ជំងឺមហារីកមានប្រមាណជា ៩,៥លានករណីនៅទ្វីបអាស៊ី ក្នុងឆ្នាំ២០២០ នេះបើយោងតាមរបាយការណ៍របស់អង្គការសុខភាពពិភពលោក។ ក្នុងចំនួននេះ ជាង ៥លានករណី ជាជំងឺមហារីកសុដន់ មហារីកមាត់ស្បូន មហារីកពោះវៀនធំ និងមហារីកមាត់ធ្មេញ ដែលត្រូវបានរកឃើញទាន់ពេលវេលា តាមរយៈការថតរកជំងឺមហារីក។
៣ ចំណុចសំខាន់ ទាក់ទងនឹងការរកឃើញជំងឺមហារីកទាន់ពេល
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពិតណាស់ ទោះជាជំងឺមហារីកជាជំងឺដ៏កាចសាហាវយ៉ាងណាក្ដី យើងនៅតែអាចសង្គ្រោះជីវិតបាន ប្រសិនបើយើងធ្វើរោគវិនិច្ឆ័យនៅដំណាក់កាលដំបូង។ កត្តានេះអាចផ្ដល់ឱកាសរស់រានលើសពី ៥ឆ្នាំ បើប្រៀបធៀបនឹងអ្នកដែលធ្វើរោគវិនិច្ឆ័យនៅដំណាក់កាលចុងក្រោយ។
ការរកឃើញជំងឺមហារីកនៅដំណាក់កាលដំបូង
តាមរយៈការពីនិត្យរកជំងឺមហារីក យើងអាចបង្ការជំងឺមហារីកដោយការធ្វើរោគវិនិច្ឆ័យទាន់ពេលវេលា។ ក្រុមគ្រូពេទ្យអាចរកឃើញកោសិកាមិនប្រក្រតីក្នុងរាងកាយ ដែលមិនបង្ហាញរោគសញ្ញានៃជំងឺមហារីក។ ស្របពេលជាមួយគ្នា យើងក៏អាចរកឃើញកោសិកាមហារីកមុនពេលដែលវារាលដាលខ្លាំង ក៏ដូចជាពិបាកក្នុងការព្យាបាល។
ទោះបីជាយើងមិនមានអារម្មណ៍ខុសប្រក្រតីនៅក្នុងខ្លួនក៏ពិតមែន ការពិនិត្យសុខភាពជាប្រចាំមានសារសំខាន់ណាស់ ពីព្រោះអាចឲ្យយើងរកឃើញជំងឺមហារីកទាន់ពេលវេលា ជាពិសេសនៅពេលដែលយើងប្រឈមនឹងកត្តាហានិភ័យដូចជា៖
អត្ថប្រយោជន៍នៃការរកឃើញជំងឺមហារីកនៅដំណាក់កាលដំបូងៗ
កាត់បន្ថយថ្លៃព្យាបាល
ការធ្វើរោគវិនិច្ឆ័យជំងឺមហារីកទាន់ពេលវេលា អាចកាត់បន្ថយថ្លៃព្យាបាលបានយ៉ាងច្រើន នេះបើយោងតាមប្រភពពីអង្គការសុខភាពពិភពលោក។ កត្តានេះជួយឲ្យការព្យាបាលមានប្រសិទ្ធភាពកាន់តែខ្ពស់ មិនសូវស្មុគស្មាញច្រើន និងចំណាយថវិកាតិចទៀតផង។
បង្កើនឱកាសរស់
ការរកឃើញជំងឺមហារីកបានឆាប់រហ័ស អាចជួយឲ្យការព្យាបាលទទួលបានការជោគជ័យខ្ពស់។ ផ្ទុយទៅវិញ ការព្យាបាលយឺតយ៉ាវ អាចធ្វើឲ្យឱកាសរស់របស់អ្នកជំងឺកាន់តែទាបទៅដែរ។
បង្កើនគុណភាពជីវិត
ទន្ទឹមនឹងនេះដែរ យើងអាចទទួលបានការព្យាបាលជាមួយនឹងជំនឿចិត្តខ្ពស់ ព្រមទាំងមិនសូវមានភាពតានតឹងច្រើន ដែលធ្វើឲ្យគុណភាពនៅក្នុងការរស់នៅកាន់តែប្រសើរ បើធៀបនឹងអ្នកដែលធ្វើរោគវិនិច្ឆ័យយឺតយ៉ាវ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម