តែជាភេសជ្ជៈមួយប្រភេទដែលពេញនិយមខ្លាំងនៅទូទាំងពិភពលោក ហើយថែមទាំងផ្តល់អត្ថប្រយោជន៍ជាច្រើនដល់រាងកាយថែមទៀតផង។ អត្ថប្រយោជន៍ល្អៗនៃការញ៉ាំតែ មានដូចជា ជួយការពាររាងកាយពីការបំផ្លាញដោយពពួករ៉ាឌីកាល់សេរី ជួយឲ្យយើងផ្ចង់អារម្មណ៍បានល្អ និងមានភាពស្វាហាប់។

យ៉ាងណាមិញ ប្រសិនបើយើងញ៉ាំតែច្រើនជ្រុលលើសពី៣ ទៅ៤ពែង ឬចាប់ពី៧១០ ទៅ៩៦០មីល្លីលីត្រក្នុងមួយថ្ងៃ នោះនឹងអាចបង្កផលប៉ះពាល់អវិជ្ជមានដល់ខ្លួនយើងវិញជាមិនខាន។

ញ៉ាំតែច្រើនជ្រុលផ្តល់ផលប៉ះពាល់អ្វីខ្លះ?

១. រំខានដំណេក

តែផ្ទុកទៅដោយជាតិកាហ្វេអ៊ីន អីចឹងហើយ ទើបភេសជ្ជៈមួយប្រភេទនេះ អាចប៉ះពាល់ដល់ដំណេក និងធ្វើឲ្យយើងបញ្ចេញអ័រម៉ូនស្រ្តេសទៅក្នុងរាងកាយ ប្រសិនបើយើងញ៉ាំលើសកម្រិត។

ចង់គណនារង្វាស់ចង្វាក់បេះដូង ចុចទីនេះ !

ចងពិនិត្យជំងឺសរសៃឈាមបេះដូង ចុចទីនេះ !

២. ចាល់អាស៊ីដ

គ្នាយើងខ្លះប្រឈមនឹងអាការៈមួយចំនួន ដូចជាចង្អោរ ឬចាល់អាស៊ីដ នៅពេលដែលញ៉ាំតែច្រើនជ្រុល។ កត្តានេះ ដោយសារតែមានផ្ទុកសារធាតុ tannins ដែលរំខានដល់ប្រព័ន្ធរំលាយអាហារ។

៣. កង្វះជាតិទឹក

ទន្ទឹមនឹងនេះដែរ ប្រសិនបើយើងញ៉ាំតែច្រើនជ្រុល នោះអាចបណ្តាលឲ្យយើងជួបបញ្ហាកង្វះជាតិទឹកក្នុងរាងកាយ ជាពិសេសនៅរដូវក្តៅតែម្តង។

៤. រំខានដល់ការស្រូបយកជាតិដែក

បន្ថែមពីនេះ សារធាតុtanninsនៅក្នុងទឹកតែ អាចរារាំងដល់ការស្រូបយកជាតិដែកទៅក្នុងរាងកាយ។ ដូច្នេះហើយ ក្នុងករណីដែលយើងញ៉ាំតែច្រើនជ្រុល នឹងអាចបណ្តាលឲ្យកើតជំងឺស្លេកស្លាំងដោយសារកង្វះជាតិដែក។

អត្ថបទពាក់ព័ន្ធ៖

៥. មានបញ្ហាមាត់ធ្មេញ

ជាមួយគ្នានេះដែរ ចំពោះទឹកតែ ជាពិសេសតែខ្មៅ អាចបន្សល់ស្នាមប្រឡាក់នៅជាប់ធ្មេញ។ ជាងនេះទៅទៀត ការញ៉ាំតែក្នុងកម្រិតខ្ពស់ក៏អាចនាំឲ្យមានកំណកកំបោរ និងពុកធ្មេញ ផងដែរ។ ដូច្នេះហើយ យើងចាំបាច់ត្រូវកាត់បន្ថយការញ៉ាំតែទើបជាការប្រសើរ។

ចំណុចសំខាន់

ប្រសិនបើយើងញ៉ាំតែច្រើនជ្រុលលើសពី៣ ទៅ៤ពែង ឬចាប់ពី៧១០ ទៅ៩៦០មីល្លីលីត្រក្នុងមួយថ្ងៃ នោះនឹងអាចបង្កផលប៉ះពាល់អវិជ្ជមានដល់ខ្លួនយើងវិញ ដូចជា៖

រំខានដំណេក
ចាល់អាស៊ីដ
កង្វះជាតិទឹក
រំខានដល់ការស្រូបយកជាតិដែក
មានបញ្ហាមាត់ធ្មេញ

ប្រយ័ត្ន! អ្នកញ៉ាំទឹកតែច្រើនជ្រុល អាចប្រឈមនឹងផលប៉ះពាល់ទាំង ៥ នេះ

ញ៉ាំ​តែ​ច្រើន​ជ្រុល​ផ្តល់​ផល​ប៉ះពាល់​អ្វី​ខ្លះ?

១. រំខាន​ដំណេក

២. ចាល់​អាស៊ីដ

៣. កង្វះ​ជាតិ​ទឹក

៤. រំខាន​ដល់​ការ​ស្រូប​យក​ជាតិ​ដែក

៥. មាន​បញ្ហា​មាត់​ធ្មេញ