ពេលពពោះស្រីៗគ្នាយើងមួយចំនួនជួបរឿងខកបំណង មានកូនក្រៅស្បូន។ តើបញ្ហានេះមកអ្វី? យើងអាចបង្ការបញ្ហានេះបានមុនទេ?

១- អ្វីទៅជាកូនក្រៅស្បូន?

កូនក្រៅស្បូន គឺជាការតាំងទី និងការលូតលាស់របស់គភ៌នៅកន្លែងផ្សេងក្រៅពីស្បូន ដូចជា នៅដៃស្បូន កន្សោមកូន ប្រហោងពោះ មាត់ស្បូន តំណរវាងតួស្បូន និងដៃស្បូន។ នេះបើតាមការពន្យល់របស់លោកវេជ្ជបណ្ឌិត ចាន់ ស៊ីណេត អ្នកឯកទេសជំងឺទូទៅ។

២- កូនក្រៅស្បូនមកពីអ្វី?

មានកត្តាច្រើនយ៉ាងដែលធ្វើឲ្យស្រីៗក្នុងវ័យបន្តពូជឈានទៅមានកូនក្រៅស្បូន។

– មានជំងឺរលាកអាងត្រគាក

– មានប្រវត្តិកូនក្រៅស្បូន

– ធ្លាប់វះកាត់ដៃស្បូនពីមុន

– ប្រើថ្នាំជំនួយឲ្យមានកូន

– ការចាក់បញ្ចូលមេជីវិត

– ប្រើថ្នាំពន្យារកំណើត

– មានផ្ទៃពោះនៅអាយុច្រើន

– ជក់បារី

– ដៃស្បូនបង្កើតជាគន្លឹកគន្លាក់ដោយខ្លួនឯង។

៣- រោគសញ្ញា

មានរោគសញ្ញាមួយចំនួនដែលស្រីៗយើងអាចសម្គាល់បាននៅពេលពពោះខែដំបូងៗ ដែលរោគសញ្ញាទាំងនោះមានដូចជា៖

– បាត់រដូវ

– ស្លេកស្លាំង

– ចុកពោះខ្លាំង

– ធ្លាក់ឈាម

– ឈឺអាងត្រគាក

– រឹងសរសៃពោះ។

៤- មានកូនក្រៅស្បូនធ្វើម៉េច?

ស្រីៗដែលមានកូនក្រៅស្បូនគ្មានជម្រើស ក្រៅពីការវះកាត់យកចេញនោះទេ ព្រោះគភ៌មិនអាចលូតលាស់នៅក្រៅស្បូន។ មិនត្រូវប្រហែសឡើយ កូនក្រៅស្បូនអាចឲ្យម៉ាក់ៗហូរឈាមក្នុងពោះ ឈានដល់គ្រោះថ្នាក់ជីវិត ប្រសិនបើមកជួបគ្រូពេទ្យមិនទាន់ពេល។

ដូច្នេះហើយស្រីៗយើង ត្រូវតែទៅពេទ្យពិនិត្យផ្ទៃពោះ និងមើលអេកូពេលដឹងថាមានកូនភ្លាម ដើម្បីដឹងថាកូនយើងនៅក្នុង ឬក្រៅស្បូន។

៥- វិធីបង្ការកូនក្រៅស្បូន

កូនក្រៅស្បូនជារឿងធ្ងន់ធ្ងរ តែស្រីៗយើងក៏អាចបង្ការបានមុនដែរ ដូចជា៖

– មិនឲ្យមានឆ្លងរោគនៅទ្វារមាស

– មិនត្រូវវះកាត់ដៃស្បូន

– កុំប្រើថ្នាំជំនួយឲ្យមានកូន

– មុននឹងប្រើថ្នាំពន្យារកំណើត ត្រូវពិគ្រោះជាមួយគ្រូពេទ្យ

– មិនត្រូវមានកូននៅអាយុច្រើនពេក

– កុំជក់បារី ឬផឹកស្រា។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

កូន​ក្រៅ​ស្បូន​​មក​ពី​បញ្ហា​ច្រើន ម៉ាក់ៗ​ប្រហែស​​តែ​បន្តិច​គ្រោះថ្នាក់​ដល់​ជីវិត

កូនក្រៅស្បូនមកពីបញ្ហាច្រើន ម៉ាក់ៗប្រហែសតែបន្តិចគ្រោះថ្នាក់ដល់ជីវិត