ប្រសិនបើស្ត្រីកំពុងប្រើថ្នាំពន្យារកំណើត ហើយមានគម្រោងត្រៀមយកកូន វាជាការល្អបំផុតក្នុងការរង់ចាំ ៣ខែបន្ទាប់ពីឈប់ប្រើថ្នាំ មុននឹងព្យាយាមមានផ្ទៃពោះ ដើម្បីកាត់បន្ថយហានិភ័យនៃការរលូតកូន។
ក្រៅពីនេះ ពេលព្យាយាមយកកូនស្ត្រីគួរញ៉ាំពពួកវីតាមីនបំប៉នដែលណែនាំដោយគ្រូពេទ្យ ឬឱសថការីជំនាញ និងត្រូវចាប់ផ្ដើមញ៉ាំថ្នាំអាស៊ីដហ្វូលីក ដើម្បីឲ្យគភ៌លូតលាស់បានល្អ។ គ្នាយើងដែលត្រៀមយកកូនក៏គួរតែទៅពិនិត្យសុខភាពទូទៅឲ្យបានទៀងទាត់ពីមួយឆ្នាំទៅមួយឆ្នាំ ដើម្បីពិនិត្យមើលជំងឺដែលអាចមាន និងព្យាបាលឲ្យបានទាន់ពេលវេលា ចៀសវាងប៉ះពាល់ទៅដល់កូន។