្ករក្នុងឈាមខ្ពស់ អាចមានរោគសញ្ញាខាងក្រោមនេះ៖
- ស្រេកទឹកខ្លាំង
- នោមញឹកញាប់
- អស់កម្លាំង
- ចង្អោរ
- ក្អួត
- ដកដង្ហើមខ្លីៗ
- ស្ងួតមាត់
- ចង្វាក់បេះដូងលោតញាប់
- ឈឺពោះ
ចំណែកអ្នកដែលមានបញ្ហាជាតិស្ករក្នុងឈាមទាបជ្រុល អាចកើតមានអាការៈអស់កម្លាំង ញ័រខ្លួនប្រាណ អន្ទះអន្ទែង ខ្សោយ និងថប់បារម្ភ។ បន្ថែមពីនេះ អ្នកជំងឺក៏អាចពិបាកក្នុងការនិយាយស្ដី ភ័ន្តភាំង វិលមុខ ឬធេងធោង ចង្អោរ និងឃ្លានជាដើម។
[embed-health-tool-bmi]
គន្លឹះក្នុងបញ្ចៀសការបាត់បង់ស្មារតីដោយសារជំងឺទឹកនោមផ្អែម
យើងអាចការពារខ្លួនពីការបាត់បង់ស្មារតីដោយសារជំងឺទឹកនោមផ្អែម ដោយការអនុវត្តតិចនិកមួយចំនួន ដើម្បីរក្សាជាតិស្ករក្នុងឈាមឲ្យស្ថិតក្នុងកម្រិតមួយសមស្រប រួមមាន៖
- ស្វែងយល់ពីអាហារដែលប៉ះពាល់ដល់ជាតិស្ករក្នុងឈាម និងផែនការរបស់អាហារដែលសមស្របសម្រាប់យើង
- ញ៉ាំអាហារទៀងទាត់
- ជៀសវាងញ៉ាំគ្រឿងស្រវឹងច្រើនជ្រុល
- ត្រួតពិនិត្យ និងកត់ត្រាកម្រិតជាតិស្ករក្នុងឈាមឲ្យបានទៀងទាត់
- ញ៉ាំថ្នាំទៅតាមកម្រិត និងពេលវេលាកំណត់
- គ្រប់គ្រងស្រ្តេសឲ្យបានល្អ
- ពិនិត្យទឹកនោមរកមើលសារធាតុketones នៅពេលដែលកម្រិតជាតិស្ករក្នុងឈាមកើនឡើង។
អត្ថបទគួរអាន៖
- តិចនិកញ៉ាំបាយស កាត់បន្ថយហានិភ័យកើតជំងឺទឹកនោម
- ហេតុអ្វីអ្នកមានជំងឺទឹកនោមផ្អែមមិនគួររំលងម៉ោងពេលញុំាអាហារ?
- អ្នកកើតជំងឺបម្រុងទឹកនោមផ្អែម គប្បីអនុវត្តទម្លាប់ទាំងនេះ
- អ្នកមានជំងឺទឹកនោមផ្អែម ធ្វើសកម្មភាពទាំងនេះជាប្រចាំជួយដល់សុខភាព
- កើតទឹកនោមផ្អែម ត្រូវធ្វើតាម ៣ ចំណុចសំខាន់នេះ ទើបការព្យាបាលបានជោគជ័យ
- អ្នកជំងឺទឹកនោមផ្អែមគួរដឹងរឿងនេះ ពេលញ៉ាំផ្លែឈើ
