មូលហេតុវិលមុខក្រោយញ៉ាំអាហារ
អាការៈវិលមុខក្រោយញ៉ាំអាហាររួច អាចកើតឡើងដោយសារតែកត្តាជាច្រើន។ សូម្បីតែការក្រោកឈរភ្លាមៗ ក្រោយអង្គុយយូរម៉ោងក៏អាចនាំឲ្យយើងវិលមុខដូចគ្នា។ ការប្រែប្រួលកម្រិតសារធាតុរាវ និងលំហូរឈាមភ្លាមៗ អាចបណ្តាលឲ្យគ្នាយើងមានអារម្មណ៍ធីងធោងមួយរយៈខ្លី។
ទន្ទឹមនឹងនេះដែរ ករណីវិលមុខ ឬធីងធោងក្រោយញ៉ាំអាហាររួច ក៏អាចកើតឡើងនៅពេលយើងជួបបញ្ហាចុះសម្ពាធឈាមក្រោយញ៉ាំអាហារ ដែលស្ថានភាពសុខភាពមួយនេះច្រើនតែកើតលើមនុស្សវ័យចំណាស់ និងជាហេតុនាំឲ្យធីងធោង ឬដួលភ្លាមៗ។