ឈានដល់សប្ដាហ៍ទី ៤០ គ្នាយើងច្បាស់ជារំភើបកាន់តែខ្លាំង អន្ទះសារកាន់តែខ្លាំង ព្រោះដល់ពេលវេលាអូនៗ ត្រូវចេញមកក្រៅជួបមុខប៉ាម៉ាក់ហើយ។ យ៉ាងណា សម្រាប់ស្រីៗ អាចជាពេលរំភើបបំផុត ក៏ជាពេលបារម្ភបំផុតដូចជា ពិសេសគឺសុវត្ថិភាពអ្នកទាំង២តែម្តង។

បើការសម្រាលដំណើរការទៅរលូន ច្បាស់ជាគ្មានអីគួរឲ្យព្រួយបារម្ភទេ ហើយជាធម្មតា សម្រាលតាមធម្មជាតិ អាចប្រើរយៈពេលចន្លោះ ១០-២០ម៉ោង សម្រាប់គ្នាយើងទើបមានអូនៗដំបូង និង ៧ -១០ ម៉ោង ចំពោះស្រីៗសម្រាលលើកទី ២ ឡើង។

យ៉ាងណា គួរមានការប្រុសប្រយ័ត្នខ្ពស់ ព្រោះបើប្រទះករណីម៉ាក់ៗ ឈឺពោះយូរខុសពីធម្មតា ស្របពេលស្បូន បើកយឺតៗ តិចជាងមួយសង់ទីម៉ែត្រក្នុងម៉ោង នោះត្រូវអាចចាត់ទុកជាករណីសម្រាលកូនមិនធម្មតាហើយ។

ម៉ាក់អាចគណនាថ្ងៃសម្រាលបាន ចុចទីនេះ

១- មូលហេតុនាំឲ្យសម្រាលកូនយឺតយ៉ាវ ឬពិបាកសម្រាល

– បេប៊ីថ្លោសខ្លាំង

– បេប៊ីស្ថិតក្នុងស្ថានភាពពិបាកកើត

– ការកន្ត្រាក់ស្បូនមានសភាពខ្សោយខ្លាំង។

២- ហានិភ័យអាចកើតមាននៅពេលសម្រាលមិនចេញ

– ខ្វះអុកស៊ីហ្សែនសម្រាប់ទ្រទ្រង់ទារក

– ចង្វាក់បេះដូងទារកមិនប្រក្រតី

– ទឹកភ្លោះមានបញ្ហា

– អាចកើតមានជំងឺរលាក ឬដំបៅស្បូន។

ឈឺពោះយូរនៅសម្រាលមិនចេញ Hello គ្រូពេទ្យ

អត្ថបទពាក់ព័ន្ធ៖

៣- ត្រូវធ្វើបែបណាបើប្រទះករណីនេះ?

បើស្រីៗគ្នាយើងជួបបញ្ហាបែបនេះ គ្រូពេទ្យនឹងធ្វើការពិនិត្យយ៉ាងដិតដល់ លើចលនាកន្ត្រាក់ស្បូន។ យើងត្រូវឆ្លងកាត់ ការធ្វើតេស្តវាស់មើលកម្រិតកន្ត្រាក់ស្បូន តាមរយៈឧបករណ៍សុងទឹកនោម។ លើសពីនេះ ការត្រួតពិនិត្យដោយប្រើឧបករណ៍អេឡិចត្រូនិកផ្សេងៗ នឹងត្រូវធ្វើឡើងទៅតាមករណីចាំបាច់ ដូចជាពិនិត្យលើចង្វាក់បេះដូងទារកជាដើម។

ក្រៅពីជំនួយផ្នែកវេជ្ជសាស្ត្រ មានវិធីសាមញ្ញមួយចំនួន ដូចជាព្យាយាមសម្រាក ដោយទុកឲ្យស្បូនតួនាទីរបស់វាដោយខ្លួនឯង គេង ឬដើរចុះឡើង ពិសេសចន្លោះពេលស្បូនកន្ត្រាក់ម្ដងៗ និងងូតទឹកក្ដៅឧណ្ហៗ។

បើអូនៗរុលក្បាលចុះក្រោមហើយ គ្រូពេទ្យអាចជួយទាញចេញដោយប្រើដង្កៀប ឬបូមចេញដោយឧបករណ៍ពេទ្យ។ ក្នុងករណីការកន្ត្រាក់ស្បូននៅខ្សោយ គ្រូពេទ្យប្រើប្រាស់ថ្នាំជំនួយការកន្ត្រាក់ស្បូនកាន់តែលឿន តែបើការកន្ត្រាក់មិនមានបញ្ហា ហើយអូនៗនៅតែមិនអាចចេញមកក្រៅបាន ការវះកាត់នឹងត្រូវធ្វើឡើង។

ការវះកាត់ គឺជាជម្រើសដ៏ល្អមួយដើម្បីបញ្ចៀសភាពស្មុគស្មាញអាចកើតមានបន្ត។ យ៉ាងណាមិញ ការសម្រាលកូនដោយការវះកាត់ អាចប្រឈមមុខនឹងគ្រោះថ្នាក់ និងផលវិបាកផ្សេង ដូចនេះបើអូនៗ និងម៉ាក់ៗមានសុខភាពល្អ មិនចាំបាច់វះកាត់ទេ។

ម៉ាក់ឈឺពោះយូរសម្រាល​មិនចេញ គួរ​ឲ្យ​បារម្ភ​ខ្លាំង​អត់?

១- មូលហេតុ​នាំ​ឲ្យ​សម្រាល​កូន​យឺតយ៉ាវ ឬ​ពិបាក​សម្រាល

២- ហានិភ័យ​អាច​កើត​មាន​នៅ​ពេល​សម្រាល​មិន​ចេញ

៣- ត្រូវធ្វើ​បែប​ណា​បើ​ប្រទះ​ករណីនេះ?

ម៉ាក់ឈឺពោះយូរសម្រាលមិនចេញ គួរឲ្យបារម្ភខ្លាំងអត់?

១- មូលហេតុនាំឲ្យសម្រាលកូនយឺតយ៉ាវ ឬពិបាកសម្រាល

២- ហានិភ័យអាចកើតមាននៅពេលសម្រាលមិនចេញ

៣- ត្រូវធ្វើបែបណាបើប្រទះករណីនេះ?