ធ្លាប់ពិបាកប្រមូលអារម្មណ៍ផ្ចង់ឲ្យមូល ពេលធ្វើការ ឬរៀនអត់? បើធ្លាប់ ទោះម្ដងម្កាល ឬញឹកញាប់ ប្រហែលអត្ថបទនេះរបស់ “Hello គ្រូពេទ្យ” អាចជួយបានខ្លះ។
មាតិកា
កំពូលបន្លែ ផ្លែឈើ ជួយឲ្យខួរក្បាលចងចាំល្អ មិនងាយភ្លេចភ្លាំង!
របស់ញ៉ាំរាល់ថ្ងៃ ជះឥទ្ធិពលចំពោះសុខភាព និងកម្រិតចងចាំយើង។ បើអាហាមិនល្អ រាងកាយ និងដំណើរការខួរក្បាល ក៏អត់ល្អទៅតាមនោះដែរ។ ខាងក្រោមជាបន្លែ ផ្លែឈើប៉ុន្មានមុខ ខ្លះដាំនៅខ្មែរ ឯខ្លះទៀតនាំចូលពីបរទេសមកលក់តាមផ្សារទំនើប។
១- ផ្លែប៊ើរ
គ្នាយើងខ្លះ អត់សូវចូលចិត្ត ឬអត់ចេះញ៉ាំ។ គេអាចញ៉ាំវាជាផ្លែទុំក៏បាន ឬចិតធ្វើបង្អែមផ្លែឈើ ឬក៏ទឹកក្រឡុកក៏បាន។ ប៊ើរ ជាផ្លែឈើដែលមានជាតិខ្លាញ់ល្អ ឬហៅថាខ្លាញ់ឆ្អែត ដែលមានសម្ព័ន្ធម៉ូលេគុលតែមួយ។ ផ្លែនេះ មានគុណប្រយោជន៍ណាស់សម្រាប់រាងកាយ ជាពិសេសជួយ៖
– ផលិតជាតិខូលេជែនល្អសម្រាប់ស្បែក
– ជួយឲ្យស្បែកតឹងរលោង
– ជួយឲ្យសក់ និងក្រចកដុះល្អ
– ជួយឲ្យគ្លុយកូស (ស្ករ) ក្នុងឈាមមានលំនឹង។
ផ្លែប៊ើរ មានវីតាមីន K និងហ្វូឡាត (folate) អាចបង្ការកុំឲ្យឈាមកកក្នុងខួរក្បាល កាត់បន្ថយបញ្ហាកកស្ទះ ដាច់សរសៃឈាមខួរក្បាល ជួយឲ្យការចងចាំ និងផ្ចង់អារម្មណ៍កាន់តែល្អ។
ចងពិនិត្យជំងឺសរសៃឈាមបេះដូង ចុចទីនេះ!
២- ផ្លែប្ល៊ូប៊ើរី
ក្រៅពីឆ្ងាញ់ ផ្លែឈើនាំចូលពីក្រៅប្រទេស មកដាក់លក់តាមបណ្ដាហាងផ្លែឈើ ឬផ្សារទំនើបមួយនេះ ប្រមូលផ្តុំទៅដោយពពួកអង់ទីអុកស៊ីដង់ វីតាមីន C កម្រិតខ្ពស់ វីតាមីន K ជាតិកាកសរសៃ និងអាស៊ីតហ្គាលិច។ ភាពល្អអស់ទាំងនោះ ជួយខួរក្បាលយើងមិនឲ្យភ្លេចភ្លាំងច្រើន បន្ថយអារម្មណ៍តានតឹង តប់ប្រមល់ និងសាច់ចាំមិនងាយចាស់។
៣- បន្លែស្លឹកបៃតង
ការស្រាវជ្រាវបញ្ជាក់ថា បន្លែស្លឹកបៃតង ជួយយើងឲ្យរក្សាផ្ចង់អារម្មណ៍បានល្អ ព្រោះវាសម្បូរដោយវីតាមីន រ៉ែខនិជ ក្លរ៉ូហ្វីល និងជាតិកាកសរសៃដែលល្អបំផុតសម្រាប់ឈាម និងប្រព័ន្ធលាយអាហារ។ ក្រៅពីនេះ ដោយសារតែបន្លែទាំងនោះប្រមូលផ្តុំទៅដោយវីតាមីន A និង វីតាមីន K វាក៏ជួយឲ្យឆ្អឹងរឹងមាំ និងជួយបង្ការការរលាកបានទៀតផង។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
15 Brain Foods to Boost Focus and Memory https://draxe.com/15-brain-foods-to-boost-focus-and-memory/ Accessed April 15, 2017
4 Foods to Help You Focus Better
http://www.eatingwell.com/nutrition_health/nutrition_news_information/4_foods_to_help_you_focus_better Accessed April 15, 2017
9 brain foods that will improve your focus and concentration http://alifeofproductivity.com/9-brain-foods-that-will-boost-your-ability-to-focus/ Accessed April 15, 2017
កំណែប្រែបច្ចុប្បន្ន
15/07/2024
អត្ថបទដោយ ណៃ ទូច
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម