បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ខែក្តៅរក្សាជាតិទឹកក្នុងខ្លួនគ្រប់គ្រាន់ជារឿងល្អ តែបើលើសអាចគ្រោះថ្នាក់ទៅវិញ

ខែក្តៅបែបនេះ “Hello គ្រូពេទ្យ’ ធ្លាប់ប្រាប់ជារឿយៗហើយ អ្វីសំខាន់បំផុត ត្រូវរក្សាជាតិទឹកក្នុងខ្លួនឲ្យបានគ្រប់គ្រាន់ ដោយជាទូទៅពេទ្យណែនាំគ្នាយើងផឹកទឹកតិចបំផុត ២ លីត្រ/ថ្ងៃ។ ប៉ុន្តែត្រូវចាំថា នៅពេលខ្វះជាតិទឹកអាចបង្កបញ្ហាសុខភាព តែការលើសជាតិទឹកក៏អាចធ្វើឲ្យយើងប្រឈមបញ្ហាសុខភាពដូចគ្នា ខណៈបញ្ហាសុខភាពខាងក្រោម តែងកើតមានពេលយើងផឹកទឹកលើសកម្រិត។

អត្ថបទពាក់ព័ន្ធ៖ ផឹកទឹកគ្រប់គ្រាន់សំខាន់ចំពោះសុខភាព ចុះធ្វើម៉េចដឹងថាគ្រាប់គ្រាន់?

១- ជំងឺខ្វះជាតិសូដ្យូម (Hyponatremia)

ជំងឺ Hyponatremia គឺសំដៅទៅលើកម្រិតជាតិសូដ្យូមក្នុងខ្លួនយើងធ្លាក់ចុះទាបជាង ១៣៥mEq/លីត្រឈាម ដែលតែងកើតឡើងដោយសារលើសជាតិទឹកក្នុងខ្លួន។ ជាតិសូដ្បូមគឺជាអំបិលដ៏សំខាន់មួយ ជួយដល់ការផ្តល់សញ្ញារបស់កោសិកា និងមុខងារជាច្រើនផ្សេងទៀតក្នុងរាងកាយ។ ដូចេ្នះ ពេលកម្រិតសូដ្បូមធ្លាក់ចុះខ្លាំង យើងនឹងមានអារម្មណ៍ វិលមុខ វង្វេងវង្វាន់ អស់កម្លាំង និងឈឺក្បាល ហើយករណីធ្ងន់ធ្ងរ អាចធ្វើឲ្យស្លាប់ទៀតផង។

២- ធ្វើឲ្យកោសិកាឡើងហើម

នៅពេលកម្រិតជាតិសូដ្បូមក្នុងរាងកាយធ្លាក់ចុះទាប សារធាតុទឹក នឹងអាចជ្រាបទៅក្នុងកោសិកា តាមរយៈភ្នាសកោសិកា ជាលទ្ធផលនាំឲ្យកោសិកាទាំងនោះឡើងហើម។ ករណីឡើងហើមកោសិកាក្នុងរាងកាយ ក៏រាប់បញ្ចូលទាំងខួរក្បាលផងដែរ ហើយនឹងបង្កឲ្យមានការខូចខាតជាលិកាសាច់ដុំ សរីរាង្គ និងខួរក្បាលតែម្តង។

៣- បង្ករាករូស

បញ្ហាលើសជាតិទឹក អាចជាលទ្ធផលនាំឲ្យរាករូសធ្ងន់ធ្ងរ និងបែកញើសយូរខុសធម្មតា។ បញ្ហានេះបង្កឡើងដោយស្ថានភាពសុខភាពមួយហៅថា Hypokalemia សំដៅទៅលើការខ្វះជាតិអ៊ីយ៉ុងប៉ូតាស្យូមក្នុងរាងកាយ។ តុល្យភាពរវាងអ៊ីយ៉ុងប៉ូតាស្យូម ទាំងក្នុងកោសិកា និងក្រៅកោសិកា និងមានការរំខាននៅពេលយើងផឹកទឹកលើសកម្រិត។ ជាក់ស្តែង ត្រឹមតែ ១% នៃបម្រែបម្រួលការបែងចែកអ៊ីយ៉ុងប៉ូតាស្យូមទៅលើកោសិកា នាំឲ្យមានការផ្លាស់ប្តូរកម្រិតកំហាប់ជាតិប៉ូតាស្យូមដល់ទៅ ៥០% ឯណោះ។

អត្ថបទពាក់ព័ន្ធ៖

៤- ប៉ះពាល់ខួរក្បាល

បញ្ហាខ្វះជាតិសូដ្យូម ដោយសារផឹកទឹកលើសកម្រិត អាចបង្កឲ្យហើមកោសិកាខួរក្បាល ដែលលទ្ធផល នឹងនាំឲ្យមានបញ្ហាជាច្រើនរាប់បញ្ចូលទាំងនិយាយស្តាប់គ្នាមិនបាន វង្វេងវង្វាន់ ពិបាកទប់ជំហរពេលដើរ បញ្ហាផ្លូវចិត្ត និងឈានដល់ស្លាប់ទៀតផង។

៥- នាំឲ្យបេះដូងត្រូវធ្វើការធ្ងន់ធ្ងរ

នៅពេលមានបញ្ហាលើសជាតិទឹក អាចបង្កទៅជាខ្សោយបេះដូងបាន ចំពោះគ្នាយើងកំពុងធ្វើការលាងឈាម។ ដំណើរការរបស់បេះដូង គឺមានមុខងារយ៉ាងសំខាន់ ច្របាច់ឈាមទៅកាន់សរីរាង្គទាំងអស់ក្នុងរាងកាយ ហើយនៅពេលយើងផឹកទឹកច្រើនពេក នឹងធ្វើឲ្យកម្រិតឈាមក្នុងរាងកាយកើនឡើងដូចគ្នា។ នៅពេលបរិមាណឈាមកើតឡើង នឹងបន្ថែមសម្ពាធទៅលើសរសៃឈាម និងបេះដូង ជាហេតុអាចនាំឲ្យយើងប្រឈមបញ្ហាប្រកាច់ទៀតផង។

៦- បន្ថែមសម្ពាធទៅលើតម្រងនោម

លើសជាតិទឹកក្នុងខ្លួន នឹងធ្វើឲ្យមានរបួសតម្រងនោមស្រួចស្រាវ ដោយសារតែផឹកទឹកច្រើនលើសកម្រិត នាំឲ្យធ្លាក់ចុះប្លាស្មានៃអ័រម៉ូន Arginine Vasopressin ដែលជាអ័រម៉ូនជួយទ្រទ្រង់មុខងាររបស់តម្រងនោម។ ផឹកទឹកច្រើនលើកម្រិត ក៏អាចនាំឲ្យដាក់សម្ពាធកាន់តែធ្ងន់ធ្ងរបន្ថែមទៀតលើតម្រងនោមយើង ដោយសារតម្រងនោមយើងក្នុងមួយម៉ោង អាចទទួលសារធាតុរាវពីរាងកាយប្រមាណ ១លីត្រប៉ុណ្ណោះ ហើយនៅពេលសារធាតុរាវបញ្ចេញពីរាងកាយមកតម្រងនោមកាន់តែច្រើន ដូចជាយើងកំពុងបន្ថែមការងារក្រៅម៉ោងលើតម្រងនោមដូច្នោះដែរ។

អត្ថបទពាក់ព័ន្ធ៖

៧- អាចបង្កឲ្យមានបញ្ហាថ្លើម

នេះជាចំណុចសំខាន់បំផុតត្រូវចងចាំ ដោយសារបញ្ហានេះ មិនមែនបង្កឡើងដោយសារលើសជាតិទឹកក្នុងខ្លួនតែមួយមុខនោះទេ។ ករណីកម្រ កើតឡើងនៅពេលទឹកដែលផឹកក្នុងកម្រិតច្រើន មានលាយជាតិដែកនៅក្នុងនោះ។ ការផ្ទុកជាតិដែកលើសកម្រិត មិនអាចបង្កឲ្យខូចខាតថ្លើមក៏ពិតមែន ប៉ុន្តែករណីកម្រ គឺជាមូលហេតុនាំឲ្យមានបញ្ហាពាក់ព័ន្ធនឹងថ្លើម។ គ្នាយើងដែលមានជំងឺក្រិនថ្លើម (Liver cirrhosis) នឹងងាយកកើតជាជំងឺខ្វះសូដ្យូម (Hyponatremia) ដូចគ្នា។

៨- នោមញឹក

បញ្ហានោមញឹក អាចនិយាយបានថា ១៥នាទី នោមម្តង អាចធ្វើឲ្យអារម្មណ៍យើងធុញថប់ មិនថានៅកន្លែងធ្វើការ ផ្ទះ ឬសាលារៀននោះទេ។ នៅពេលយើងផឹកទឹកលើសកម្រិត តម្រងនោមយើង នឹងធ្វើការរហូត ជាលទ្ធផលនាំឲ្យត្រូវប្រញាប់ប្រញាល់ទៅបន្ទប់ទឹកញយដង។

៩- បង្កហានិភ័យលើសជាតិក្លររីន

ជាតិក្លររីន ត្រូវគេប្រើដើម្បីសម្លាប់មេរោគ បាក់តេរីក្នុងទឹក ប៉ុន្តែនៅពេលយើងផឹកទឹកកាន់តែច្រើន យើងអាចនឹងស្រូបយកជាតិនេះកាន់តែខ្ពស់ នាំឲ្យលើសកម្រិតដែលជាលទ្ធផលនាំឲ្យបង្កើនហានិភ័យវិវត្តទៅរកជំងឺមហារីកប្លោកនោម និងមហារីកពោះវៀនធំ។

អត្ថបទពាក់ព័ន្ធ៖

១០- ប្រឈមហានិភ័យសន្លប់ (មនុស្សរុក្ខជាតិ)

ខួរក្បាល និងសរីរាង្គក្នុងរាងកាយត្រូវបំផ្លាញ ក៏អាចជាលទ្ធផលមកពីការផឹកទឹកលើសកម្រិតដូចគ្នា នាំឲ្យយើងប្រឈមបញ្ហាសន្លប់រយៈពេលយូរ ហើយក្នុងករណីខ្លះ អាចឈានដល់ស្លាប់ថែមទៀត។ លើសពីនេះ កុំផឹកទឹកច្រើនពេកក្នុងរយៈពេលខ្លី ព្រោះអាចប្រឈមបញ្ហាសុខភាពនេះដូចគ្នា។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

Editor HK

អត្ថបទដោយ សន សុភា · កែ 22/04/2020

ខែក្តៅ​រក្សាជាតិ​ទឹកក្នុង​ខ្លួនគ្រប់គ្រាន់ជារឿងល្អ តែបើលើសអាចគ្រោះថ្នាក់ទៅវិញ

១- ជំងឺខ្វះជាតិសូដ្យូម (Hyponatremia)

២- ធ្វើ​ឲ្យ​កោសិកា​ឡើងហើម

៣- បង្ករាករូស

៤- ប៉ះពាល់​ខួរក្បាល

៥- នាំ​ឲ្យ​បេះ​ដូង​ត្រូវ​ធ្វើ​ការ​ធ្ងន់ធ្ងរ

៦- បន្ថែម​សម្ពាធទៅ​លើ​តម្រងនោម

៧- អាច​បង្ក​ឲ្យ​មាន​បញ្ហា​ថ្លើម

៨- នោម​ញឹក

៩- បង្កហានិភ័យ​លើស​ជាតិ​ក្លររីន

១០- ប្រឈម​ហានិភ័យ​សន្លប់ (មនុស្សរុក្ខជាតិ)

ខែក្តៅរក្សាជាតិទឹកក្នុងខ្លួនគ្រប់គ្រាន់ជារឿងល្អ តែបើលើសអាចគ្រោះថ្នាក់ទៅវិញ

២- ធ្វើឲ្យកោសិកាឡើងហើម

៤- ប៉ះពាល់ខួរក្បាល

៥- នាំឲ្យបេះដូងត្រូវធ្វើការធ្ងន់ធ្ងរ

៦- បន្ថែមសម្ពាធទៅលើតម្រងនោម

៧- អាចបង្កឲ្យមានបញ្ហាថ្លើម

៨- នោមញឹក

៩- បង្កហានិភ័យលើសជាតិក្លររីន

១០- ប្រឈមហានិភ័យសន្លប់ (មនុស្សរុក្ខជាតិ)