គ្នាយើងទោះមិនធ្លាប់ធ្វើ ក៏បានដឹងបានឮខ្លះៗដែរពីរឿងចាស់ៗពីដើមមានទម្លាប់ពិសេសមួយគឺត្រាំជើងនឹងទឹកក្តៅឧណ្ហៗ ឬទឹកត្រជាក់មុនចូលគេង ព្រោះពួកគាត់ជឿថា អាចធ្វើឲ្យគេងលក់ស្រួល និងសុខភាពល្អ។ តើរឿងនេះជាការពិតដែរអត់? បើចង់ដឹង អត្ថបទខាងក្រោមនេះអាចបញ្ជាក់បាន។
ហេតុអ្វីត្រូវត្រាំបាតជើងនឹងទឹកក្តៅឧណ្ហៗមុនចូលគេង?
ក្រោយចំណាយពេលពេញមួយថ្ងៃជាមួយការងារនៅការិយាល័យ ឬនៅផ្ទះក៏ដោយ យើងច្បាស់ជាមានអារម្មណ៍ថាអស់កម្លាំងណាស់ រាងកាយរបស់យើងនឹងរងសម្ពាធខ្លាំង គ្រប់ផ្នែកក៏នឹងប៉ះពាល់ដូចគ្នា ពីខួរក្បាលដល់ចុងជើង ដោយសារតែការបញ្ចេញសកម្មភាពពេញមួយថ្ងៃនេះឯង។
គ្នាយើងដឹងឬអត់ ក្រោយរាងកាយបញ្ចេញថាមពលច្រើនពេញមួយថ្ងៃ យើងធ្វើម៉េចទើបអាចប្រមូលថាមពលទាំងនោះត្រឡប់មកវិញបានសម្រាប់បំពេញកិច្ចការនៅថ្ងៃបន្ទាប់? ពិតណាស់ ក្រៅពីអាហារមានជីវជាតិគ្រប់គ្រាន់ គឺមានតែការគេងស្កប់ស្កល់ប៉ុណ្ណោះ ទើបអាចជួយរាងកាយកសាងថាមពលឡើងវិញបាន។
ក្រៅពីពន្លឺដ៏ស្រទន់ក្នុងបន្ទប់គេង ខ្នើយកក់ក្តៅ ក្លិនក្រអូបសាយភាយពេញបន្ទប់ និងកត្តាជាច្រើនទៀត អាចជួយឲ្យយើងគេងលក់ស្រួលនោះ ការលាងសម្អាតជើងមុនចូលគេង ក៏មានតួនាទីសំខាន់សម្រាប់ជំនួយដល់ការគេងរបស់យើងដូចគ្នា ដោយអាចជួយដល់សុខភាពជាច្រើនដូចជា៖
១- បំបាត់ការឈឺចាប់នៅសន្លាក់ និងសាច់ដុំ
ត្រូវចាំថា ជើងយើងទ្ររាងកាយទាំងមូល ហើយបើឧស្សាហ៍មានអារម្មណ៍ស្ពឹករួយជុំវិញបាតជើង បញ្ហានេះមិនមែនកើតឡើងដោយសារតែយើងពាក់ស្បែកជើងចង្អៀតនោះទេ ឬបញ្ចេញសកម្មភាពធ្ងន់ពេកនោះដែរ ហេតុផលគឺអាចមកពីសម្ពាធនៅត្រង់កជើងយើងតែម្តង។
បើគ្នាយើងយកចិត្តទុកដាក់ខ្លាំងជាមួយនឹងសក់ ស្បែក ឬផ្នែកផ្សេងទៀតនៃរាងកាយ ក៏គួរតែយកចិត្តទុកដាក់លើសុខភាពប្រអប់ជើងយើងដូចគ្នា ព្រោះថាគ្រប់ផ្នែកនៅលើរាងកាយយើងមិនអាចកាត់ផ្តាច់ចេញពីគ្នាបានឡើង។ ចាប់ផ្តើមទម្លាប់លាងសម្អាតជើងនៅពេលយប់ ពិសេសជាមួយទឹកក្តៅឧណ្ហៗ នឹងជួយឲ្យយើងមានអារម្មណ៍ធូរស្រាលខ្លាំងពីការឈឺចាប់នៅត្រង់សន្លាក់ និងសាច់ដុំ។
អត្ថបទពាក់ព័ន្ធ៖
- ស្វែងយល់ពីកំពូលគុណប្រយោជន៍ពីវីតាមីន B Complex
- បើមានរោគសញ្ញាទាំង១០នេះ បង្ហាញថារាងកាយខ្វះជាតិកាល់ស្យូមហើយ
- ចង់ទទួលបានវីតាមីន D សម្រាប់រាងកាយគ្រប់គ្រាន់ អនុវត្តវិធីទាំងពីរនេះ
២- រក្សាកម្តៅរាងកាយបានល្អ
បាតជើងយើងគឺមានទំនាក់ទំនងជាមួយកម្តៅរាងកាយ នៅពេលយើងពាក់ស្បែកជើងពេញមួយថ្ងៃ ហើយដោះស្បែកជើងចេញ យើងនឹងមានអារម្មណ៍ធូរស្រាលខ្លាំងនៅត្រង់បាតជើង មិនអ៊ីចឹង?។ នេះក៏ព្រោះតែបាតជើង នឹងបញ្ចេញកម្តៅមកក្រៅវិញភ្លាម ហេតុនេះការលាងជើងឲ្យបានស្អាតមុនពេលចូលគេង នឹងធ្វើឲ្យជើងយើងត្រជាក់ស្រួល នាំឲ្យការគេងកាន់តែស្កប់ស្កល់។
៣- ជួយឲ្យលំហូរថាមពលក្នុងរាងកាយរត់បានត្រឹមត្រូវ
ប្រអប់ជើង បាតជើង អាចជួយរក្សាថាមពលរាងកាយបានល្អ ខណៈលំហូរខ្យល់ក៏កាន់តែស្រួលនៅពេលយើងដោះស្បែកជើងគេងលើគ្រែ ខុសគ្នាពីពេលថ្ងៃ ដែលយើងប្រើជើងជាន់ផ្ទាល់ទៅលើដី ស្ទើរតែធ្វើឲ្យលំហូរខ្យល់មិនអាចរត់បានល្អ។
នៅពេលដែលបាតជើងយើងរងសម្ពាធផ្ទាល់នឹងដីពេញមួយថ្ងៃ គួរតែទុកឲ្យប្រអប់ជើង និងខួរក្បាលទទួលបានសេចក្តីសុខខ្លះផង តាមរយៈការលាងជើងមុនចូលគេង ព្រោះអាចជួយឲ្យយើងគេងស្កប់ស្កល់។
អត្ថបទពាក់ព័ន្ធ៖
- តិចអត់ដឹង! ហាត់យ៉ូហ្ការាល់ថ្ងៃ ជួយខួរក្បាលចងចាំ គិតរហ័ស ហើយបាត់ស្រ្តេស
- លម្អិតពីរឿងទាស់ដំណេក ក្រោយសម្រាលកូន
- លេបថ្នាំងងុយគេងជួយបញ្ហាដំណេកបាន តែមានផលរំខានច្រើន
៤- កម្ចាត់ក្លិនមិនល្អ
នេះជាចំណុចសំខាន់មួយគ្នាយើងត្រូវពិចារណា ពាក់ស្បែកជើងពេញមួយថ្ងៃ នឹងធ្វើឲ្យបែកញើស មានក្លិចមិនល្អ។ ហេតុនេះ ពេលវេលាល្អបំផុតសម្រាប់យើងដោះស្រាយបញ្ហានេះ គឺជាពេលយប់មុនចូលគេងនេះឯង។ ជំនួសការប្រើស្ព្រាយ ឬឡេលាបឲ្យមានក្លិនក្រអូប គ្នាយើងអាចសាកល្បងត្រាំជើងរៀងរាល់យប់ មិនត្រឹមតែត្រូវលំហូរខ្យល់រត់បានល្អទេ ក៏ជួយសុខភាពជើងកាន់តែប្រសើរ ទោះជាពាក់ស្បែកជើងពេញមួយថ្ងៃ ក៏មិនមានក្លិនស្អុយដែរ។
អត្ថបទពាក់ព័ន្ធ៖
- គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
- វីតាមីន និងរ៉ែសំខាន់ៗទាំងនេះ ជួយដោះស្រាយបញ្ហាដំណេក
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
