backup og meta

ឧស្សាហ៍ញ៉ាំអាហារទាំងប៉ុន្មាននេះច្រើន អាចធ្វើឲ្យចាស់ជាងអាយុបាន

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ Jun 03, 2020

    ឧស្សាហ៍ញ៉ាំអាហារទាំងប៉ុន្មាននេះច្រើន អាចធ្វើឲ្យចាស់ជាងអាយុបាន

    ការ​មាន​មុខ​មាត់​មើល​ទៅ​ស្រស់​ស្អាត ក្មេង​ជាង​វ័យ​គឺ​សំខាន់​ណាស់​សម្រាប់​មនុស្ស​ម្នាក់ៗ ហើយ​ការ​មានសម្រស់​ក្មេង​ជាង​វ័យ​ទាមទារ​ឲ្យ​មាន​ការ​ថែទាំ​សុខភាព​បានល្អ។ ​ប្រសិនបើ​យើងសង្កេត​ឃើញ​ថា មុខ​ចាប់​ផ្តើម​មើល​ទៅ​ចាស់​ជាង​វ័យ​​ វា​អាច​បណ្តាល​មក​ពី​ការ​ញ៉ាំ​អាហារ​ប្រភេទ​អស់​នេះ​ច្រើន​ពេក។

    ១. អាហារជាតិផ្អែម

    នៅ​ពេល​ដែល​ញ៉ាំ​ជាតិ​ស្ករ​ច្រើន​ជាង​កោសិកា​ដែល​មាន​នៅ​ក្នុង​ខ្លួន វា​អាច​ប៉ះពាល់​ដល់​ការ​ផលិត ​Collagen របស់​ស្បែក ជាហេតុ​ដែល​បណ្តាល​ឲ្យ​ស្បែក​មើល​ទៅ​មិន​តឹង​ណែន​ល្អ។ មិន​តែ​ប៉ុណ្ណោះ ជាតិ​ស្ករ​អាច​បណ្តាល​ឲ្យ​ពុកធ្មេញ និង​ធ្មេញ​ប្រែពណ៌​បាន ហើយក៏អាចបណ្តាលឲ្យកើតជំងឺធ្ងន់ធ្ងរដូចជា៖

    – ជំងឺទឹកនោមផ្អែម

    – បង្កើនហានិភ័យជំងឺបេះដូង

    – ធ្វើឲ្យលើសទម្ងន់។​

    ២. ភេសជ្ជៈ​មាន​ជាតិ​អាល់កុល

    បើ​និយាយ​ពី​ការ​ផឹក​ស្រា ទាំង​ការ​ផឹក​ស្រា ឬ​ស្រាបៀរ ភាគ​ច្រើន​មិន​ដែល​ផ្តល់​ផល​ល្អ​ច្រើន​ដល់​សុខភាព​ប៉ុន្មាន​ទេ។ លោក​វេជ្ជបណ្ឌិត ចាន់ ស៊ីណេត ឯកទេសជំងឺទូទៅ បាន​ឲ្យ​ដឹង​ថា ជាតិ​អាល់កុល​មាន​ផល​ប៉ះពាល់​ច្រើន​ទៅ​លើ​ការ​ដំណើរ​ការ​របស់​សរីរាង្គ​សំខាន់ៗ​មួយ​ចំនួន​ដូចជា ថ្លើម ក្រពះ ខួរក្បាល។ល។ មិន​តែ​ប៉ុណ្ណោះ វាអាច​ធ្វើ​ឲ្យ​យើង​មើល​ទៅ​ចាស់​ច្រើន​ជាង​អាយុ បើ​យើង​ផឹក​ភេសជ្ជៈ​មាន​ជាតិ​អាល់កុល​ជា​ប្រចាំ ឬ​លើស​កម្រិត។

    អត្ថបទពាក់ព័ន្ធ៖

    ៣.ភេសជ្ជៈមាន​ជាតិ​កាហ្វេអ៊ីន

    ជាតិ​កាហ្វេអ៊ីន​ជា​សារធាតុ​បញ្ចុះ​នោម​ដែល​អាច​ធ្វើ​ឲ្យ​រាងកាយ​បញ្ចេញ​ជាតិ​ទឹក​ច្រើន និង​ខ្វះ​សំណើម​ក្នុង​រាងកាយ ជា​ហេតុ​អាច​​ធ្វើ​ឲ្យ​ស្បែក​ស្ងួត និង​ស្តើង​បាន។ លើសពីនេះ វាអាច​ធ្វើឲ្យធ្មេញប្រែពណ៌ មើលទៅគ្មានភាពទាក់ទាញនៅពេល​ញញឹមចេញធ្មេញ។

    ៤. អាហារ​ជាតិ​ប្រៃ​ខ្ពស់

    ការ​ញ៉ាំ​អាហារ​ដែល​មាន​អំបិល​ច្រើន​អាច​ធ្វើ​ឲ្យ​រាង​កាយ​ខ្សោះ​ជាតិ​ទឹក ហើយ​អាច​បណ្តាល​ឲ្យ​ស្បែក​មើល​ទៅ​ស្ងួត គ្មាន​សំណើម ហើយ​អាច​បណ្តាល​ឲ្យ​មើល​ទៅ​ចាស់​ទៀត​ផង។ បើ​តាម​ការ​ឲ្យ​ដឹង​ពី អង្គការសុខភាពពិភពលោក​ (WHO) ការញ៉ាំអំបិល ឬជាតិប្រៃច្រើនអាចប្រឈម​ជំងឺលើសឈាម បង្កើនហានិភ័យនៃជំងឺបេះដូង និងជំងឺគ្រោះថ្នាក់សរសៃឈាមខួរក្បាល។

    ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នាង សុខុមដាលីញ៉ា · កែ Jun 03, 2020

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម