ទន្ទឹមគ្នានោះដែរ ផ្អែកលើឥទ្ធិពលកម្ដៅដែលបណ្ដាលឲ្យប៉ះពាល់ដល់មេជីវិតឈ្មោល សាស្ត្រាចារ្យវេជ្ជបណ្ឌិត គាន់ អូន ក៏បានលើកឡើងថា ការស្លៀកខោតឹងៗ អាចបណ្ដាលឲ្យសីតុណ្ហភាពត្រង់បរិវេណពងស្វាសកើនកម្ដៅ ហប់ ស្អុះស្អាប់ រហូតដល់រលាកក៏មាន ដែលនោះជាមូលហេតុចម្បងក្នុងការបំផ្លាញមេជីវិតឈ្មោល។ ជាទូទៅពងស្វាសគួរតែស្ថិតក្នុងសីតុណ្ហភាពទាបជាងកម្ដៅរាងកាយ ទើបអាចផលិតមេជីវិតឈ្មោលបានទាំងបរិមាណ និងគុណភាព។
ចំណុចសំខាន់
ការធ្វើសូណា ញឹកញាប់ពិតជាអាចផ្ដល់អត្ថប្រយោជន៍ច្រើន ចំពោះសុខភាពមែន ប៉ុន្ដែក៏មានផលប៉ះពាល់មួយដែលមិនអាចនឹកស្មានដល់ គឺប្រឈមនឹងការថយចុះមេជីវិតឈ្មោល ដែលជាកត្ដាគួឲ្យព្រួយបារម្មណ៍សម្រាប់បុរសៗ។