រីឯ ស្ត្រីកើតជំងឺទឹកនោមផ្អែមប្រភេទទី២ មានប្រើប្រាស់ថ្នាំគ្រាប់ក្នុងការព្យាបាល ហើយចង់បានកូន គឺត្រូវប្រឹក្សាជាមួយគ្រូពេទ្យ ដើម្បីផ្លាស់ប្ដូរថ្នាំគ្រាប់មួយចំនួន ព្រោះវាអាចប៉ះពាល់ដល់ទារកក្នុងករណីចាំបាច់ត្រូវផ្លាស់មកប្រើថ្នាំចាក់អាំងស៊ុយលីនវិញ។
ស្របគ្នានេះ ចំពោះម៉ាក់ៗពពោះគ្រប់រូប គួរតែតាមដានសុខភាព និងជាតិស្ករឲ្យបានដិតដល់ ដើម្បីចៀសវាងពីជំងឺទឹកនោមផ្អែមអំឡុងពេលពពោះ។ ម៉ាក់ៗពពោះអាចគ្រប់គ្រង ឬកាត់បន្ថយជាតិស្ករមាននៅក្នុងខ្លួនបានដោយការហាត់ប្រាណ ញ៉ាំអាហារល្អៗ រក្សាទម្ងន់ឲ្យនៅថេរ យកល្អ គួរតែចាប់ផ្ដើមពពោះនៅពេលដែលទម្ងន់ត្រូវស្តង់ដារ ពោលគឺទម្ងន់សុវត្ថិភាពមួយ មិនលើសទម្ងន់ ព្រោះពេលយើងពពោះ ទម្ងន់នឹងបន្តឡើងថែមទៀត ជាហេតុធ្វើឲ្យយើងងាយប្រឈមនឹងជំងឺទឹកនោមផ្អែម។