រត់ហាត់ប្រាណ ជាលំហាត់ប្រាណមួយប្រភេទមានប្រយោជន៍ និងកំពុងពេញនិយមបំផុតមួយដែរ។ ការរត់ហាត់ប្រាណអាចជួយកម្ចាត់ជាតិខ្លាញ់ក្នុងខ្លួនបានលឿន អាចជួយពង្រឹងសុខភាពបេះដូង និងធ្វើឲ្យមានរាងស្អាតផង។
មនុស្សគ្រប់គ្នាអាចធ្វើលំហាត់ប្រាណដោយរត់នេះបាន លុះត្រាតែមានទម្លាប់ក្នុងការរត់ត្រឹមត្រូវមួយ ហើយសមស្របទៅនឹងស្ថានភាពសុខភាពយើងផងដែរ។ បើសិនជាយើងមិនធ្លាប់រត់ពីមុនមកទេ ខាងក្រោមនេះជាគន្លឹះខ្លះៗសម្រាប់អ្នកចង់ចាប់ផ្ដើមរត់ហាត់ប្រាណ។
មុនពេលរត់ សម្រាប់គ្នាយើងដែលទើបចាប់ផ្ដើមដំបូងត្រូវកម្ដៅសាច់ដុំជាមុន និងត្រូវបន្ធូរសាច់ដុំវិញពេលចាប់ផ្ដើមរត់ និងពេលឈប់រត់ ក្នុងរយៈពេលប្រហែលជាបីនាទី។
យើងអាចកម្តៅសាច់ដុំដោយធ្វើការរត់យឺតៗនៅពេលដំបូងបន្ទាប់មកលឿនជាងមុនបន្តិចម្តងៗ និងត្រូវបន្ធូរសាច់ដុំវិញនៅពេលឈប់រត់។ យើងមិនត្រូវភ្លេចពាក់ឧបករណ៍មួយចំនួននៅពេលរត់ដូចជាខោអាវកីឡា និងស្បែកជើងកីឡានោះទេ។
អត្ថបទពាក់ព័ន្ធ៖
- អត្ថប្រយោជន៍រត់ហាត់ប្រាណពេលព្រឹក គ្នាយើងតិចណាស់បានដឹង!
- រត់ហាត់ប្រាណ ងាយស្រួល មិនស៊ាំញ៉ាំ ហើយជួយឆ្អឹងរឹងមាំថែមទៀត
- តិចនិកហាត់ប្រាណសម្រាប់អ្នកមានជំងឺរលាកឆ្អឹងសន្លាក់
១- សប្តាហ៍ទី ១
– ដើរ ២ នាទីរួចរត់ ២ នាទី។ ធ្វើបែបនេះរយៈពេល ២៨ នាទី
– បន្ធូរសាច់ដុំ ៣ នាទី
– ធ្វើចលនាទាញសាច់ដុំ ៥ នាទី។
អត្ថបទពាក់ព័ន្ធ៖ កំហុសទាំង ៦ ច្រើនមើលរំលង ពេលរត់ហាត់ប្រាណ
២- សប្តាហ៍ទី ២
យើងមិនមែនស្ថិតនៅក្នុងការប្រកួតរត់ទេ ដូច្នេះល្បឿនរបស់យើងគឺមិនសំខាន់ឡើយ។ គោលការណ៍សំខាន់មួយនៃការរត់គឺយើងត្រូវរក្សាតុល្យភាពរវាងដង្ហើម និងជំហានរបស់យើង។ ការរត់អាចធ្វើឲ្យយើងពិបាកក្នុងការដកដង្ហើម ប៉ុន្តែយើងនៅតែអាចសន្ទនាគ្នាបានពេលកំពុងរត់។ ប្រសិនបើយើងមានការពិបាកក្នុងការដកដង្ហើមហើយមិនអាចនិយាយបាននោះយើងប្រហែលជារត់ក្នុងល្បឿនលឿនពេកហើយ ដូច្នេះអ្នកគួរតែបន្ថយល្បឿនបន្តិចវិញ។
– កម្តៅសាច់ដុំ ៣ នាទី
– រត់ ៣ នាទីរួចដើរ ១ នាទី។ ធ្វើបែបនេះរយៈពេល ២៨ នាទី
– បន្ធូរសាច់ដុំ ៣ នាទី។
៣- សប្តាហ៍ទី ៣
– កម្តៅសាច់ដុំ ៣ នាទី
– រត់ ៤ នាទីរួចដើរ ១ នាទី។ ធ្វើបែបនេះរយៈពេល ៣០ នាទី
– បន្ធូរសាច់ដុំ ៣ នាទី។
អត្ថបទពាក់ព័ន្ធ៖
- ពេលរមួលក្រពើ ធ្វើតាមវិធីនេះជួយឲ្យឈាមរត់បានស្រួលឆាប់បានធូរស្បើយ
- ការរត់ហាត់ប្រាណផ្ដល់អត្ថប្រយោជន៍ច្រើនយ៉ាងដល់សុខភាពផ្លូវចិត្ត
៤- សប្តាហ៍ទី ៤
– កម្តៅសាច់ដុំ ៣ នាទី
– រត់ ៤ នាទីរួចដើរ ៣០ វិនាទី។ ធ្វើបែបនេះរយៈពេល ៣៣ នាទី
– បន្ធូរសាច់ដុំ ៣ នាទី។
៥- សប្តាហ៍ទី ៥
យើងអាចបង្កើតទម្លាប់ល្អក្នុងការរត់ដោយបន្ថែមពីរទៅបីនាទីសម្រាប់ការរត់ និងបន្ថែមពីរបីវិនាទីលើការដើរ ជារៀងរាល់សប្ដាហ៍ រហូតដល់យើងមានអារម្មណ៍ថាស៊ាំនឹងទម្លាប់បែបនេះ។
ក្នុងអំឡុងពេលរត់ គឺជារៀងសមខាន់មួយ យើងត្រូវព្យាយាមបន្ធូរស្មា គ្រវីដៃតិចៗ ត្រូវឱនក្បាលបន្តិច និងត្រូវផ្ដោតអារម្មណ៍មើលទៅមុខជានិច្ច។ យើងត្រូវបោះជំហានខ្លីៗ តែឲ្យរហ័ស។ បើមានករណិឈឺសាច់ដុំ គឺជារឿងធម្មតាដែលអាចកើតមាននៅអំឡុងពីរបីថ្ងៃដំបូងនៃការរត់ដំបូងៗរបស់យើង។
ប្រសិនបើការឈឺចាប់មានរយៈពេលយូរ នោះមានន័យថាយើងបានបង្ខំខ្លួនរត់ខ្លាំងពេកហើយ។ យើងត្រូវឲ្យរាងកាយសម្រាកដោយផ្លាស់ប្តូរការហាត់ដូចជាការដើរ ហែលទឹក ឬជិះកង់វិញ។ ការរត់គួរតែមានភាពសប្បាយដោយមិនមែនធ្វើឲ្យខ្លួនយើងហត់ពេក ឬឈឺចាប់នោះទេ។យើងអាចត្រលប់មករត់វិញនៅពេលដែលរាងកាយបានជាសះស្បើយទាំងស្រុងដើម្បីជៀសវាងពីការរងរបួសផ្សេងៗ។
អត្ថបទពាក់ព័ន្ធ៖
- អ្នកមានជំងឺលើសឈាម ត្រូវដឹងវិធីហាត់ប្រាណទាំងនេះកុំឲ្យប៉ះពាល់សុខភាព
- ចង់រត់ហាត់ប្រាណឲ្យស្រកទម្ងន់ ត្រូវដឹងតិចនិកទាំងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
