ការពិសោធន៍ផ្នែកវេជ្ជសាស្ដ្រទ្រង់ទ្រាយតូចមួយរបស់អាមេរិកលើវិធីព្យាបាលជំងឺមហារីក បានបង្ហាញលទ្ធផលថាអាចព្យាបាលជំងឺនេះបានជាសះស្បើយ លើអ្នកជំងឺមហារីកពោះវៀនចំនួន១៨នាក់ ដោយប្រើរយៈពេល៦ខែ។ ការពិសោធន៍នេះធ្វើឡើងនៅមជ្ឈមណ្ឌលមហារីក Memorial Sloan Kettering ក្នុងតំបន់ Manhattan ទីក្រុងញូវយ៉ក បានសម្រេចលទ្ធផលត្រួតពិនិត្យចុងក្រោយកាលពីថ្ងៃទី ៥ ខែមិថុនា ឆ្នាំ២០២២។ ថ្វីដ្បិតតែនេះជាលទ្ធផលនៃការពិសោធន៍ទ្រង់ទ្រាយតូចមែន ប៉ុន្ដែគឺជាក្ដីសង្ឃឹមយ៉ាងធំសម្រាប់មនុស្សទូទាំងពិភពលោកដែលរស់នៅជាមួយនឹងជំងឺមហារីក។