ការចាក់សារធាតុញៀនហេរ៉ូអ៊ីនចូលក្នុងខ្លួន កំពុងធ្វើឲ្យអ្នកជំនាញសុខភាពព្រួយបារម្ភខ្លាំង ព្រោះត្រូវគេជឿថាជាមូលហតុនាំឲ្យការឆ្លងរាលដាលជំងឺថ្លើមប្រភេទ C កាន់តែកើនឡើង។
យោងតាមការសិក្សាថ្មីមួយនៅអាមេរិក បើទោះជាប៉ុន្មានឆ្នាំចុងក្រោយ ការប្រើសារធាតុញៀនហេរ៉ូអ៊ីន ចាក់ចូលក្នុងសរសៃឈាម មានការធ្លាក់ចុះបន្តិចក្តី ប៉ុន្តែបើធៀបទៅនឹងកាលពីជាងមួយទសវត្សរ៍មុន ពោលចាប់ពីឆ្នាំ ២០០៨-២០១៦ នៅតែកើនឡើងគួរឲ្យព្រួយបារម្ភ ពិសេសនាំឲ្យកំណើនឆ្លងមេរោគថ្លើមប្រភេទ C កាន់តែកើនឡើងដូចគ្នា។ នេះជាការអះអាងរបស់លោកស្រីវេជ្ជបណ្ឌិត Nora Volkow នាយិកាវិទ្យាស្ថានជាតិប្រយុទ្ធប្រឆាំងការប្រើប្រាស់គ្រឿងញៀនអាមេរិក ដែលដឹកនាំការស្រាវជ្រាវនេះ។
អត្ថបទពាក់ព័ន្ធ៖
- អ្វីជាជំងឺរលាកថ្លើមដោយសារមេរោគ?
- រួមភេទតាមមាត់ អាចចម្លងរោគទាំងនេះដល់ដៃគូបាន
- ហេរ៉ូអុីនបង្កគ្រោះថ្នាក់ខ្លាំងដល់សុខភាព កុំចង់សាកឲ្យសោះ
លោកស្រីលើកឡើងថា វិបត្តិគ្រឿងញៀនក្នុងសង្គម ជាក្តីបារម្ភ នៃការរីករាលដាលមេរោគថ្លើមប្រភេទ C កាន់តែខ្ពស់។ នៅលើបណ្តាញព័ត៌មានសុខភាព JAMA លោកស្រីធ្លាប់កត់សម្គាល់ថា មេរោគ HIV និងមេរោគថ្លើម គឺទំនាក់ទំនងនឹងការចាក់សារធាតុញៀន ហើយកំពុងតែកើនឡើងយ៉ាងខ្លាំង ខណៈរបាយការណ៍របស់ មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក CDC ចាប់តាំងពីឆ្នាំ ២០១០ ជំងឺថ្លើមប្រភេទ C មានការកើនឡើងកាន់តែខ្ពស់ ពិសេសក្នុងចំណោមមនុស្សមានវ័យចន្លោះពី ២០-២៩ ឆ្នាំ។
អត្ថបទពាក់ព័ន្ធ៖
- ជំងឺរលាកថ្លើមប្រភេទ B និង C ខុសគ្នាម៉េចខ្លះ?
- រួមភេទមិនប្រយ័ត្ន តិចឆ្លងរលាកថ្លើម
- នេះជារោគសញ្ញា និងវិធីព្យាបាលជំងឺរលាកថ្លើមប្រភេទ B
ការស្ទង់មតិធ្វើឡើងពីឆ្នាំ ២០០២-២០១៨ ទៅលើអ្នកចូលរួមជាង ៨០ម៉ឺននាក់ អាយុជាមធ្យម ៣៥ឆ្នាំ រកឃើញថា កំណើនអ្នកប្រើប្រាស់់គ្រឿងញៀនដោយចាក់ចូលសរសៃនៅអាមេរិក កើនប្រមាណ ៧,៥% ក្នុងមួយឆ្នាំ និងធ្លាក់ចុះមកនៅត្រឹម ៧,១% ក្នុងមួយឆ្នាំ ចន្លោះឆ្នាំ ២០១៦-២០១៨។ តួលេខនេះ គឺស៊ីគ្នាទៅនឹងទិន្នន័យកើនឡើងអ្នកឆ្លងមេរោគថ្លើមប្រភេទ C នៅអាមេរិកដូចគ្នា។
អត្ថបទពាក់ព័ន្ធ៖ ផឹកស្រាលាយកូកាអ៊ីន អាចបណ្ដាលឲ្យដាច់សរសៃឈាមខួរក្បាលភ្លាមៗ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
